ಗರೀಬ್‌ ಗಜಲ್ ರಮೇಶ್‌ ಗಬ್ಬೂರು ಅವರು ರಚಿಸಿರುವ ಗಜಲ್‌ಗಳ ಸಂಕಲನವಾಗಿದೆ. ಈ ಸಂಕಲನದ ಕುರಿತು ಬರೆಯುತ್ತಾ ಅಲ್ಲಾಗಿರಿರಾಜ್‌ ಅವರು ‘ರಮೇಶ ಗಬ್ಬೂರು ತನ್ನೊಡಲಾಳದ ನೋವು, ಆತಂಕ, ಅವಮಾನಿತ ಬದುಕಿನ ಪ್ರಶ್ನೆಗಳನ್ನೆಲ್ಲಾ ಈ ಜಗನದ ಮುಂದೆ ಗಜಲ್ ಕಾವ್ಯರಾಣಿಯ ಗೆಜ್ಜೆ ರೂಪವಾಗಿ, ಸವಾಲಾಗಿ ಉತ್ತರ ಹುಡುಕುವ ತುಡಿತದಲ್ಲಿದ್ದಾನೆ. ಇಲ್ಲಿ ಗಮನಿಸಬೇಕಾದ ಪ್ರಮುಖ ಅಂಶವೆಂದರೆ , ಇವರ ಗಜಲ್ ಒಳಗಿನ ಮೂಲ ಅಭಿವ್ಯಕ್ತಿ ರೂಪವೇ ಬದುಕಿನ ಹಕ್ಕು. ಜಾತಿ ಮತ ಅಟ್ಟಹಾಸದ ನಡುವೆ ಯಾರದೋ ಕೈಯಲ್ಲಿ ಅಸ್ತ್ರವಾಗಿ ಉಳಿದು ಶ್ರಮ ಸಂಸ್ಕೃತಿಯ ಸಮುದಾಯವು ನಲಿವು ಕಸಿದುಕೊಂಡಿದೆ ಎನ್ನುವುದು ಗರೀಬ್‌ ಗಜಲ್ ಸಂಕಲನದ ಮೂಲ ಆಶಯವಾಗಿದೆ ಎನ್ನುತ್ತಾರೆ.
ಹಾಡುಗಾರ, ಕವಿ ರಮೇಶ ಗಬ್ಬೂರ ಅವರು ಜನಿಸಿದ್ದು 1968 ಜೂನ್‌ 5ರಂದು. ಹುಟ್ಟೂರು ರಾಯಚೂರು ಜಿಲ್ಲೆಯ ಗಬ್ಬೂರ. ಪ್ರಸ್ತುತ ಗಂಗಾವತಿಯ ಸರ್ಕಾರಿ ಪಿ.ಯು ಕಾಲೇಜಿನಲ್ಲಿ ಗ್ರಂಥ ಪಾಲಕರಾಗಿ ಸೇವೆ ಸಲ್ಲಿಸುತ್ತಿದ್ದಾರೆ. ಸಾಹಿತ್ಯ ಕೃಷಿ ಹಾಗೂ ಸಾಮಾಜಿಕ ಚಳವಳಿಯಲ್ಲಿಯೂ ಸಕ್ರಿಯರಾಗಿರುವ ಇವರು ಜಾಗೃತ ಗೀತೆ ರಚನೆ ಹಾಗೂ ಹಾಡುಗಾರಿಕೆಯಲ್ಲಿಯೂ ತೊಡಗಿಕೊಂಡಿದ್ದಾರೆ. ಗೂನು ಬೆನ್ನಿನ ಗದ್ದೆ, ಅಲೆಮಾರಿಯ ಹಾಡು, ಗರೀಬ್‌ ಗಜ಼ಲ್, ಸಂಜೀವಪ್ಪ ಗಬ್ಬೂರ, ಒಲಿದಂತೆ ಹಾಡುವೆ, ಗಬ್ಬೂರ್‌ ಗಜ಼ಲ್ ಹಾಗೂ ಕಾಮ್ರೆಡ್‌ ಬಸವಣ್ಣ ಇವರ ಪ್ರಮುಖ ಕೃತಿಗಳು. ...
READ MORE
Concept & Creation 
©2024 Book Brahma Private Limited.
