‘ಬೆಳದಿಂಗಳ ಬಾಲೆ’ ಬಿ.ಎಲ್‌ ಲಕ್ಷ್ಮಣ ರಾವ್‌ ಅವರ ನಗೆಗವಿತೆಗಳಾಗಿವೆ. ಲಕ್ಷ್ಮಣರಾಯರ ಕಾವ್ಯದ ಭಾಷೆಯಿದೆಯಲ್ಲ, ಅದಕ್ಕೆ ಅದರದ್ದೇ ಒಂದು ಲಯವಿದೆ, ಲಾಲಿತ್ಯವಿದೆ, ವೈಯಾರವಿದೆ, ಕಿಲಾಡಿತನ ಇದೆ. ಇದು ಅವರ ಭಾಷೆಗೆ ಅನಾಮತ್ ಬಂದ ಗುಣವಲ್ಲ - ಅಂಥದೊಂದು ಕಿಲಾಡಿತನ, ತುಂಟತನ, ರಸಿಕತೆ ( ಸಂಕೋಚವೇಕೆ? ಪೋಲಿತನ! ) ಅವರ ಬದುಕಿನ ಗ್ರಹಿಕೆಯಲ್ಲೇ ಇದೆ. ಹಾಗಾಗಿ ನವ್ಯದ ಕಟು ವಿಮರ್ಶಕರೂ ಕೂಡ ಲಕ್ಷ್ಮಣರಾಯರ ಕಾವ್ಯವನ್ನೋದಿ ಆನಂದಿಸುವ ಸೌಭಾಗ್ಯದಿಂದ ವಂಚಿತರಾಗಲಿಲ್ಲ. ಈಗ ಬಿಡಿ, ಅವರ ಪದ್ಯದ ಸಾಲುಗಳ ಮೇಲೆ ಒಮ್ಮೆ ಕಣ್ಣಾಡಿಸಿದರೂ ಸಾಕು, ಈ ಸಾಲುಗಳು ಲಕ್ಷ್ಮಣರಾಯ ರವೇ ಅಂತ ಫಳಕ್ಕನೆ ಗುರುತಾಗಿಬಿಡುತ್ತವೆ... ಓದುತ್ತಿದ್ದಂತೇ ನಿಮ್ಮ ಬಾಯಲ್ಲಿ, ಕಣ್ಣಲ್ಲಿ ನೀರು ಚಿಲ್ಲೊಡೆಯಬೇಕು ಅಂಥಾ ಹುಳಿಯೊಗರು, ಉಪ್ಪುಖಾರ, ಸಿಹಿಕಹಿ ಎಲ್ಲವೂ ಬೆರೆತ ಸವೆಯದ ಪೆಪ್ಪರುಮೆಂಟುಗಳು ಇವು.
ಕವಿ, ಕತೆಗಾರ, ವಿಮರ್ಶಕ ಹಾಗೂ ಚಲನಚಿತ್ರಕಾರ ಬಿ.ಆರ್. ಲಕ್ಷ್ಮಣರಾವ್ ಅವರು 1946 ಸೆಪ್ಟೆಂಬರ್ 9ರಂದು ಚಿಕ್ಕಬಳ್ಳಾಪುರ ಜಿಲ್ಲೆ ಶಿಡ್ಲಗಟ್ಟ ತಾಲ್ಲೂಕಿನ ಚೀಮಂಗಲದಲ್ಲಿ ಜನಿಸಿದರು. ತಂದೆ ರಾಜಾರಾವ್. ತಾಯಿ ವೆಂಕಟಲಕ್ಷ್ಮಮ್ಮ. ಚಿಂತಾಮಣಿಯಲ್ಲಿ ಪ್ರಾಥಮಿಕ ಶಿಕ್ಷಣ ಪಡೆದ ಇವರು ಬೆಂಗಳೂರು ವಿಶ್ವವಿದ್ಯಾಲಯದಲ್ಲಿ ಪದವಿ ಹಾಗೂ ಮೈಸೂರು ವಿಶ್ವವಿದ್ಯಾಲಯದಿಂದ ಸ್ನಾತಕೋತ್ತರ ಪದವಿ ಪಡೆದರು. ಚಿಂತಾಮಣಿಯ ಪ್ರೌಢಶಾಲೆ ಉಪಾಧ್ಯಾಯರಾಗಿ ವೃತ್ತಿ ಆರಂಭಿಸಿದ ಇವರು ವಿನಾಯಕ ಟುಟೋರಿಯಲ್ಸ್‌ನ ಪ್ರಿನ್ಸಿಪಾಲರಾಗಿ ಕಾರ್ಯನಿರ್ವಹಿಸಿ ಪ್ರಸ್ತುತ ಸಂಪೂರ್ಣವಾಗಿ ಸಾಹಿತ್ಯ ಕೃಷಿಯಲ್ಲಿ ತೊಡಗಿಸಿಕೊಂಡಿದ್ದಾರೆ. ಇವರು ಬರೆದ ಪ್ರಮುಖ ಕೃತಿಗಳೆಂದರೆ ಲಿಲ್ಲಿ ಪುಟ್ಟಿಯ ಹಂಬಲ, ಶಾಂಗ್ರಿ-ಲಾ, ಅಪರಾಧಂಗಳ ಮನ್ನಿಸೊ, ಗೋಪಿ ಮತ್ತು ...
READ MORE
Concept & Creation 
©2024 Book Brahma Private Limited.
