‘ಲಾಲಿಪಾಪು ಚೀಪು ಚೀಪು’ ಕೃತಿಯು ಎಚ್. ಡುಂಡಿರಾಜ್ ಅವರ ಮಕ್ಕಳ ಕವಿತೆಗಳಾಗಿವೆ. ಕೃತಿಗೆ ಬೆನ್ನುಡಿ ಬರೆದಿರುವ ಎಚ್. ಎಸ್. ವೆಂಕಟೇಶಮೂರ್ತಿ ಅವರು, ‘ಮಕ್ಕಳ ಕವಿತೆಗಳು, ಹಿರಿಯರ ಚಾಟೂಕ್ತಿಗಳು, ಅನುಭವಿಗಳ ಜಾಣ್ಣುಡಿಗಳು, ರಸಿಕರ ನಾದಮಯ ಫಲುಕುಗಳು, ಭಾವುಕರ ರಸೋದ್ಗಾರಗಳು, ನಮ್ಮ ಹಳ್ಳಿಯ ಬದಿಯಲ್ಲೇ ಬಿದ್ದಿರುವ, ನಡೆದರೆ ನಮ್ಮನ್ನು ನಮ್ಮ ನಮ್ಮ ಘನವಾದ ಗಂತವ್ಯಕ್ಕೆ ಕೊಂಡೊಯ್ಯುವ ದಾರಿ ದಿವ್ಯಗಳು. ಡುಂಡಿಯವರ ಕಾವ್ಯದ ಅನನ್ಯತೆ ಆ ಬಗೆಯದು. ಮೊಗೇರಿ, ಸಾಧನಕೇರಿ, ಕುಪ್ಪಳಿ, ಮೇಲುಕೋಟೆಗೆ ನಮಗೆ ದಾರಿ ತೋರಿಸುವ ನಮ್ಮೂರ ಪಕ್ಕದಲ್ಲೇ ಇರುವ ಕೈಗಂಬದ ಹಾಗೆ ಡುಂಡಿಯವರ ಕವಿತೆಗಳು ನಮ್ಮ ಭಾಷೆಯ ಅಲೌಕಿಕತೆಯ ಬಗ್ಗೆ ನಮ್ಮನ್ನು ಆಕರ್ಷಿಸಿ ತಾಯ್ನುಡಿಯ ಪವಿತ್ರ ನೆಲೆಗೆ ಕೈಮರವಾಗುವರೋ ಹಾಗೇ ಡುಂಡಿರಾಜರೂ ನಮ್ಮನ್ನು ತಮ್ಮ ಸೀಳ್ನೋಟಗಳಿಂದ ಸೆಳೆಯುವ ಕವಿಯಾಗಿದ್ದಾರೆ' ಎಂದು ಪ್ರಶಂಸಿಸಿದ್ದಾರೆ.
ಎಚ್. ಡುಂಡಿರಾಜ್, ಕನ್ನಡದ ಹೆಸರಾಂತ ಚುಟುಕು ಕಾವ್ಯ ಸಾಹಿತಿ. ಈವರೆಗೆ ಸುಮಾರು 45 ಪುಸ್ತಕಗಳನ್ನು ಬರೆದಿರುವ ಇವರು, ತಮ್ಮ ಪುಸ್ತಕಗಳಲ್ಲಿ ಚುಟುಕು ಸಾಹಿತ್ಯದ ಕುರಿತಾಗಿನ ಎಳೆಗಳನ್ನು ಸೂಕ್ಷ್ಮವಾಗಿ ಬಿಡಿಸಿಟ್ಟಿದ್ದಾರೆ. ಸಾಹಿತ್ಯ ಮತ್ತು ಹಾಸ್ಯದ ಸಮ್ಮಿಲನ ಇವರ ಕೃತಿಗಳ ವಿಶೇಷತೆ. ಉಡುಪಿ ಜೆಲ್ಲೆಯ ಹಟ್ಟಿಕುದ್ರುವಿನಲ್ಲಿ 18 ಆಗಸ್ಟ್ 1956ರಲ್ಲಿ ಜನಿಸಿದ ಇವರು, ಬೆಂಗಳೂರಿನ ಕೃಷಿ ವಿಶ್ವವಿದ್ಯಾಲಯದಲ್ಲಿ ಎಂ.ಎಸ್ಸಿ. ಪದವಿಯನ್ನು ಪಡೆದಿದ್ದಾರೆ. ಸದ್ಯಕ್ಕೆ ಮಂಗಳೂರಿನ ಕಾರ್ಪೋರೇಶನ್‍ ಬ್ಯಾಂಕ್‍ನ ಸಹಾಯಕ ಮಹಾ ವ್ಯವಸ್ಥಾಪಕರಾಗಿ ಕಾರ್ಯ ನಿರ್ವಹಿಸುತ್ತಾ ಇದ್ದಾರೆ. 2011ರಲ್ಲಿ ನಡೆದ ಸಂಯುಕ್ತ ಅರಬ್‍ ಸಂಸ್ಥಾನದ ಚುಟುಕು ಸಾಹಿತ್ಯ ಸಮ್ಮೇಳನದ ಅಧ್ಯಕ್ಷರಾಗಿದ್ದ ಇವರು, ತಮ್ಮ ಕೃತಿಗಳಲ್ಲಿ ...
READ MORE
Concept & Creation 
©2022 Book Brahma Private Limited.
