ಮಗುವಿನ ಮನೋವಿಕಾಸದಲ್ಲಿ ರೇಖೆ, ಚಿತ್ರಕಲೆ ವಹಿಸುವ ಮಹತ್ವದ ಪಾತ್ರವನ್ನು ತೀರಾ ನವಿರಾಗಿ, ಮಕ್ಕಳ ಮನಸ್ಸಿಗೆ ಮುದ ನೀಡುವ ರೀತಿಯಲ್ಲಿ ಶಿಕ್ಷಣ ನೀಡುವ ಕೃತಿ-ಮಗು ಮತ್ತು ಚಲಿಸುವ ರೇಖೆ. ಕವಿ ಬಾಗೂರು ಮಾರ್ಕಾಂಡೇಯ ಅವರು ಬರೆದಿದ್ದು, ಮಗುವಿನ ಚಿತ್ರಕಲಾ ಶಿಕ್ಷಣಕ್ಕೆ ಬೆಳಕು ಚೆಲ್ಲುವಂತಹ ಕೃತಿ.
ಈ ಪುಸ್ತಕಕ್ಕೆ ಪುಸ್ತಕ ಸೊಗಸು ಬಹುಮಾನ ಬಂದಿದೆ. ಕನ್ನಡ ಮತ್ತು ಸಂಸ್ಕೃತಿ ಇಲಾಖೆಯ ಗೌರವಧನವೂ ಪ್ರಾಪ್ತವಾಗಿದೆ. ‘ತಾರೇ ಜಮೀನ್ ಫರ್’ ಈ ಸಿನಿಮಾ ಬರುವ ಮುನ್ನವೇ, ಅಲ್ಲಿಯ ಯೋಚನಾ ಲಹರಿಯು ಈ ಪುಸ್ತಕದಲ್ಲಿ ಚಲ್ಲುವರಿದಿದ್ದು ಈ ಪುಸ್ತಕದ ಹೆಗ್ಗಳಿಕೆ. ಮಕ್ಕಳ ಚಿತ್ರಗಳನ್ನು ಹೇಗೆ ಗ್ರಹಿಸಿ, ಅರ್ಥೈಸಬೇಕು ಎಂಬುದರ ವಿವರಣೆಯೂ ಇಲ್ಲಿದ್ದು, ಮಕ್ಕಳ ಮನೋವಿಕಾಸದ ತತ್ವಗಳ ಹಿನ್ನೆಲೆಯಲ್ಲೇ ಕೃತಿ ರೂಪುಗೊಂಡಂತೆ ಕವಿಯು ತನ್ನ ಸೂಕ್ಷ್ಮತೆಯನ್ನು ಇಲ್ಲಿ ಬಳಸಿದ್ದು ಸ್ಪಷ್ಟವಾಗುತ್ತದೆ.
ಕವಿ, ಕಲಾವಿದ, ಬಾಗೂರು ಮಾರ್ಕಾಂಡೇಯ ಅವರು ಚಿತ್ರದುರ್ಗ ಜಿಲ್ಲೆಯ ಹೊಸದುರ್ಗ ತಾಲೂಕಿನ (ಜನನ: 28-06-1966) ಬಾಗೂರು ಗ್ರಾಮದವರು. ಪರಿಸರ, ಮಕ್ಕಳ ಸಾಹಿತ್ಯ, ಚಿತ್ರಕಲೆ ಸೇರಿದಂತೆ ಸುಮಾರು 54ಕ್ಕೂ ಅಧಿಕ ಕೃತಿಗಳನ್ನು ರಚಿಸಿದ್ದಾರೆ. ಏಕ ವ್ಯಕ್ತಿ ಚಿತ್ರಕಲಾ ಪ್ರದರ್ಶನ, ಬೇರುಗಳು ಚಿತ್ರ ಸರಣಿ ಮೂಲಕ ಪರಿಸರ ಜಾಗೃತಿಗೆ ಶ್ರಮಿಸಿದವರು, ‘ರೇಖೆಗಳಲ್ಲಿ ಭಾವಗೀತೆಗಳು’ ಮೂಲಕ ನೂತನ ಪ್ರಯೋಗಶೀಲತೆ ರೂಢಿಸಿಕೊಂಡವರು. ಕನ್ನಡದ ಸುಲಭ ಕಲಿಕೆಗೆ “ಕನ್ನಡ ಸೌರಭ” ತಂತ್ರಾಂಶ ತಯಾರಿಸಿದ್ದಾರೆ. “ಬಾಗೂರು ಕಲಾ ವೇದಿಕೆ ಟ್ರಸ್ಟ್” ರಚಿಸಿಕೊಂಡು ‘ಕಲಾ ಭೂಷಣ’ ಪ್ರಶಸ್ತಿ ನೀಡುತ್ತಾ ಬಂದಿದ್ದಾರೆ ಕವನ ಸಂಕಲನಗಳು: ರೇಖಾಂತರಂಗದ ಭಾವಗುಸುಮ, ಭಾವಶಿಲ್ಪ, ಭಾವೋನ್ಮಾದಿನಿ, ಭಾವಸಮ್ಮಿಲನ, ಕೊಳಲದನಿ, ಕಾವ್ಯಕನ್ನಿಕೆ, ಚೈತ್ರ ಚೆಲುವು, ಸುವರ್ಣಪುತ್ಥಳಿ, ಸ್ವರಸಿರಿಯ ಸ್ನೇಹಲತೆ, ರಾಧಾ ಮಾಧವರ ಒಲುಮೆ ...
READ MORE
Concept & Creation 
©2024 Book Brahma Private Limited.
