ಲೇಖಕ ಗಿರಿಮನೆ ಶ್ಯಾಮರಾವ್ ಅವರ ಕಾದಂಬರಿ ಕೃತಿ ʻಕಾಡೊಳಗೆ 36 ಗಂಟೆಗಳುʼ. 16 ಭಾಗಗಳಾಗಿ ಬಂದ ಕೃತಿಯು ಮಲೆನಾಡಿನ ರೋಚಕ ಕತೆಗಳನ್ನು ಹೇಳುತ್ತದೆ. ಮಲೆನಾಡಿನ ಒಂದು ಭಾಗದಲ್ಲಿ ಡ್ರಗ್ಸ್‌ ಜಾಲದ ಹಿಂದೆ ಬಿದ್ದು ಗುರುತು ಪರಿಚಯವಿಲ್ಲದ ಒಬ್ಬನೊಂದಿಗೆ ಕಾಡಿನ ಅನುಭವವಿಲ್ಲದ ಯುವತಿಯೊಬ್ಬಳು ಅಕಸ್ಮಾತ್ತಾಗಿ ಪಶ್ಚಿಮಘಟ್ಟದ ಕಾಡೊಳಗೆ ಧುಮುಕುತ್ತಾಳೆ. ಮುಂದೆ ಅಲ್ಲೇ ಸುಮಾರು ಮೂವತ್ತಾರು ಗಂಟೆ ಜೀವ ಭಯದಿಂದ ಕಳೆಯುವ, ಆಕೆ ಎದುರಿಸುವ ವಿಲಕ್ಷಣ ಸನ್ನಿವೇಶಗಳನ್ನು ಕಾದಂಬರಿ ಹೇಳುತ್ತಾ ಹೋಗುತ್ತದೆ. ಆಕೆಯ ಜೊತೆಗಿರುವ ವ್ಯಕ್ತಿ ರಕ್ಷಕನಾಗಿ ಬಂದು ಭಕ್ಷಕನಾದರೆ ಎಂಬ ಆಲೋಚನೆಗಳು ತಲೆ ಹತ್ತುತ್ತಿದ್ದಂತೆಯೇ ಆತ ಯಾರು? ಆತನ ಉದ್ದೇಶ ಏನು? ಎಂಬ ಸಂಶಯ ಮೂಡುತ್ತದೆ. ಹೀಗೆ ಸತ್ಯ ತಿಳಿಯುವವರೆಗೂ ಕತೆ ನಿಗೂಢವಾಗಿಯೇ ಕೊನೆವರೆಗೂ ಸಾಗುತ್ತದೆ. ಜೊತೆಗೆ ಪಶ್ಚಿಮಘಟ್ಟ ಎನ್ನುವ ಲೋಕ, ಅಲ್ಲಿ ವಿನಾ ಕಾರಣ ಅಭಿವೃದ್ದಿ ಹೆಸರಿನಲ್ಲಿ ನಡೆಸುವ ಮಾನವ ಕಾರ್ಯಚರಣೆಗಳು, ಅದು ಪ್ರಕೃತಿ ಮೇಲೆ ಬೀರುವ ಹಾನಿಯನ್ನೂ ಲೇಖಕರು ಈ ಮೂಲಕ ಚಿತ್ರಿಸಿದ್ದಾರೆ.
ಪುಸ್ತಕದ ಬಗ್ಗೆ ಲೇಖಕರು ಹೇಳುವಂತೆ, ಈ ಕಾದಂಬರಿಯ ವಸ್ತು ಮಾತ್ರ ಕಾಲ್ಪನಿಕ. ಉಳಿದಂತೆ ಅಲ್ಲಿನ ಪರಿಸರ, ಪ್ರಕೃತಿಗೆ ಸಂಬಂಧಪಟ್ಟ ವಿವರಣೆಗಳೆಲ್ಲಾ ವಾಸ್ತವ. ಇದು ಮಲೆನಾಡಿನ ರೋಚಕತೆಗಳ ಸರಣಿಯ ಹದಿಮೂರನೇ ಭಾಗ. ಸರಣಿ ಮುಂದುವರಿಯುತ್ತಲೇ ಇದೆ.
ಗಿರಿಮನೆ ಶ್ಯಾಮರಾವ್ ಆಧುನಿಕ ಕನ್ನಡ ಸಾಹಿತ್ಯ ಲೋಕದಲ್ಲಿ ತಮ್ಮದೇ ಆದ ವಿನೂತನ ರೀತಿಯ ಬರವಣೆಗೆಗಳಿಂದ ಕನ್ನಡ ಓದುಗ ಆಸಕ್ತರ ನಡುವೆ ಚಿರಪರಿಚಿತರು. ಇವರ ಹುಟ್ಟೂರು ಹಾಸನ ಜಿಲ್ಲೆಯ ಸಕಲೇಶಪುರದ ಗಾಣದಹೊಳೆ ಗ್ರಾಮ. ಪತ್ನಿ ಶಶಿಕಲಾ ಹಾಗು ಪುತ್ರ ಚೇತನ್ ಶರ್ಮ. ಕೃಷಿಕನಾಗಿ 35 ವಸಂತಗಳ ಸುದೀರ್ಘ ಅನುಭವವಿದೆ. ಪಶ್ಚಿಮ ಘಟ್ಟದ ಪ್ರಕೃತಿ, ಜೀವಜಗತ್ತಿನ ಪರಿಚಯ, ಮನುಷ್ಯರ ಮನಸ್ಸಿನ ಅವಲೋಕನ, ವೈಜ್ಞಾನಿಕವಾದ ವೇದದ ಒಳಗನ್ನು ತಿಳಿಯುವ ಕುತೂಹಲ ಇವೆಲ್ಲವೂ ಇವರನ್ನು ಬರವಣಿಗೆಯ ಕ್ಷೇತ್ರದೆಡೆಗೆ ಸೆಳೆದಿದೆ. ಹವ್ಯಾಸಿ ಪತ್ರಿಕಾ ಅಂಕಣಕಾರರಾಗಿದ್ದಾರೆ. ಮಕ್ಕಳ ಸಾಹಿತ್ಯ, ವ್ಯಕ್ತಿತ್ವ ವಿಕಸನ, ಚಿಂತನೆ, ಕಾದಂಬರಿ ಹೀಗೆ ಹಲವಾರು ...
READ MORE
Concept & Creation 
©2024 Book Brahma Private Limited.
