ಮಹಾವೀರರ ಜೀವನಾಧಾರಿತ ನಾಟಕವಿದು. ಗುಲಬರ್ಗಾ ಆಕಾಶವಾಣಿಯಿಂದ 4 ಬಾರಿ ಪ್ರಸಾರವಾಗಿದೆ. ಬಾಲ್ಯದಿಂದ ಬಿಹಾರದ ಪಾವುಪುರಿಯಲ್ಲಿ ಮುಕ್ತಿ ಹೊಂದುವವರೆಗೆ ಕೆಲವು ಮಹತ್ವದ ಪ್ರಸಂಗಗಳನ್ನು ನಾಟಕ ಒಳಗೊಂಡಿದೆ. ಜೀವಜಗತ್ತಿನಲ್ಲಿ ಮನುಷ್ಯ ಸಮಾನಭಾವದೊಂದಿಗೆ ಆತ್ಮಕಲ್ಯಾಣ ಕಾಣಬೇಕು ಹಾಗೂ ತಾನು ಬದುಕುವುದರೊಂದಿಗೆ ಇತರರಿಗೂ ಬದುಕಲು ಅವಕಾಶ ಕೊಡಬೇಕು ಎಂಬುದು ಇಲ್ಲಿಯ ಸಂದೇಶ. ಅಲೌಕಿಕವಾದ ಪರಿಕಲ್ಪನೆಗಳನ್ನು ತೀರಾ ಸರಳವಾಗಿ, ಅಷ್ಟೇ ಅರ್ಥಗರ್ಭಿತವಾಗಿ ಸಂಭಾಷಣೆ ಬರೆದಿದ್ದು ನಾಟಕದ ಆಕರ್ಷಣೆಯಾಗಿದೆ. ಸಾಹಿತಿ ಎಸ್. ಜೀತೇಂದ್ರಕುಮಾರ್ ಅವರು ಮುನ್ನುಡಿ ಬರೆದಿದ್ದು, 'ಇಲ್ಲಿಯ ಪ್ರತಿ ಸಂಭಾಷಣೆಯು ನಾಟಕೀಯವೆನಿಸದು. ಒಂದಾದ ನಂತರ ಒಂದು ಪ್ರಸಂಗಗಳನ್ನು ಹೆಣೆಯುವಲ್ಲಿಯೂ ಲೇಖಕರ ಸೂಕ್ಷ್ಮತೆ ಪ್ರಶಂಸನೀಯ’ ಎಂದಿದ್ದಾರೆ.
ಡಿ.ಎನ್. ಅಕ್ಕಿ ಎಂದು ಸಾಹಿತ್ಯಲೋಕದಲ್ಲಿ ಚಿರಪರಿಚಿತವಾಗಿರುವ ದೇವೇಂದ್ರ ನಾಭಿರಾಜ ಅಕ್ಕಿ ಅವರು ಯಾದಗಿರಿ ಜಿಲ್ಲೆಯ ಶಹಾಪುರ ತಾಲ್ಲೂಕಿನ ಗೋಗಿ ಗ್ರಾಮದವರು. ಗೋಗಿಯ ಸರ್ಕಾರಿ ಪದವಿ ಪೂರ್ವ ಕಾಲೇಜಿನಲ್ಲಿ ಚಿತ್ರಕಲಾ ಶಿಕ್ಷಕರಾಗಿ ನಿವೃತ್ತರಾಗಿದ್ದು, ಅವಗಣನೆಗೆ ಒಳಗಾಗಿದ್ದ ಹೈದರಾಬಾದ್ ಕರ್ನಾಟಕ ಪ್ರದೇಶದ ಐತಿಹಾಸಿಕ ಸ್ಮಾರಕಗಳ ಬಗ್ಗೆ ಅವರು ಮಾಡಿದ ಕೆಲಸ ಅನನ್ಯ. ಕವಿತೆಯ ಮೂಲಕ ಸಾಹಿತ್ಯಲೋಕ ಪ್ರವೇಶಿಸಿದ ಅಕ್ಕಿ ಅವರ ಬಹುತೇಕ ನಾಟಕಗಳು ಬಾನುಲಿಯಲ್ಲಿ ಪ್ರಸಾರಗೊಂಡಿವೆ. ಮೂಡಬಿದಿರೆ ಜೈನಮಠದಿಂದ ಸ್ವಸ್ತಿ ಶ್ರೀ ಭಟ್ಟಾರಕ ಪುರಸ್ಕಾರ ಪ್ರಶಸ್ತಿ, ಹೊಂಬುಜದ ಜೈನ್ ಮಠದಿಂದ ಸಿದ್ದಾಂತ ಕೀರ್ತಿ ಪ್ರಶಸ್ತಿ ಹೀಗೆ ಹಲವಾರು ಪ್ರಶಸ್ತಿಗಳು ಸಂದಿವೆ. ಕರ್ನಾಟಕ ರಾಜ್ಯ ...
READ MORE
Concept & Creation 
©2024 Book Brahma Private Limited.
1.jpg)
