ಪುರಾಣ ಕಲ್ಪನೆಯೊಂದಿಗೆ ರೂಪ ತಳೆದ ಅವತಾರಗಳು ದೇವರ ಪ್ರತಿರೂಪ ಎಂದೇ ಪರಿಗಣಿಸಲಾಗುತ್ತಿದೆ. ಪ್ರತಿ ಅವತಾರಕ್ಕೂ ಒಂದೊಂದು ಉದ್ದೇಶ ಸಾಧನೆ ಇರುತ್ತದೆ. ಬೇರೆ ಬೇರೆ ಯುಗದಲ್ಲಿ ಬೇರೆ ಬೇರೆ ಅವತಾರಗಳ ಪ್ರಾಮುಖ್ಯತೆಯ ಹಿನ್ನೆಲೆಯಲ್ಲಿ ಅವರ ಹುಟ್ಟು ಕಾರ್ಯ-ಕಾರಣ ನಿರ್ಧಾರವಾಗುತ್ತದೆ. ಅನುಕ್ರಮವಾಗಿ ಈ ದಶಾವತಾರಗಳು ಸಾಗಿ ಬಂದ ವಿವರ, ಸಾಧಿಸಿದ ಕಾರ್ಯಕಾರಣ ಎಲ್ಲವನ್ನೂ ವಿವರಿಸುವ ಕೃತಿಯನ್ನು ಪ್ರೊ. ಕೆ.ಎಸ್. ನಾರಾಯಣಾಚಾರ್ಯರು ರಚಿಸಿದ್ದು, ವಿಶ್ವದ ಪ್ರತಿ ಸೂಕ್ಷ್ಮ ಚಟುವಟಿಕೆಗೂ ಒಂದು ಶಿಸ್ತೀಯ ಕೇಂದ್ರವಿದ್ದು, ಆ ಕೇಂದ್ರದ ಪರಿಧಿ ಹೊರಗೆ ಯಾವ ಚಟುವಟಿಕೆಯೂ ನಡೆಯದು ಎಂಬ ಅಗೋಚರತೆಯ ಅನುಭವ ನೀಡುತ್ತದೆ.
ಹಿರಿಯ ವಿದ್ವಾಂಸ ಹಾಗೂ ಪ್ರವಚನಕಾರರೂ ಆಗಿರುವ ಪ್ರೊ. ಕೆ.ಎಸ್. ನಾರಾಯಣಾಚಾರ್ಯರು ಮೂಲತಃ ಬೆಂಗಳೂರು ಜಿಲ್ಲೆಯ (ಈಗಿನ ಕನಕಪುರ) ಕನಕನಹಳ್ಳಿಯವರು. ತಂದೆ ಕೆ.ಎನ್. ಶ್ರೀನಿವಾಸ ದೇಶಿಕಾಚಾರ್. ತಾಯಿ ರಂಗನಾಯಕಮ್ಮ. ವೈದಿಕ ವಿದ್ವಾಂಸರ ಕುಟುಂಬ ಇವರದು.ಮೈಸೂರಿನ ಮಹಾರಾಜ ಕಾಲೇಜಿನಿಂದ ಬಿ.ಎಸ್.ಸಿ. ಪದವೀಧರರು. ನಂತರ ಬಿ.ಎ. ಆನರ್ಸ್‌ ಮಾಡಿ, ಆಧುನಿಕ ಇಂಗ್ಲಿಷ್ ಸಾಹಿತ್ಯದಲ್ಲಿ ಸ್ನಾತಕೋತ್ತರ ಪದವಿ ಪಡೆದರು. ಡಬ್ಲ್ಯು.ಬಿ. ಯೇಟ್ಸ್ ಮತ್ತು ಟಿ.ಎಸ್. ಎಲಿಯೆಟ್‌ ಅವರ ಕಾವ್ಯದ ಮೇಲೆ ಭಾರತೀಯ ಸಂಸ್ಕೃತಿಯ ಕುರಿತು ಅಧ್ಯಯನ ನಡೆಸಿ ಪಿಎಚ್.ಡಿ. ಪಡೆದರು. ಧಾರವಾಡದ ಕರ್ನಾಟಕ ಕಾಲೇಜಿನಲ್ಲಿ ಇಂಗ್ಲಿಷ್ ಅಧ್ಯಾಪಕರಾಗಿ, ಆ ಕಾಲೇಜಿನ ಪ್ರಾಂಶುಪಾಲರಾಗಿ ನಿವೃತ್ತರಾದರು. ಸದ್ಯ ಬೆಂಗಳೂರಿನಲ್ಲಿ ನೆಲೆಸಿದ್ದಾರೆ. ವೇದಗಳು, ರಾಮಾಯಣ, ...
READ MORE
Concept & Creation 
©2024 Book Brahma Private Limited.
