1990 ರಿಂದ ಈವರೆಗೆ ಕವಿ ದೊಡ್ಡ ರಂಗೇಗೌಡ ಅವರು ಬರೆದ ಭಾವಗೀತೆಗಳನ್ನು ಸಂಕಲಿಸಿದ್ದೇ ‘ಗಾನಯಾನ’. ‘ಹಾಡಿನ ಮೂಲ ಹೃದಯದ ಭಾವ. ಅದು ಮೈದಳೆದ ಮೇಲೆ ಕುಸುರಿ ಕೆಲಸ. ಓದುಗನಿಗೆ ಸಿಗುವ ವಾಗರ್ಥದಾಚೆಯ ಧ್ವನಿಗೂ ಇದಕ್ಕೂ ಸಂಬಂಧವಿದೆ. ಅದು ಬೇರ್ಪಡಿಸಲಾಗದ ಈ ಚಿಂತನೆಗಳನ್ನು ಓದಿ, ಸವಿದು, ಚಿಂತಿಸಿ ಮುನ್ನಡೆದಿದೆ. ಆಗ ಹಾಡುಗಳು ನೀಡುವ ಮುದ ಅನಂತವಾದುದು. ವರ್ಣನಾತೀತ ವಾದುದು. ನನ್ನ ಹಾಡುಗಳಿಗೆ ಈ ಮಾತುಗಳೇ ಮುನ್ನುಡಿ’ ಎಂದು ಕವಿ ದೊಡ್ಡ ರಂಗೇ ಗೌಡರು ತಮ್ಮ ಮಾತುಗಳಲ್ಲಿ ಸ್ಪಷ್ಟಪಡಿಸಿದ್ದಾರೆ. ಸಂಕಲನದಲ್ಲಿ ಒಟ್ಟು 213 ಭಾವಗೀತೆಗಳಿವೆ.
ಕವಿ, ಸಾಹಿತಿ ಮನುಜ ಕಾವ್ಯನಾಮದ ಮೂಲಕ ಪರಿಚಿತರಾಗಿರುವ ದೊಡ್ಡರಂಗೇಗೌಡ ಅವರು, ತುಮಕೂರು ಜಿಲ್ಲೆ ಕುರುಬರಹಳ್ಳಿಯಲ್ಲಿ 1946 ಫೆಬ್ರುವರಿ 7ರಂದು ಜನಿಸಿದರು. ತಂದೆ ರಂಗೇಗೌಡ, ತಾಯಿ ಅಕ್ಕಮ್ಮ. ಬೆಂಗಳೂರು ವಿಶ್ವವಿದ್ಯಾಲಯದಿಂದ ಪದವಿ ಹಾಗೂ ಸ್ನಾತಕೋತ್ತರ ಪದವಿ ಪಡೆದ ಇವರು, ‘ಕನ್ನಡ ನವೋದಯ ಕಾವ್ಯ- ಒಂದು ಪುನರ್‌ಮೌಲ್ಯಮಾಪನ ’ ಎಂಬ ಪ್ರಬಂಧ ಮಂಡಿಸಿ ಪಿಎಚ್‌ಡಿ ಪಡೆದರು. ಬೆಂಗಳೂರಿನ ಎಸ್‌.ಎಲ್‌.ಎನ್‌ ಕಾಲೇಜಿನಲ್ಲಿ ಪ್ರಾಧ್ಯಾಪಕರಾಗಿ ಕಾರ್ಯ ನಿರ್ವಹಿಸಿದ್ದಾರೆ. ಕಾಲೇಜು ದಿನಗಳಲ್ಲೇ ಕವನ, ಕತೆ ರಚನೆಯಲ್ಲಿ ತೊಡಗಿಕೊಂಡಿದ್ದ ಇವರು ಸುಮಾರು 500ಕ್ಕೂ ಹೆಚ್ಚು ಚಲನಚಿತ್ರ ಗೀತೆಗಳನ್ನು ಬರೆದಿದ್ದಾರೆ. ಕಾವ್ಯ, ವಿಮರ್ಶಾ ಕೃತಿಗಳು, ಭಾವಗೀತೆ ಹಾಗೂ ...
READ MORE
Concept & Creation 
©2024 Book Brahma Private Limited.
