ಲೇಖಕಿ ರಜನಿ ನರಹಳ್ಳಿ ಅವರ ತಮ್ಮ ಮೊಮ್ಮಗಳಿಗಾಗಿ ಹೇಳಿದ ಕತೆಗಳಿವು. ಮೊಮ್ಮಗಳಿಗೆ ಹೇಳಿದ ಕತೆಗಳಾದರೂ ಅವು ಬಂದದ್ದು ಅವರು ಬಾಲ್ಯದಲ್ಲಿ ಕೇಳಿದ ಕತೆಗಳನ್ನು ಆಧರಿಸಿದವು. ಈ ಸಂಕಲನದ ಬಗ್ಗೆ ಹಿರಿಯ ಮಕ್ಕಳ ಸಾಹಿತಿ ಆನಂದ ಪಾಟೀಲ ಅವರು ’ಹಳ್ಳಿವಾಡದಿಂದ ಹರಿದು ಬಂದ ಮತ್ತಷ್ಟು ರಮ್ಯ, ರಂಜಕ ಕಥನಗಳ ಕಟ್ಟು ಇಲ್ಲಿನದು, ಅದ್ಭುತ, ಚಾತುರ್ಯ, ಮಾಂತ್ರಿಕತೆಯ ಗೂಢ ಎಲ್ಲವುಗಳ ನಡುವೆ ಹಾಯ್ದು ಬರುತ್ತ ಈ ಕತೆಗಳು ಮತ್ತೆ ಮತ್ತೆ ನಮ್ಮ ನಡುವಿನವೇ ಆಗಿ ಹೊಸಹೊಸತಾಗಿ ಪ್ರಸ್ತುತವಾಗತೊಡಗುತ್ತವೆ. ಅದೇ ಮನುಷ್ಯನ ಹಂಬಲಗಳು, ನಿಲ್ಲದ ಆಕಾಂಕ್ಷೆಗಳು, ಬದುಕಿನ ಯಾವುಯಾವುದೊ ಆಸರೆಗಳು, ನೋವುಗಳು, ನಿರಸೆಗಳು ಎಲ್ಲವುಗಳನ್ನ ಕತೆಯ ಗುಂಗಿನಲ್ಲಿ ಬಿಚ್ಚಿಡುತ್ತ ಎಲ್ಲ ಮರೆತು ಕಳೆಯುವ ಒಂದಿಷ್ಟು ಸಮಯ ಹುಟ್ಟು ಹಾಕುತ್ತವೆ ಇವು’ ಎಂದುಗು ಮೆಚ್ಚುಗೆ ಸೂಚಿಸಿದ್ದಾರೆ. ಸರಾಗವಾಗಿ ಓದಿಸಿಕೊಂಡು ಹೋಗುವ ಗುಣ ಈ ಪುಸ್ತಕದ ವಿಶೇಷ.
ರಜನಿ ನರಹಳ್ಳಿ- 1960ರಲ್ಲಿ ಕೊಡಗು ಜಿಲ್ಲೆಯ ಸೋಮವಾರಪೇಟೆಯಲ್ಲಿ ಜನಿಸಿದ ರಜನಿ ನರಹಳ್ಳಿ ಅವರು ಮೈಸೂರು ಮಹಾರಾಣಿ ಕಾಲೇಜಿನಿಂದ ತಮ್ಮ ಬಿ.ಎ.ಪದವಿಯನ್ನು ಪಡೆದಿದ್ದಾರೆ. ವಿಸ್ತಾರ ಓದಿನ ಹಿನ್ನೆಲೆಯಿರುವ ಅವರು ನನ್ನ ಅಜ್ಜಿಯ ಜಗತ್ತು, ಆತ್ಮವೃತ್ತಾಂತ, ಅಮ್ಮಮ್ಮ ಹೇಳಿದ ಕತೆಗಳು, ಸಂಸ್ಕೃತಿ ಪೋಷಕ ಲಕ್ಷ್ಮೀ ನಾರಾಯಣ ಕೃತಿಗಳನ್ನು ರಚಿಸಿದ್ದಾರೆ. ವೀಚಿ ಪ್ರಶಸ್ತಿ, ಸೂರ್ಯನಾರಾಯಣ ಚಡಗ ಪ್ರಶಸ್ತಿ, ಮಾತೋಶ್ರೀ ರತ್ನಮ್ಮ ಹೆಗ್ಗಡೆ ಪ್ರಶಸ್ತಿ, ಕರ್ನಾಟಕ ಲೇಖಕಿಯರ ಸಂಘದ ಪ್ರಶಸ್ತಿ ಮೊದಲಾದ ಪ್ರಶಸ್ತಿಗಳನ್ನು ಪಡೆದಿರುವ ರಜನಿ ನರಹಳ್ಳಿಯವರು ಪತಿ ನರಹಳ್ಳಿ ಬಾಲಸುಬ್ರಹ್ಮಣ್ಯ ಅವರೊಂದಿಗೆ ಬೆಂಗಳೂರಿನಲ್ಲಿ ನೆಲೆಸಿದ್ದಾರೆ. ...
READ MORE
An Initiative by 
©2021 Bookbrahma.com, All Rights Reserved
