ಹನಿ ಹನಿ ಪ್ರೀತಿ

ಡುಂಡಿರಾಜ್‍ರವರು ತಮ್ಮ ವೈವಾಹಿಕ ಜೀವನದ 25ನೇ ವರ್ಷಾಚರಣೆಯ ಸಂಧರ್ಭದಲ್ಲಿ ಬರೆದಂತಹ ಪುಸ್ತಕ ಇದು. ವೈವಾಹಿಕ ಜೀವನದಲ್ಲಿ ಸಾಮಾನ್ಯವಾಗಿ ನಡೆಯುವ ಸರಸ – ವಿರಸಗಳು ಈ ಪುಸ್ತಕದ ಕಥಾವಸ್ತು. ವೈವಾಹಿಕ ಜೀವನದ ಹಲವು ಮಜಲುಗಳನ್ನು ವ್ಯಂಗ್ಯವಾಗಿ ನಿರೂಪಿಸಿದ್ದಾರೆ. ಜೊತೆಗೇ, ವೈವಾಹಿಕ ಜೀವನ ಸುಖಕರವಾಗಿ ನಡೆಯಲು ಅಗತ್ಯವಾದ ಸಲಹೆಗಳನ್ನು ಕೂಡ ಡುಂಡಿರಾಜ್‍ರವರು ಈ ಪುಸ್ತಕದಲ್ಲಿ ನೀಡಿದ್ದಾರೆ. ಒಟ್ಟಿನಲ್ಲಿ ಈ ಪುಸ್ತಕವು ವೈವಾಹಿಕ ಜೀವನ ಮೌಲ್ಯ ಹಾಗು ಹಾಸ್ಯದ ಪರಿಪೂರ್ಣ ಮಿಶ್ರಣ. ಈ ಪುಸ್ತಕದಲ್ಲಿ ಡುಂಡಿರಾಜ್‍ರವರ ಪತ್ನಿ ಭಾರತಿಯವರು ಈ ಕೃತಿಯ ನಾಯಕಿ. ಅವಳು ಅಕಸ್ಮಾತ್‍ ಸಿಕ್ಕಳು, ನನ್ನನ್ನು ನೋಡಿ ನಕ್ಕಳು ನಮಗೀಗ ಎರಡು ಮಕ್ಕಳು. ಈ ಚುಟುಕು ಅವರ ಪುಸ್ತಕದ ಪ್ರಮುಖ ಆಕರ್ಷಣೆಯ ವಿಷಯವಾಗಿದ್ದು, ಹಲವು ಬಾರಿ ಇದನ್ನು ಬಳಸಿದರೂ ಇನ್ನೂ ಹೊಸತರಂತೆ ಭಾಸವಾಗುವ ನಿರೂಪಣಾ ಶೈಲಿ ಈ ಪುಸ್ತಕದಲ್ಲಿದೆ.