ಖ್ಯಾತ ಜನಪದ ಸಾಹಿತಿ ಸಿಂಪಿಲಿಂಗಣ್ಣ ಅವರು ಮಗಳು, ಸೊಸೆ, ಹೆಂಡತಿ ಹಾಗೂ ತಾಯಿ ಈ ನಾಲ್ವರ ಮಹತ್ವವನ್ನು ಬಿಂಬಿಸುವ, ಜಾನಪದೀಯ ಅಪರೂಪದ ನಂಬಿಕೆ, ಜ್ಞಾನವನ್ನು ಬಳಸಿ ಚಿಂತನೆ ನಡೆಸಿದ ಕೃತಿ ಇದು. ಧರ್ಮವೊಂದು ಪುರುಷಾರ್ಥ, ಕುಟುಂಬ ಸಂಸ್ಥೆ, ದುಡಿತ-ಮಿಡಿತ, ಪ್ರೇಮ ವಿಕಾಸದ ಪಾಠ, ಅತ್ತೆ ಮನೆಯ ಅರಸಿ, ತನ್ನಂಗ ನೋಡಿದರ, ದುಡಿಮೆಗೆ ಹೇಸಿಕೆಯೇ?, ಬೇಕಾಗಿ ಇರಬೇಕು ಇಂತಹ ಮೌಲ್ಯಯುತವಾದ ಪರಿಕಲ್ಪನೆಗಳ ವಿಶ್ಲೇಷಣೆಗೆ ಈ ಕೃತಿಯು ಮಾರ್ಗದರ್ಶನ ನೀಡುತ್ತದೆ. ಆಡುಭಾಷೆಯಲ್ಲಿ ಆಡಿದ ಮಾತುಗಳೇ ಇಲ್ಲಿ ಅನುಭವದ ಆಗರಗಳಾಗಿವೆ. ಸಶಕ್ತ ಸಾಹಿತ್ಯದ ರೂಪು ಪಡೆದುಕೊಂಡಿವೆ ಎಂದು ಕೃತಿಗೆ ನಲ್ನುಡಿ ಬರೆದ ಹಿರಿಯ ಸಾಹಿತಿ, ಚಿಂತಕ ಮ.ನಿ. ತೋಳನೂರ ಪ್ರಶಂಸಿಸಿದ್ದಾರೆ.
ಜಾನಪದ ಸಂಶೋಧಕರು, ಕವಿಗಳು, ಪ್ರಬಂಧಕಾರರು, ನಾಟಕಕಾರರೂ ಆದ ಲಿಂಗಣ್ಣನವರು ಹುಟ್ಟಿದ್ದು ವಿಜಾಪುರ ಜಿಲ್ಲೆಯ ಇಂಡಿ ತಾಲ್ಲೂಕಿನ ಚಡಚಣ ಗ್ರಾಮದಲ್ಲಿ. ತಂದೆ ಶಿವಯೋಗಪ್ಪ, ತಾಯಿ ಸಾವಿತ್ರಿ. ಚಿಕ್ಕವಯಸ್ಸಿನಲ್ಲಿಯೆ ತಂದೆ ತಾಯಿಯನ್ನು ಕಳೆದುಕೊಂಡು ಬೆಳದದ್ದು ಅಣ್ಣ ಅತ್ತಿಗೆಯರ ಆರೈಕೆಯಲ್ಲಿ. 1922ರಲ್ಲಿ ಮುಲ್ಕಿ ಪರೀಕ್ಷೆಯಲ್ಲಿ ತೇರ್ಗಡೆಯಾದ ನಂತರ ವಿದ್ಯಾಭ್ಯಾಸಕ್ಕೆ ಸೂಕ್ತ ಅವಕಾಶ ದೊರೆಯದೆ ಶಿಕ್ಷಕರ ವೃತ್ತಿಯನ್ನು ಆಯ್ದುಕೊಂಡರು. ಶಿಕ್ಷಕರ ಟ್ರೈನಿಂಗ್‌ ಪರೀಕ್ಷೆಯಲ್ಲಿ ಮುಂಬೈ ಕರ್ನಾಟಕದ ನಾಲ್ಕು ಜಿಲ್ಲೆಗಳಿಗೆ ಪ್ರಥಮ ಸ್ಥಾನ ಪಡೆದು ಹಲವರು ಬಹುಮಾನಗಳನ್ನು ಗಳಿಸಿದರು. 1925ರಲ್ಲಿ ಉಪಾಧ್ಯಾಯರಾಗಿ ಸೇರಿ ಭತಗುಣಕಿ, ಇಂಗಳೇಶ್ವರ, ಹಲಸಂಗಿ, ಇಂಡಿ, ಚಡಚಣ ಮುಂತಾದೆಡೆಯಲ್ಲೆಲ್ಲಾ ಸೇವೆ ಸಲ್ಲಿಸಿ ...
READ MORE
Concept & Creation 
©2024 Book Brahma Private Limited.
.jpg)
