’ಆಂದೋಲನ’ ಪತ್ರಿಕೆಯ ಮೂಲಕ ನಾಡಿನ ಕಣ್ಮಣಿಯಾದವರು ರಾಜಶೇಖರ ಕೋಟಿ. ಸೂಕ್ಷ್ಮತೆ, ಸಂವೇದನೆಗಳ ಮೂರ್ತರೂಪದಂತಿದ್ದ ರಾಜಶೇಖರ ಕೋಟಿ ಪತ್ರಿಕೆಯ ಮೂಲಕ ರೂಪಿಸಿಕೊಂಡ ಓದುಗ ವರ್ಗ ಕೂಡ ಅಪಾರ.
ಹೆಸರಿಗೆ ಪ್ರಾದೇಶಿಕ ಪತ್ರಿಕೆಯಾದರೂ ’ಆಂದೋಲನ’ ಆ ಮಿತಿಯನ್ನು ಮೀರಿತ್ತು. ತಮ್ಮ ನಿಷ್ಠುರತೆ, ಪ್ರಾಮಾಣಿಕತೆಯ ಮೂಲಕ ಮಾದರಿಯಾಗಿದ್ದ ಅವರನ್ನು ಈ ಹೊತ್ತಿಗೆ ಮೂಲಕ ಮೈಸೂರು ಪತ್ರಕರ್ತರ ಸಂಘ ವಿಶಿಷ್ಟವಾಗಿ ನೆನೆದಿದೆ. ಕೋಟಿ ಅವರ ಅಂಕಣ ಬರಹಗಳನ್ನು ಕೂಡ ಕೃತಿ ಒಳಗೊಂಡಿದ್ದು ಅವರ ಲೇಖನಿಯ ಶೈಲಿಯನ್ನು ಸವಿಯಲು ಸಾಧ್ಯವಿದೆ.
ಪತ್ರಿಕೋದ್ಯಮ ವಿದ್ಯಾರ್ಥಿಗಳಂತೂ ಓದಲೇಬೇಕಾದ ಉಪಯುಕ್ತ ’ಪಠ್ಯೇತರ’ ಕೃತಿ ಇದು.
ಹಿರಿಯ ಪತ್ರಕರ್ತ, ಲೇಖಕ ಅಂಶಿ ಪ್ರಸನ್ನ ಕುಮಾರ್, ಪ್ರಸ್ತುತ ಕನ್ನಡ ಪ್ರಭಾ ಪತ್ರಿಕೆಯ ಮೈಸೂರು ವಿಭಾಗದ ಮುಖ್ಯಸ್ಥರಾಗಿ ಕಾರ್ಯ ನಿರ್ವಹಿಸುತ್ತಿದ್ದಾರೆ. ಮೈಸೂರು ಚಾಮರಾಜನಗರ ರಾಜಕೀಯ ಇತಿಹಾಸ, ಕೋಟಿ ನೆನಪು ಕೋಟಿ ಓದುಗರ ಆಂದೋಲನ, ಸಮಾಜಮುಖಿ ಶ್ರೀಸಾಮಾನ್ಯರು, ಸಮುದಾಯ ನಾಯಕರು; ಇವು ಪ್ರಮುಖ ಕೃತಿಗಳು. ಬೆಂಗಳೂರು ಪ್ರೆಸ್ ಕ್ಲಬ್‌ ನೀಡುವ ಜೀವಮಾನ ಸಾಧನೆ ಪ್ರಶಸ್ತಿ ದೊರೆತಿದೆ. ...
READ MORE
Concept & Creation 
©2024 Book Brahma Private Limited.
