ಐದು ಬೀದಿ ನಾಟಕಗಳು

Author : ಬಸವರಾಜ ಸಬರದ

Pages 128

₹ 80.00




Year of Publication: 2005
Published by: ಪಲ್ಲವಿ ಪ್ರಕಾಶನ
Address: ಸರಸ್ವತಿಪುರ, ವಿಶ್ವವಿದ್ಯಾಲಯ ಅಂಚೆ, ಗುಲಬರ್ಗಾ- 585106

Synopsys

‘ಐದು ಬೀದಿ ನಾಟಕಗಳು’ ಲೇಖಕ ಡಾ.ಬಸವರಾಜ ಸಬರದ ಬೀದಿ ನಾಟಕಗಳ ಸಂಕಲನ. ಈ ಕೃತಿಗೆ ಡಾ. ವಿಜಯಾ ಅವರ ಬೆನ್ನುಡಿ ಬರಹವಿದೆ. ಕೃತಿ ಮತ್ತು ಕೃತಿಕಾರರ ಕುರಿತು ಬರೆಯುತ್ತಾ ‘ಪ್ರಿಯ ಸಂಗಾತಿ ಬಸವರಾಜ ಸಬರದ ಬಿಡುವಿಲ್ಲದ ಬರಹಗಾರ. ಅವರ ಎಲ್ಲ ಬರಹವೂ ಸಮಾಜದ ಸ್ವಾಸ್ಥ್ಯಕ್ಕಾಗಿ ತುಡಿಯುತ್ತವೆ. ಈ ಐದೂ ನಾಟಕಗಳಲ್ಲಿ ಅಂಥ ಕಾಳಜಿಯೇ ಎದ್ದು ಕಾಣುತ್ತದೆ. ಕೇವಲ ಬಾಹ್ಯ ವಿವರಗಳಲ್ಲಿಯಲ್ಲದೆ ಬುದ್ಧಿ ಭಾವಗಳಲ್ಲೂ ಸಹ ಚಿಂತನೆ ಇದ್ದಾಗಲೇ ಸ್ತ್ರೀ-ಪುರುಷ ಸಮಾನತೆ ಸಾಧ್ಯ, ಅದಕ್ಕಾಗಿ ನಿನ್ನೆಗಳನ್ನು ಬಗೆದು ತೆಗೆಯಬೇಕೆಂಬಲ್ಲಿ, ಸಿದ್ಧಾರ್ಥನು ಬುದ್ಧನಾಗುತ್ತಾ ಲೋಕ ಕಲ್ಯಾಣಕ್ಕೆ ಮುಖಮಾಡುವ ವಿವರಗಳಲ್ಲಿ, ಒಟ್ಟಾರೆ ಈ ಎಲ್ಲ ನಾಟಕಗಳಲ್ಲಿ ಹೇಳಿಕೆಗೆ ಮೀರಿದ ಕಾವ್ಯಗುಣ ಪಡೆದುಕೊಳ್ಳುವುದರಲ್ಲೇ ಸಬರದರ ಕಲೆಗಾರಿಕೆ ಅಡಗಿದೆ. ಬೀದಿಯಲ್ಲಿ ನಿಂತ ಪ್ರೇಕ್ಷಕನ ಕಲ್ಪನಾ ಶಕ್ತಿಯನ್ನು ಎಷ್ಟು ಪ್ರಮಾಣದಲ್ಲಿ ದುಡಿಸಿಕೊಳ್ಳಲು ನಿರ್ದೇಶಕ ಶಕ್ತನೋ ಅಷ್ಟು ಯಶಸ್ವಿಯಾಗಬಲ್ಲ ನಾಟಕಗಳು ಇಲ್ಲಿವೆ’ ಎನ್ನುತ್ತಾರೆ ವಿಜಯಾ. ಆ ಮಟ್ಟಿಗೆ ಅವನ್ನು ಬೀದಿ ನಾಟಕದ ಸ್ವರೂಪಕ್ಕೆ ತಂದುಕೊಳ್ಳುವ ಸಾಧ್ಯತೆ ಇರುವಂಥ ನಾಟಕಗಳಿವು. ವಾಸ್ತವವಾದಿ ರಂಗವನ್ನು ಕಟ್ಟಿಕೊಡಬಲ್ಲ ಸಮರ್ಥ ನಿರ್ದೇಶಕನಿಗೆ ರಂಗದಮೇಲೆ ಒಂದು ಸವಾಲಾಗಬಲ್ಲಂಥ ನಾಟಕಗಳೂ ಇಲ್ಲಿವೆ. ಸಬರದರು ರಂಗ ಪ್ರಯೋಗದ ಬಗೆಗೂ ತಿಳಿದವರಾದ್ದರಿಂದ ಈ ಸಮನ್ವಯ ಸಾಧ್ಯವಾಗಿದೆ ಎಂದು ಮೆಚ್ಚುಗೆ ಸೂಚಿಸಿದ್ದಾರೆ. ಇಲ್ಲಿ ಸಬರದ ಅವರ ಜೀವಜಲ, ಕಾಯಕ ಜೀವಿಗಳು, ಮಹಿಳಾ ವಿಮೋಚನೆ, ಸಿದ್ಧಾರ್ಥ, ಬೆಳಕಿನೆಡೆಗೆ ನಾಟಕಗಳು ಸಂಕಲನಗೊಂಡಿವೆ.

About the Author

ಬಸವರಾಜ ಸಬರದ
(20 June 1954)

ಬಸವರಾಜ ಸಬರದ ಅವರು ಮೂಲತಃ ಕೊಪ್ಪಳ ಜಿಲ್ಲೆ ಯಲಬುರ್ಗ ತಾಲ್ಲೂಕಿನ ಕುಕನೂರಿನವರು. ಹುಟ್ಟಿದ್ದು 1954 ಜೂನ್‌ 20ರಂದು. ತಾಯಿ ಬಸಮ್ಮ, ತಂದೆ ಬಸಪ್ಪ ಸಬರದ. ಹುಟ್ಟೂರು ಕುಕನೂರಿನಲ್ಲಿಯೇ ಪ್ರಾಥಮಿಕ ಶಿಕ್ಷಣ ಪಡೆದ ಇವರು ಕರ್ನಾಟಕ ವಿಶ್ವವಿದ್ಯಾಲಯದಿಂದ ಕನ್ನಡ ಭಾಷೆಯಲ್ಲಿ ಸ್ನಾತಕೋತ್ತರ ಪದವಿ ಹಾಗೂ ಪಿಎಚ್‌ಡಿ ಪದವಿ ಪಡೆದರು. ಉಪನ್ಯಾಸಕರಾಗಿ ವೃತ್ತಿ ಆರಂಭಿಸಿದ ಇವರು ಹಲವಾರು ಕಾಲೇಜುಗಳಲ್ಲಿ ಸೇವೆ ಸಲ್ಲಿಸಿದ್ದಾರೆ.  ಶೈಕ್ಷಣಿಕವಾಗಿ ಮಾತ್ರವಲ್ಲದೇ ದೇವದಾಸಿ ವಿಮೋಚನಾ ಹೋರಾಟ, ಅಂತರ್ಜಾತಿ ವಿವಾಹಗಳಿಗೆ ಪ್ರೋತ್ಸಾಹ, ಅಸ್ಪೃಶ್ಯತಾ ನಿವಾರಣೆ, ದಲಿತ-ಬಂಡಾಯ ಚಳವಳಿ ಮುಂತಾದ ಸಾಮಾಜಿಕ ಹೋರಾಟಗಳಲ್ಲಿಯೂ ತೊಡಗಿಸಿಕೊಂಡಿದ್ದಾರೆ.   ನನ್ನವರ ಹಾಡು, ಹೋರಾಟ, ...

READ MORE

Related Books