‘ದೈವಿಕ ಹೂವಿನ ಸುಗಂಧ : ಭಕ್ತಿಲೀಲೆಯ ವಿಶ್ವರೂಪ’ ಲೇಖಕ ಕೇಶವ ಮಳಗಿ ಅವರು ರಚಿಸಿರುವ ಭಕ್ತಿ ಮತ್ತು ಸೂಫಿ ಕಾವ್ಯದ ಅನುವಾದ. ಈ ಕೃತಿಗೆ ಹಿರಿಯ ಸಾಹಿತಿ ಎಚ್.ಎಸ್. ಶಿವಪ್ರಕಾಶ್ ಅವರು ಮುನ್ನುಡಿ ಬರೆದಿದ್ದಾರೆ. ಕೃತಿಯ ಕುರಿತು ಬರೆಯುತ್ತಾ ‘ಈ ಕೃತಿಯ ರಚನಕಾರರು ಮತ್ತು ಪ್ರಚುರಕರ್ತರಿಬ್ಬರೂ ಈ ಸಂದರ್ಭದಲ್ಲಿ ಅಭಿನಂದನಾರ್ಹರು. ಯಾಕೆಂದರೆ ಇಷ್ಟೊಂದು ಸಮರ್ಪಕವಾದ, ಸಮಗ್ರವಾದ, ಸರ್ವಗ್ರಾಸಿಯಾದ ವಾಚಿಕೆ ಇಂಗ್ಲಿಷಿನಲ್ಲೂ ತೀರಾ ಅಪರೂಪವಾಗಿದ್ದು, ಕನ್ನಡದಲ್ಲಂತೂ ನನ್ನ ಕಣ್ಣಿಗೆ ಈ ವರೆಗೆ ಬಿದ್ದಿಲ್ಲ. ಈ ಸಂಕಲನದ ಮುಖ್ಯ ಸಾಧನೆಯೆಂದರೆ ಭಕ್ತಿಯ ಏಕತೆಗೆ ಒತ್ತು ನೀಡುತ್ತಲೇ ಅದರ ಏಕತೆಯನ್ನು ಎಳೆದಪ್ದದ ಹಾಗೆ ಬಿಂಬಿಸಿರುವುದು’ ಎನ್ನುತ್ತಾರೆ ಎಚ್.ಎಸ್. ಶಿವಪ್ರಕಾಶ್. ಶೈವ, ವೈಷ್ಣವ, ಸೂಫಿ, ಬೌಧ್ಧ, ಸಿಖ್ ಎಲ್ಲಕ್ಕೂ ಎಡೆಯಿದೆ ಇಲ್ಲಿ. ಭರತಖಂಡ, ಪಾರ್ಸಿ ದೇಶ, ಅರಬೀ ದೇಶ, ಟಿಬೆಟ್ಟು- ಇಷ್ಟೊಂದು ಹರಹಿನ ವಸುಧಾವಲಯದ ಅತ್ಯುತ್ತಮ ಕಾವ್ಯಾಭಿವ್ಯಕ್ತಿಗಳ ವಿವಿಧ ವೈಭವಗಳಿಗೆ ಈ ಕೃತಿ ಖಜಾನೆಯಂತಿದೆ.
ಸದ್ಯ ಬೆಂಗಳೂರಿನ ಸೃಷ್ಟಿ ಇನ್ಸ್ಟಿಟ್ಯೂಟ್ ಆಫ್ ಆರ್ಟ್, ಡಿಸೈನ್ ಆ್ಯಂಡ್ ಟೆಕ್ನಾಲಜಿಯಲ್ಲಿ ಬೋಧಕರಾಗಿರಾಗಿರುವ ಕೇಶವ ಮಳಗಿ ಅವರು ಮೂಲತಃ ಬಳ್ಳಾರಿ ಜಿಲ್ಲೆಯವರು. ಕನ್ನಡದ ಪ್ರಮುಖ ಕಥೆಗಾರರಲ್ಲಿ ಒಬ್ಬರಾಗಿರುವ ಮಳಗಿ ಅವರು 80ರ ದಶಕದಲ್ಲಿ ತಮ್ಮ ಬರವಣಿಗೆ ಆರಂಭಿಸಿದರು. ತಮ್ಮ ವಿಶಿಷ್ಟ ನುಡಿಗಟ್ಟು, ಶೈಲಿ, ದನಿ ಬನಿಯ ಕತೆಗಳಿಂದ ಕನ್ನಡ ಓದುಗರಿಗೆ ಚಿರಪರಿಚಿತ ಇರುವ ಮಳಗಿ ಅವರು ಜನಸಾಮಾನ್ಯರು ಬದುಕನ್ನು ಘನತೆ, ಪ್ರೀತಿಯಿಂದ ಜೀವಿಸುವ ರೀತಿಯನ್ನು ಕತೆಗಳಲ್ಲಿ ಚಿತ್ರಿಸುತ್ತಾರೆ. ಆಪ್ತವಾಗಿ ಕತೆ ಹೇಳುವಂತೆ ಬರೆಯುವ ಮಳಗಿ ಅವರ 'ಕಡಲ ತೆರೆಗೆ ದಂಡೆ', 'ಮಾಗಿ ಮೂವತ್ತೈದು', 'ವೆನ್ನೆಲ ದೊರೆಸಾನಿ', 'ಹೊಳೆ ...
READ MORE
Concept & Creation 
©2024 Book Brahma Private Limited.
