ಪ್ರತಿಯೊಂದು ಜೀವಿಯ ವರ್ತನೆಯ ಹಿಂದೆಯು ಅದರದೆ ಆದ ಮನೋವೃತ್ತಿ ಇರುತ್ತದೆ. ಅಂತೆಯೇ ಮಕ್ಕಳು ಬೆಳೆದು ಶಾಲೆಗೆ ಹೋಗಿ ಜ್ಞಾನ ಸಂಪಾದಿಸುವುದರ ಜೊತೆಗೆ ಅವರಿಗೆ ನೈತಿಕ ಬುನಾದಿ, ವಿನಯ ಶ್ರದ್ಧೆ, ಚಾರಿತ್ರ್ಯ ನಿರ್ಮಾಣ ಮಾಡುವ ಮನೋ ಶಿಕ್ಷಣವೂ ಅಗತ್ಯ.. ಈ ನಿಟ್ಟಿನಲ್ಲಿ ಹೆತ್ತವರು ಓದಿ ಮಕ್ಕಳಿಗೆ ತಿಳುವಳಿಕೆ ನೀಡುವಂತಹ ಸಾಹಿತ್ಯದ ಜೊತೆಗೆ ಮಕ್ಕಳು ತಾವೇ ಓದಿ ಅರ್ಥೈಸಿಕೊಳ್ಳುವಂತಹ ಸಾಹಿತ್ಯವು ಅಗತ್ಯವೆನ್ನಿಸಿ ಆಕಾಶಕ್ಕೆ ಈಣಿ ಎಂಬ ವ್ಯಕ್ತಿತ್ವ ವಿಕಸನದ ಕೃತಿಯನ್ನು ಗಿರಿಮನೆ ಶ್ಯಾಮರಾವ್ ರಚಿಸಿದ್ದಾರೆ. ಮಕ್ಕಳಿಗೆ ಕುತೂಹಲ ಕೆರಳಿ ಅವರಾಗಿಯೇ ಓದಿ ತಿಳಿದುಕೊಳ್ಳುವ ತನ್ಮೂಲಕ ಮಾನಸಿಕ ವಿಕಸನಕ್ಕೂ ಪೂರಕವಾಗುವಂತಹ ಕೃತಿ ಆಕಾಶಕ್ಕೆ ಏಣಿ. ಪ್ರಸ್ತುತ ಕಾಲದಲ್ಲಿ ಟಿ.ವಿ ಎಂತಹ ಮಾಧ್ಯಮಗಳು ಮಕ್ಕಳನ್ನು ದಾರಿ ತಪ್ಪಿಸುತ್ತಿವೆ. ಹೀಗಾಗಿ ಮಾನಸಿಕ ವಿಕಸನ ಹಾಗೂ ದೈಹಿಕ ಆರೋಗ್ಯಕ್ಕೆ ಮಾರಕವಾದ ಕೂತಲ್ಲೇ ಕೂರುವ ಯಂತ್ರಗಳಾಗುತ್ತಿದ್ದಾರೆ ಮಕ್ಕಳು. ಹೀಗಾಗಿ ಮಕ್ಕಳ ಕಲ್ಪನೆಗಳನ್ನು ಗರಿಗೆದರಿಸಿ ಅವರನ್ನು ಭಾವನಾ ಲೋಕಕ್ಕೆ ಕರೆದೊಯ್ಯುವ ಪ್ರಯತ್ನಕ್ಕೆ ಕೈ ಹಾಕಿದ್ದಾರೆ ಇರಿಮನೆ ಶ್ಯಾಮರಾವ್. ಈ ಕೃತಿಯಲ್ಲಿನ ಹಾಡು, ಕಥೆ, ನೀತಿಕಥೆ, ಪ್ರಶ್ನೋತ್ತರ, ಒಗಟು, ತಮಾಷೆ ಮಕ್ಕಳಿಗೆ ಸ್ವಸ್ಥ ಶರೀರ ಮತ್ತು ಸ್ವಸ್ಥ ಮನಸ್ಸನ್ನು ರೂಪಿಸಲು ಸಹಾಯ ಮಾಡುತ್ತದೆ.
ಗಿರಿಮನೆ ಶ್ಯಾಮರಾವ್ ಆಧುನಿಕ ಕನ್ನಡ ಸಾಹಿತ್ಯ ಲೋಕದಲ್ಲಿ ತಮ್ಮದೇ ಆದ ವಿನೂತನ ರೀತಿಯ ಬರವಣೆಗೆಗಳಿಂದ ಕನ್ನಡ ಓದುಗ ಆಸಕ್ತರ ನಡುವೆ ಚಿರಪರಿಚಿತರು. ಇವರ ಹುಟ್ಟೂರು ಹಾಸನ ಜಿಲ್ಲೆಯ ಸಕಲೇಶಪುರದ ಗಾಣದಹೊಳೆ ಗ್ರಾಮ. ಪತ್ನಿ ಶಶಿಕಲಾ ಹಾಗು ಪುತ್ರ ಚೇತನ್ ಶರ್ಮ. ಕೃಷಿಕನಾಗಿ 35 ವಸಂತಗಳ ಸುದೀರ್ಘ ಅನುಭವವಿದೆ. ಪಶ್ಚಿಮ ಘಟ್ಟದ ಪ್ರಕೃತಿ, ಜೀವಜಗತ್ತಿನ ಪರಿಚಯ, ಮನುಷ್ಯರ ಮನಸ್ಸಿನ ಅವಲೋಕನ, ವೈಜ್ಞಾನಿಕವಾದ ವೇದದ ಒಳಗನ್ನು ತಿಳಿಯುವ ಕುತೂಹಲ ಇವೆಲ್ಲವೂ ಇವರನ್ನು ಬರವಣಿಗೆಯ ಕ್ಷೇತ್ರದೆಡೆಗೆ ಸೆಳೆದಿದೆ. ಹವ್ಯಾಸಿ ಪತ್ರಿಕಾ ಅಂಕಣಕಾರರಾಗಿದ್ದಾರೆ. ಮಕ್ಕಳ ಸಾಹಿತ್ಯ, ವ್ಯಕ್ತಿತ್ವ ವಿಕಸನ, ಚಿಂತನೆ, ಕಾದಂಬರಿ ಹೀಗೆ ಹಲವಾರು ...
READ MORE
Concept & Creation 
©2024 Book Brahma Private Limited.
