ಸಾಹಿತಿ ಜಿ.ಎನ್.ರಂಗನಾಥ ರಾವ್ ಅವರ ‘ಅನ್ಯರು ಅನನ್ಯರು’ ಕೃತಿಯು ಪಾಶ್ಚಾತ್ಯ ಲೇಖಕರ ಬಗೆಗೆ ಬರೆದ ಬರಹಗಳ ಸಂಗ್ರಹವಾಗಿದೆ. ಈ ಕೃತಿಯ ಮೂಲಕ ಲೇಖಕರು ಪಾಶ್ಚಾತ್ಯ ಸಾಹಿತ್ಯ ಅಭಿಜಾತ ಸಾಹಿತಿಗಳ ಅಭಿಜಾತ ಕೃತಿಗಳನ್ನು ಕನ್ನಡಿಗರಿಗೆ ಪರಿಚಯಿಸಲಾಗಿದೆ. ಲೇಖಕ ರಂಗನಾಥ ರಾವ್ ಅವರು ಕೃತಿಯ ಪ್ರಾರಂಭದಲ್ಲಿ ಬರೆದಂತೆ, ‘ಮಹತ್ವದ ಕೃತಿಗಳನ್ನು ಅನುವಾದಿಸಿದ ಸಂದರ್ಭದಲ್ಲಿ ನಡೆಸಿದ ಅಧ್ಯಯನದ ಫಲಶ್ರುತಿ ಈ ಕೃತಿ. ಈ ಅಭಿಜಾತರಲ್ಲಿ, ಶೇಕ್ಸ್‌ಪಿಯರ್, ಟಾಲ್‌ಸ್ಟಾಯ್ ಅಂಥವರು ತಲಾಂತರಗಳಿಂದ ನಮ್ಮ ಮಹಾನ್ ಸೃಜನಶೀಲ ಪ್ರತಿಭೆಗಳಾದ ಡಿ.ಬಿಜಿ, ಮಾಸ್ತಿ, ಕುವೆಂಪು ಮೊದಲಾದವರಿಂದ ಕನ್ನಡಕ್ಕೆ ಅನುವಾದಗೊಂಡವರು ಸುಪರಿಚಿತರು. ಕಾವ್ಯ, ಅನ್ವೀ, ಲಾರೆನ್ಸ್, ಜೀನ್ ಜೆನ್, ಬ್ರೆಕ್ಟ್ ಮೊದಲಾದವರು ವಿರಳವಾಗಿ ಕನ್ನಡದಲ್ಲಿ ಕಾಣಿಸಿಕೊಂಡವರು. ಈ ಎಲ್ಲ ಮಹನೀಯರನ್ನು ಪರಿಚಯಿಸುವ ಪ್ರಯತ್ನದಲ್ಲಿ ನಾನು ಅವರ ಮಹತ್ವದ, ಪ್ರಾತಿನಿಧಿಕವೆನ್ನಬಹುದಾದ, ಆದರೆ ಹೆಚ್ಚಾಗಿ ಚರ್ಚಿಸದೇ ಇರುವ ಕೃತಿಗಳನ್ನು ಪರಾಮರ್ಶೆಗೆ ಆಯ್ದುಕೊಂಡಿದ್ದೇನೆ. ವಿವಿಧ ಸಾಂಸ್ಕೃತಿಕ ಅನನ್ಯತೆ, ವಿಚಾರಧಾರೆ ಮತ್ತು ಪ್ರಾಚೀನವೂ ಅರ್ವಾಚೀನವೂ ಆದ ಸಂವೇದನೆಗಳಿಗೆ ಬೆಳಕಂಡಿಯಾಗುವ ವಿನಮ್ರ ಪ್ರಯತ್ನವಿದು. ಈ ಲೇಖನಗಳನ್ನು ಸಂಕಲಿಸಿ ಪ್ರಕಟಿಸಿದಲ್ಲಿ ಸಾಹಿತ್ಯದ ವಿದ್ಯಾರ್ಥಿಗಳಿಗೆ ಲೇಶ ಮಾತ್ರವಾದರೂ ಪ್ರಯೋಜನಕಾರಿಯಾದೀತು ಎನ್ನುವ ಆಲೋಚನೆ ಬಹಳ ದಿನಗಳದು. ಈಗ ಅದು ಕೈಗೂಡುತ್ತಿರುವುದು ಸಂತಸದ ಸಂಗತಿ’ ಎಂದಿದ್ದಾರೆ.. ಕವಿ ಡಾ. ಎಚ್. ಎಸ್. ವೆಂಕಟೇಶಮೂರ್ತಿ ಅವರು ಈ ಕೃತಿಗೆ ಬೆನ್ನುಡಿ ಬರೆದಿದ್ದಾರೆ. ಕೃತಿಯ ಪರಿವಿಡಿಯಲ್ಲಿ ವಿಲಿಯಮ ಶೇಕ್ಸ್ ಪಿಯರ್, ಲಿಯೊ ಟಾಲ್ ಸ್ಟಾಯ್, ಫ್ರಾನ್ಜ್ ಕಾಫ್ಕ, ಜೀನ್ ಅನ್ವೀ, ಡಿ.ಎಚ್.ಲಾರೆನ್ಸ್, ಜೀನ್ ಜೆನೆ, ಕತೆಗರ ಓ ಹೆನ್ರಿ, ಅಲೆಕ್ಸಾಂಡರ್ ಸೋಲ್ಜೆನಿತ್ಸಿನ್, ಖಲೀಲ್ ಗಿಬ್ರಾನ್, ಬರ್ಟೋಲ್ಟ್ ಬ್ರೆಕ್ಟ್ ಎಂಬ ಶೀರ್ಷಿಕೆಗಳಿವೆ.
ನಾಡಿನ ಖ್ಯಾತ ಪತ್ರಕರ್ತ, ಹಿರಿಯ ಲೇಖಕ ಜಿ.ಎನ್.ರಂಗನಾಥ ರಾವ್ ಮೂಲತಃ ಬೆಂಗಳೂರಿನ ಹಾರೋಹಳ್ಳಿಯವರು. 1942 ರಲ್ಲಿ ಜನಿಸಿದ ಅವರು, ಕನ್ನಡ ಪತ್ರಿಕೋದ್ಯಮದಲ್ಲಿ ಹಲವು ಮೈಲಿಗಲ್ಲುಗಳನ್ನು ನಿರ್ಮಿಸಿದ್ದಾರೆ. ಹೊಸಕೋಟೆ ಹಾಗೂ ಬೆಂಗಳೂರು ನಗರಗಳಲ್ಲಿ ವಿದ್ಯಾಭ್ಯಾಸವನ್ನು ಪೂರ್ಣಗೊಳಿಸಿ, ಸಂಯುಕ್ತ ಕರ್ನಾಟಕ ದಿನಪತ್ರಿಕೆಯಲ್ಲಿ ಉಪ ಸಂಪಾದಕರಾಗಿ ವೃತ್ತಿ ಜೀವನ ಆರಂಭಿಸಿದ್ದ ಅವರು ’ನವರಂಗ’ ಕಾವ್ಯನಾಮದಿಂದ ಕೂಡ ಬರವಣಿಗೆ ಮಾಡಿದ್ದರು. ಅಲ್ಲದೇ ಪ್ರಜಾವಾಣಿ ದಿನಪತ್ರಿಕೆಯ ಕಾರ್ಯ ನಿರ್ವಾಹಕ ಸಂಪಾದಕರಾಗಿ ಕಾರ್ಯನಿರ್ವಹಿಸಿ ನಿವೃತ್ತರಾಗಿದ್ದರು. ಸಾಹಿತ್ಯ ಕ್ಷೇತ್ರದಲ್ಲಿಯೂ ಮಹತ್ವದ ಕಾರ್ಯ ನಿರ್ವಹಿಸಿದ್ದ ರಂಗನಾಥ ರಾವ್ ಕಾದಂಬರಿ, ಸಣ್ಣಕತೆ, ನಾಟಕ, ಪ್ರಬಂಧ ಸೇರಿದಂತೆ ಸಾಹಿತ್ಯದ ಹಲವು ಪ್ರಕಾರಗಳಲ್ಲಿ ...
READ MORE
Concept & Creation 
©2024 Book Brahma Private Limited.
