ಜಾನಪದ ತಜ್ಞ ಡಾ. ಎಚ್.ಎಲ್. ನಾಗೇಗೌಡ ಅವರು ಜಾನಪದೀಯ ವಿಶೆಷವಾಗಿ ಹಾಡುಗಳನ್ನು ಸಂಗ್ರಹಿಸಿ ಅವುಗಳ ಮೂಲರೂಪದಲ್ಲಿಡಲು ತೋರಿದ ಕಳಕಳಿಯೇ ಈ ಕೃತಿ. ತಾವು ವೃತ್ತಿಯ ಭಾಗವಾಗಿ ರಾಜ್ಯದ ವಿವಿಧೆಡೆ ಸಂಚರಿಸುತ್ತಿದ್ದಾಗ ಗ್ರಾಮೀಣ ವಿಶೇಷವಾಗಿ ಮಹಿಳೆಯರಿಂದ ಹಾಡುಗಳನ್ನು ಹಾಡಿಸಿ, ರೆಕಾರ್ಡ್ ಮಾಡಿಕೊಂಡು ದಾಖಲಿಸಿದ್ದರ ಫಲವೇ ಕೃತಿಯಾಗಿ ರೂಪು ತಳೆದಿದೆ. ಕ್ಯಾಸೆಟ್ ಗಳನ್ನು ಕೇಳಿದವರಿಗೆ ಹಾಡಿನ ಧಾಟಿಯೇನೋ ತಿಳಿಯುತ್ತದೆ. ಆದರೆ, ಸಾಹಿತ್ಯ ಸ್ಪಷ್ಟವಾಗಿ ಅರ್ಥವಾಗದೇ ಹೋಗಬಹುದು. ಆದ್ದರಿಂದ, ಹಾಡುಗಳ ಸಾಹಿತ್ಯದ ಅರ್ಥ ಬರೆದಿದ್ದು, ಓದಗರಿಗೆ ಅನುಕೂಲ ಕಲ್ಪಿಸಿದ್ದು ಕೃತಿಯ ಹೆಗ್ಗಳಿಕೆ.
ಅಳೂಬ್ಯಾಡ ಪುಟ್ಟರಾಜು, ಬಳೂಕೂತ ಬೀದಿ ಮೆರೆದಾಳು, ತಿಂಗುತಿಂಗಳಿಗೂ ತಿಂಗಳಿಗೂ ಮಾಮನ ಪೂಜೆ, ಹೂವ್ವ ಕುಯ್ಯನಿ ಬನ್ನಿ, ಸುವ್ ವಕ್ಯಾ ಸುವ್ವನಾರೀ ಹಾಕ ವಯ್ಯಾರಿ, ಸೋಬಾನ ಬನ್ನಿರೇ, ಸೋಬಾನೆಂಬುದು ಶಿವನೀಗೆ, ಇಲ್ಲಿ ಕೇಳಾರಿ ನಮ್ಮ ಹಾಡ ಹೀಗೆ ಒಟ್ಟು 12 ಅಧ್ಯಾಯಗಳಡಿ ಜಾನಪದೀಯ ಹಾಡುಗಳ ಸಾಹಿತ್ಯದ ಅರ್ಥವನ್ನು ಸುಲಭವಾಗಿ ಮಾಡಿಸಿಕೊಡಲಾಗಿದೆ.
ಜಾನಪದ ತಜ್ಞ, ಸಾಹಿತಿ, ದಕ್ಷ ಆಡಳಿತಗಾರರೆನಿಸಿದ್ದ ನಾಗೇಗೌಡರು ಹುಟ್ಟಿದ್ದು ಮಂಡ್ಯ ಜಿಲ್ಲೆಯ ನಾಗಮಂಗಲ ತಾಲ್ಲೂಕಿನ ಹೆರಗನ ಹಳ್ಳಿಯ ‘ದೊಡ್ಡಮನೆ’ ಕುಟುಂಬದಲ್ಲಿ. ತಂದೆ ಲಿಂಗೇಗೌಡ, ತಾಯಿ ಹುಚ್ಚಮ್ಮ. ಪ್ರಾಥಮಿಕ ವಿದ್ಯಾಭ್ಯಾಸ ಅಳೀಸಂದ್ರ ಹಾಗೂ ನಾಗತಿಹಳ್ಳಿಯಲ್ಲಿ ಮುಗಿಸಿದ ಅವರು ಮಾಧ್ಯಮಿಕ ಮತ್ತು ಪ್ರೌಢ ಶಿಕ್ಷಣವನ್ನು ಚನ್ನರಾಯಪಟ್ಟಣದಲ್ಲಿ ಪೂರ್ಣಗೊಳಿಸಿದರು. ಬೆಂಗಳೂರಿನಲ್ಲಿ ಇಂಟರ್ ಮೀಡಿಯೆಟ್‌, ಮೈಸೂರಿನಲ್ಲಿ ಬಿ.ಎಸ್ಸಿ, ಮತ್ತು ಪೂನದಲ್ಲಿ ಎಲ್.ಎಲ್.ಬಿ ಪದವಿ ಪಡೆದರು. ಮುನ್ಸೀಫ್ ಕೋರ್ಟಿನಲ್ಲಿ ಹೆಡ್ ಮುನ್ಷಿಯಾಗಿ ವೃತ್ತಿ ಆರಂಭಿಸಿದ್ದು ನರಸಿಂಹರಾಜಪುರದಲ್ಲಿ. ಆನಂತರ ಮೈಸೂರು ಸಿವಿಲ್‌ ಸರ್ವೀಸ್‌ನ ಸ್ಪರ್ಧಾತ್ಮಕ ಪರೀಕ್ಷೆಯಲ್ಲಿ ತೇರ್ಗಡೆಯಾಗಿ ರೆವಿನ್ಯೂ ಇಲಾಖೆಯಲ್ಲಿ ಪ್ರೊಬೆಷನರಿ ಅಧಿಕಾರಿಯಾಗಿ ಆಯ್ಕೆಯಾದರು. ಅಲ್ಲದೆ ...
READ MORE
Concept & Creation 
©2024 Book Brahma Private Limited.
