ಲೇಖಕಿ ಸುನಂದಾ ಬೆಳಗಾಂವಕರ ಅವರ ಪ್ರಬಂಧಗಳ ಸಂಕಲನ ’ ಕಾಕ ಭುಶುಂಡಿ ಮತ್ತು ಇತರೆ ಪ್ರಬಂಧಗಳು’. ಇಲ್ಲಿ ಚಿತ್ರಿತಗೊಂಡಿರುವ ಕಾಳಿ ಬೆಳ್ಳಿ ಹಸುಗಳು, ಕಾಕಭುಶುಂಡಿ, ಗುಂಡ್ಯಾ ಎಂಬ ಬೆಕ್ಕು, ಇಣಚಿ ಸಂಸಾರ, ನಾಗಪ್ಪ, ಗುಬ್ಬಿಗಳು, ಮುರಿಗೆವ್ವನೆಂಬ ಹಾಲೂಡುವ ಎಮ್ಮೆ, ಟಾಮ್ ತಿಮ್ಮನೆಂಬ ವಿಶಿಷ್ಟ ನಾಯಿ, ಮಂಗ-ಮಂಗಿಯರು ಗೂಗೆಪ್ಪ ಓದುತ್ತಾ ಹೋದಂತೆ ಕೇವಲ ಪ್ರಾಣಿ-ಪಕ್ಷಿಗಳೆನಿಸದೆ ಮನುಷ್ಯ ಜೀವಗಳೇ ಅನಿಸುವಷ್ಟು ಆಪ್ತವಾಗುತ್ತದೆ.
ಅನೇಕ ರಾಗಭಾವಗಳ ರಂಗಶಾಲೆಯೇ ಇಲ್ಲಿ ಅನಾವರಣಗೊಳ್ಳುತ್ತದೆ. ಇದೇ ಈ ಪ್ರಬಂಧಗಳ ಪ್ರಮುಖ ವಸ್ತುಗಳಾಗಿವೆ. ಪ್ರಾಣಿಪಕ್ಷಿಗಳ ಜೀವನವನ್ನು ತಮ್ಮ ಜೀವನದ ಅನುಭವದ ಕಥನದ ಒಳನೇಯ್ಕೆಯಲ್ಲಿ ನಿರೂಪಿಸಿರುವ ಕ್ರಮವನ್ನೂ ಇಲ್ಲಿ ಕಾಣಬಹುದು.
.jpg)
ಇಪ್ಪತ್ತನೆ ಶತಮಾನದ ಪೂರ್ವಾರ್ಧದ ಸಮಕಾಲೀನ ಲೇಖಕಿಯರಲ್ಲಿ ಒಂದು ಗಣನೀಯ ಹೆಸರೆಂದರೆ ಸುನಂದಾ ಬೆಳಗಾಂವಕರ. ಧಾರವಾಡದ ಮಹಿಷಿ ಕುಟುಂಬದವರು. ವಿವಾಹದ ನಂತರ ಆಫ್ರಿಕಾ ಖಂಡದ ಝಾಂಬಿಯ ದೇಶದಲ್ಲಿ ತಮ್ಮ ಪತಿಯೊಡನೆ ಮೂವತ್ತು ವರ್ಷ ಕಳೆದು, ಬಳಿಕ ಭಾರತಕ್ಕೆ ಹಿಂತಿರುಗಿದರು. ಸುನಂದಾ ಬೆಳಗಾವಕರರವರು ಬರೆದ ‘ಕಜ್ಜಾಯ(ಪ್ರಬಂಧ)’ ಸುಧಾ ವಾರಪತ್ರಿಕೆಯಲ್ಲಿ ಧಾರಾವಾಹಿಯಾಗಿ ಪ್ರಕಟವಾಗಿ ಅಪಾರ ಜನಪ್ರಿಯತೆಯನ್ನು ತಂದುಕೊಟ್ಟಿತು. ಇದಲ್ಲದೆ ಅವರು ‘ಶಾಲ್ಮಲಿ’ ಎನ್ನುವ ಕಾವ್ಯಸಂಕಲನ, ‘ನಾಸು’, ‘ಝವೇರಿ’ ಎನ್ನುವ ಕಾದಂಬರಿಗಳನ್ನು ಬರೆದಿದ್ದಾರೆ. ಸುನಂದಾ ಬೆಳಗಾಂವಕರ ಪ್ರಸ್ತುತ ಬೆಂಗಳೂರಿನಲ್ಲಿ ನೆಲೆಸಿದ್ದಾರೆ. ಅವರ ‘ನಾಸು’ ಕಾದಂಬರಿಗೆ 1990 ರಲ್ಲಿಕರ್ನಾಟಕ ವಿದ್ಯಾವರ್ಧಕ ಸಂಘದ ರತ್ನಮ್ಮ ಹೆಗ್ಗಡೆ ಪ್ರಥಮ ಬಹುಮಾನ ಲಭಿಸಿದೆ. 2017ರಲ್ಲಿ ನಿಧನ ಹೊಂದಿದರು. ...
READ MORE
Concept & Creation 
©2024 Book Brahma Private Limited.
.jpg)
