‘ಲಲಿತ ವಿಸ್ತರ’ ಗೌತಮ ಬುದ್ಧನ ಜೀವನಗಾಥೆ. ಸಂಸ್ಕೃತದಲ್ಲಿ ರಚಿತವಾದ ಈ ಚರಿತ್ರೆಯನ್ನು ತಿರುಮಲ ರಾಮಚಂದ್ರ ಮತ್ತು ಬಾಲುಸು ವೆಂಕಟರಮಣಯ್ಯ ಅವರು ತೆಲುಗಿಗೆ ಅನುವಾದಿಸಿದ್ದರು, ಆನಂತರದಲ್ಲಿ ಡಾ. ಆರ್. ಶೇಷಶಾಸ್ತ್ರಿ ಕನ್ನಡೀಕರಿಸಿದ್ದಾರೆ.
ಲಲಿತ ವಿಸ್ತರ ಗೌತಮಬುದ್ಧನ ಜೀವನ ಚರಿತ್ರೆ, ಸರಳವಾದ, ಮಿಶ್ರಸಂಸ್ಕೃತ ಭಾಷೆಯಲ್ಲಿ ರಚಿತವಾಗಿರುವ ಸುಂದರ ನಿರೂಪಣೆಯನ್ನು ಹೊಂದಿದೆ. ಬೌದ್ಧ ಪರಿಭಾಷೆಯಲ್ಲಿ ಇದು ವೈಪುಲ್ಯಸೂತ್ರಗಳಲ್ಲಿ (ದೀರ್ಘ ಧರ್ಮಗ್ರಂಥಗಳು) ಒಂದು. ಕೆಲವು ವಿದ್ವಾಂಸರು ಇದು ಮಹಾಯಾನಪಂಥಕ್ಕೆ ಸಂಬಂಧಿಸಿದ್ದು ಎಂದು ಹೇಳುತ್ತಾರೆಯಾದರೂ ವಸ್ತುಸ್ಥಿತಿ ವಿಭಿನ್ನ. ಪಾಲಿ ಮತ್ತು ಸಂಸ್ಕೃತ ವಿನಯಪಿಟಕ ಗ್ರಂಥಗಳಲ್ಲಿ ಅಲ್ಲಲ್ಲಿ ದೊರಕುವ ಬುದ್ಧನ ಜೀವನದ ವೃತ್ತಾಂತದ ಭಾಗಗಳೇ ಮುಂದೆ ರಚಿತವಾದ ಜೀವನ ಚರಿತ್ರೆಗಳಿಗೆಲ್ಲಾ ಮೂಲಾಧಾರ. ಈ ಕೃತಿಯಲ್ಲಿಯೂ ಬುದ್ಧನ ಜೀವನಚರಿತ್ರೆಯನ್ನು ಸವಿಸ್ತಾರವಾಗಿ, ಸರಳ ಭಾಷೆಯಲ್ಲಿ ಬರೆಯಲಾಗಿದೆ.
ಕನ್ನಡ ಸಾಹಿತ್ಯ ಕ್ಷೇತ್ರವನ್ನು ಶ್ರೀಮಂತಗೊಳಿಸಲು ಶ್ರಮಿಸಿದ ಬಹುಭಾಷಾ ಪಂಡಿತರ ಪರಂಪರೆಗೆ ಸೇರಿದವರು ಡಾ. ಆರ್. ಶೇಷಶಾಸ್ತ್ರಿ. ಅಧ್ಯಾಪಕ, ಲೇಖಕ, ಅನುವಾದಕ, ಸಂಶೋಧಕರಾಗಿ ಅದರದ್ದು ಬಹುಮುಖ ಪ್ರತಿಭೆ. ಚಿಕ್ಕಬಳ್ಳಾಪುರ ಜಿಲ್ಲೆಯ ಚಿಂತಾಮಣಿ ತಾಲೂಕಿನ ಸಂತೇಕಲ್ಲಹಳ್ಳಿ ಶೇಷಶಾಸ್ತ್ರಿಗಳ ಹುಟ್ಟೂರು. ಬೆಂಗಳೂರು ವಿವಿಯಲ್ಲಿ ಕನ್ನಡದಲ್ಲಿ ಸ್ನಾತಕೋತ್ತರ ಪದವಿ ಮತ್ತು ಪಿಎಚ್.ಡಿ ಪದವಿ ಪಡೆದ ಅವರು ಸಂಶೋಧಕ ಸಹಾಯಕರಾಗಿ ವೃತ್ತಿ ಬದುಕನ್ನು ಆರಂಭಿಸಿದರು. ಆಂಧ್ರಪ್ರದೇಶದ ಅನಂತಪುರದಲ್ಲಿರುವ ಶ್ರೀಕೃಷ್ಣದೇವರಾಯ ವಿವಿಯಲ್ಲಿ ಕನ್ನಡ ಅಧ್ಯಾಪಕ, ರೀಡರ್, ಪ್ರಾಧ್ಯಾಪಕರಾಗಿ ಕಾರ್ಯನಿರ್ವಹಿಸಿ ಆನಂತರದಲ್ಲಿ ತೆಲುಗು ವಿಭಾಗದ ಮುಖ್ಯಸ್ಥರಾದರು ಜೊತೆಗೆ, ಕುಪ್ಪಂನ ದ್ರಾವಿಡ ವಿವಿಯಲ್ಲಿ ಕನ್ನಡ ಮತ್ತು ಅನುವಾದ ವಿಭಾಗದ ಸ್ಥಾಪಕ ...
READ MORE
Concept & Creation 
©2023 Book Brahma Private Limited.
