ಆಕಾಶಕ್ಕೆ ಹಲವು ಬಣ್ಣಗಳು

Author : ಸಿದ್ಧರಾಮ ಹೊನ್ಕಲ್

Pages 136

₹ 130.00




Year of Publication: 2020
Published by: ಸಿದ್ಧಾರ್ಥ ಎಂಟರ್ ಪ್ರೈಸಸ್
Address: ಗಣಪತಿ ನಗರ, ಗಾಣಿಗರಹಳ್ಳಿ, ಬೆಂಗಳೂರು ಉತ್ತರ, ಚಿಕ್ಕಬಾಣಾವರ- 560090
Phone: 9916015005

Synopsys

‘ಆಕಾಶಕ್ಕೆ ಹಲವು ಬಣ್ಣಗಳು’ ಲೇಖಕ ಸಿದ್ದರಾಮ ಹೊನ್ಕಲ್ ಅವರ ಗಜಲ್ ಸಂಕಲನ. ಈ ಕೃತಿಗೆ ಲೇಖಕ ಚಿದಾನಂದ ಸಾಲಿ ಅವರು ಬೆನ್ನುಡಿ ಬರೆದಿದ್ದಾರೆ. ಕಲ್ಯಾಣ ಕರ್ನಾಟಕದ ಪ್ರಮುಖ ಕಥೆಗಾರರಲ್ಲಿ ಒಬ್ಬರಾದ ಸಿದ್ಧರಾಮ ಹೊನ್ಕಲ್ ಅವರು ಕಾವ್ಯ ಕೃತಿಗಳನ್ನು ಪ್ರಕಟಿಸಿದ್ದರೂ ಸಹ ಮುಖ್ಯವಾಗಿ ಪ್ರವಾಸ ಕಥನಕಾರರೇ. ತಮ್ಮ ಪಂಚನದಿಗಳ ನಾಡಿನಲ್ಲಿ ಎಂಬ ಪ್ರವಾಸ ಕಥನದ ಕೃತಿಗೆ 25-30 ವರ್ಷಗಳ ಹಿಂದೆ ಚಿಕ್ಕ ವಯಸ್ಸಿನಲ್ಲಿಯೇ ಕರ್ನಾಟಕ ಸಾಹಿತ್ಯ ಅಕಾಡೆಮಿಯ ಪುರಸ್ಕಾರವನ್ನು ಪಡೆದ ಇವರು ಈಗ ಗಜಲ್ ಪ್ರಕಾರದತ್ತ ಕೈ ಚಾಚಿದ್ದಾರೆ. ಗದ್ಯ ಬರವಣಿಗೆಯಲ್ಲಿನ ಅವರ ಶೈಲಿಯ ಪ್ರಭಾವವು ಈ ಗಜಲ್ ಗಳ ಬರವಣಿಗೆ ಮೇಲೂ ಆಗಿರುವುದು ಮೇಲ್ನೋಟಕ್ಕೆ ಕಂಡು ಬರುತ್ತದೆ ಎಂದು ಪ್ರಶಂಸಿಸಿದ್ದಾರೆ.

ಸಾಮಾಜಿಕ ಸಂಕಟಗಳಿಗೆ ಮಿಡಿಯುವ ಕಥೆಗಾರ, ಮಧುರ ಮೈತ್ರಿಗಾಗಿ ಹಂಬಲಿಸುವ ಕವಿ, ಕೌಟುಂಬಿಕ ವಿಘಟನೆಗಳ ಬಗ್ಗೆ ವಿಹ್ವಲತೆ ವ್ಯಕ್ತಪಡಿಸುವ ಸಮಾಜ ಶಾಸ್ತ್ರಜ್ಞ, ಈ ಮೂವರೂ ಇಲ್ಲಿನ ಗಜಲ್ ಗಳನ್ನು ಕೈಹಿಡಿದು ಮುನ್ನಡೆಸಿದಂತಿದೆ.

About the Author

ಸಿದ್ಧರಾಮ ಹೊನ್ಕಲ್
(22 December 1960)

ಸೃಜನಶಿಲತೆಯ ಬಹುಮುಖಿ ಆಯಾಮಗಳಲ್ಲಿ ತೊಡಗಿಸಿಕೊಂಡಿರುವ ಕವಿ ಸಿದ್ಧರಾಮ ಹೊನ್ಕಲ್ ಅವರು ಯಾದಗಿರಿ ಜಿಲ್ಲೆಯ, ಶಹಾಪುರ ತಾಲೂಕಿನ ಸಗರ ಗ್ರಾಮದವರು.  ಎಂ ಎ., (ಎಲ್.ಎಲ್.ಬಿ ), ಡಿ.ಎನ್.ಹೆಚ್.ಇ , ಪಿ ಜಿ.ಡಿಎಮ್.ಸಿ.ಜೆ ಪದವೀಧರರು. ಕಥೆ, ಕಾವ್ಯ, ಹನಿಗವನ, ಲಲಿತ ಪ್ರಬಂಧ, ಪ್ರವಾಸ ಕಥನ, ವ್ಯಕ್ತಿ ಚಿತ್ರಣ, ಸಂಪಾದನೆ - ಹೀಗೆ ಸಾಹಿತ್ಯದ ವಿವಿಧ ಪ್ರಕಾರಗಳ 40 ಕೃತಿಗಳನ್ನು ರಚಿಸಿದ್ದಾರೆ. ಆರೋಗ್ಯ ಶಿಕ್ಷಣಾಧಿಕಾರಿಯಾಗಿ ನಿವೃತ್ತರು.  ಕೃತಿಗಳು: ಕಥೆ ಕೇಳು ಗೆಳೆಯ, ಬಯಲು ಬಿತ್ತನೆ, ನೆಲದ ಮರೆಯ ನಿನಾದ, ಅಂತರಂಗದ ಹನಿಗಳು, ಹೊಸ ಹಾಡು, ಬೆವರು, ನೆಲದ ನುಡಿ, ಗಾಂಧಿಯ ನಾಡಿನಲ್ಲಿ, ಪಂಚನಾದಿಗಳ ನಾಡಿನಲ್ಲಿ ಮುಂತಾದವು. ...

READ MORE

Related Books