ಕಸೂತಿಯಾಗದ ದಾರದುಂಡೆ ರೇವತಿ ಶೆಟ್ಟಿ ಕೋಟ ಪ್ರಥಮ ಕಥಾ ಸಂಕಲನವಾಗಿದೆ. ಈ ಹೆಣ್ಣು ಜೀವಗಳ ಅಂತರಂಗದಲ್ಲೊಂದು ಸಹೃದಯ ಮನಸ್ಸನ್ನ ಕಲುಕುವ, ರಪ್ಪನೆ ಕೆನ್ನೆಗೆ ಬಡಿದು ಎಚ್ಚರಗೊಳಿಸುವ,ಆಹಾ ಎಷ್ಟು ಚಂದದ ನಿರೂಪಣೆ ಎನ್ನುತ್ತಲೇ ವಿಷಾದದ ಭಾರವನ್ನು ಎದೆಯಲ್ಲಿ ನೆಟ್ಟುಹೋಗುವ ಗಟ್ಟಿಯಾದ ಧ್ವನಿಗಳಿವೆ. ಎಲ್ಲೂ ಜಾಳೆನಿಸದ ಬೋರೆನಿಸದ ಕತೆಗಳಿವು. ಯಾವ ಇಸಂಗಳ ಸೋಂಕಿಲ್ಲದ ಅಪ್ಪಟ ದೇಶೀ ಸೊಗಡಿನ ಕಟು ವಾಸ್ತವದ ನೋಟಗಳು ಲೇಖಕಿಯದ್ದು. ಕಥಾವಸ್ತುಗಳು ನಗರ ಮತ್ತು ಹಳ್ಳಿ ಬದುಕಿನ ಬದಲಾಗುತ್ತಿರುವ ಓಟದ ಸೂಕ್ಷ್ಮ ನೋಟವಾಗಿದೆ. ಓದಿ ಮುಗಿಸಿದಾಗ ಒಂದಿಷ್ಟು ಪಾತ್ರಗಳು ಕಾಡಿದರೆ ಮತ್ತೊಂದಿಷ್ಟು ಸನ್ನಿವೇಶಗಳು ಅರಿಯದೆಯೇ ಕಣ್ಣುಂಬಿಸುತ್ತವೆ. ಮೊದಲ ಕಥಾಸಂಕಲನವೆಂಬ ಯಾವ ರಿಯಾಯಿತಿಯೂ ಬೇಕಿಲ್ಲದ ಪ್ರಬುದ್ಧ ಬರಹಗಾರ್ತಿಯ ಕಥೆಗಳಿವು.
ರೇವತಿ ಶೆಟ್ಟಿ ಮೂಲತಃ ಉಡುಪಿ ಜಿಲ್ಲೆಯ ಕೋಟದವರು. ಪ್ರಸ್ತುತ ಬೆಂಗಳೂರಿನಲ್ಲಿ ಶಿಕ್ಷಣ ಮತ್ತು ಸಾಹಿತ್ಯ ಕ್ಷೇತ್ರವನ್ನು ವೃತ್ತಿ ಹಾಗೂ ಪ್ರವೃತ್ತಿಯಾಗಿ ಮಾಡಿಕೊಂಡಿದ್ದಾರೆ. ಕಾಲೇಜು ದಿನಗಳಲ್ಲಿ ಇವರ ಭಿನ್ನ ಅಭಿರುಚಿಯ ಕತೆ, ಕವನ, ಅಂಕಣ ಬರಹಗಳು ಮಂಗಳೂರು ಆಕಾಶವಾಣಿಯ ಯುವವಾಣಿ ವಿಭಾಗದಲ್ಲಿ ಪ್ರಸಾರಗೊಂಡಿದ್ದವು. “ಬೆಳ್ಳಿಚುಕ್ಕಿ” ಮತ್ತು “ರಾಜಧಾನಿಯ ಪಿಸುಮಾತು” ಹಲವು ವಿಚಾರಗಳ ಸುತ್ತ ಕೆಂದ್ರೀಕೃತವಾಗಿದ್ದವು ಮಂಗಳ ವಾರಪತ್ರಿಕೆ, ಉದಯವಾಣಿ, ಕನ್ನಡಪ್ರಭ ಪತ್ರಿಕೆಗಳಲ್ಲಿ ಸಂದರ್ಶನ ಬರಹ ಮತ್ತು ಕತೆಗಳು ಪ್ರಕಟಗೊಂಡಿವೆ. ಪ್ರತಿಷ್ಟಿತ ವೇದಿಕೆಗಳಲ್ಲಿ ನೂರಕ್ಕೂ ಅಧಿಕ ಕಾರ್ಯಕ್ರಮಗಳಿಗೆ ' ನಿರೂಪಣೆ ಹಲವಾರು ಸಾಕ್ಷ್ಯಚಿತ್ರ, ವ್ಯಕ್ತಿಚಿತ್ರಣ ಹಾಗೂ ಜಾಹೀರಾತುಗಳಿಗೆ ' ಕಂಠದಾನ ...
READ MORE
Concept & Creation 
©2024 Book Brahma Private Limited.
