’ಮಡಿಲ ನಕ್ಷತ್ರ’ ರೇಖಾ ಭಟ್ಟ ಅವರ ಮೊದಲ ಗಜಲ್ ಸಂಕಲನ. ಬರೀ ಭಾವ ತೀವ್ರತೆಗಳಲ್ಲದೆ 'ಬದುಕು ಕಟ್ಟುವ ಕಲೆ' ಇದೆ. 'ಮುಗಿಲೂರಿಗೆ ಹೊರಟ ದಿಬ್ಬಣ', 'ಬೆಚ್ಚಗಿನ ಹಂಬಲಕ್ಕೆ ಹರಿದ ಕೌದಿಯ ಹೊಲಿಯುವ', 'ಒಲವೇ ಇರದ ಕಂಗಳ ದೀಪವು ಬೆಳಕಾಗಬಲ್ಲದೇ?!’, 'ಹಸಿದಿರುವ ಒಡಲಿಗಾಗಿ ಅಲೆಯುತ್ತಿದ್ದೆ ಉಣಿಸಿನ ನೆಲೆಗಳರಸಿ', 'ಕಳೆದುದೆಲ್ಲಾ ಹುಡುಕಲು ಕಾಡು ಬೇಕಿದೆ', 'ನಲ್ಮೆಯಿರದ ಬಾಳಿಗೊಂದು ಅರ್ಥವಿದೆಯೇ?, ಈ 'ಕಳೆದು ಹೋದ ಕನಸಿನ ಹುಡುಗಿಗೆ', 'ಚೆಲುವಿನರಸಿ ಒಲವ ಬೆರೆಸಿ ಕೂಡು', 'ತಮದ ಹಾದಿಗೆ ಬೆಳಕ ಹಚ್ಚಡ' ಸೇರಿದಂತೆ ಇತರೆ ಗಜಲ್ ಗಳಿವೆ.
ಗಜಲ್‌ಗಳ ಕೆಲವು ಸಾಲುಗಳು ಹೀಗಿವೆ. ‘ಬಿತ್ತಿದ ಪ್ರೇಮಬೀಜಗಳು ಅಲ್ಲಲ್ಲಿ ಮೊಳಕೆಯೊಡೆಯುತ್ತಿವೆ. ಹಸಿರೊಡಲ ಬಾಚಿ ನುಂಗುವ ಬೆಂಕಿಮಳೆಗೆ ಕೊನೆಯಿಲ್ಲ’ ‘ನಸುಕಲಿ ಸಹನೆಯಿಂದ ಮುತ್ತುಕಟ್ಟಿದ ಇಬ್ಬನಿ ಸಾಲು ಕುಡಿಯೊಡೆದ ಚಿಗುರೆಲೆ ಬಾಳಲಿ ಐಸಿರಿಯ ತಂತು’ ‘ಆಯುಧಗಳಿಗಿಂತ ರೋಗಗ್ರಸ್ತ ಮನಕೆ ಔಷಧಿ ಬೇಕೀಗ ರಕ್ಕಸ ಬೆರಳುಗಳಲಿ ಹೂವರಳಿದ ಬಗೆಯೊಂದ ಹೇಳು ಬಾ’.
ಗಜಲ್ ಕವಯತ್ರಿ ರೇಖಾ ಭಟ್ಟ ಅವರು ಉತ್ತರಕನ್ನಡ ಜಿಲ್ಲೆಯ ಯಲ್ಲಾಪುರ ತಾಲೂಕಿನ ಹೊನ್ನಗದ್ದೆಯವರು. ಪ್ರಾಥಮಿಕ ಶಾಲಾ ಶಿಕ್ಷಕಿ. ಅವರು ಹುಟ್ಟಿದ್ದು 30-07-1986. ಅವರ ಚೊಚ್ಚಲ ಗಜಲ್ ಸಂಕಲನ ’ಮಡಿಲ ನಕ್ಷತ್ರ” . ಕನ್ನಡ ಪುಸ್ತಕ ಪ್ರಾಧಿಕಾರದಿಂದ ಯುವಬರೆಹಗಾರರ ಚೊಚ್ಚಲ ಕೃತಿಗೆ ಧನಸಹಾಯ ಯೋಜನೆಯಲ್ಲಿ ಪ್ರಕಟವಾಗಿದೆ. ಕವಿಬಳಗ ನಡೆಸಿದ ಧ್ವನಿಸುರುಳಿ ತಯಾರಿಕೆಗಾಗಿ ಭಾವಗೀತೆ ರಚನೆ ಸ್ಪರ್ಧೆ ನಡೆಸಿದ್ದು, ಅವರ 'ನೀನಿರದ ಬದುಕು' ಎನ್ನುವ ಭಾವಗೀತೆ ಧ್ವನಿ ಸುರಳಿಯಲ್ಲಿ ಬಳಕೆಯಾಗಿದೆ. ಅವರ ಕವಿತೆಗಳು ಕನ್ನಡದ ದಿನ ಪತ್ರಿಕೆಗಳಲ್ಲಿ ಪ್ರಕಟಗೊಂಡಿವೆ. ...
READ MORE
Concept & Creation 
©2024 Book Brahma Private Limited.
