ಮನೋವೈದ್ಯ ಡಾ. ಸಿ.ಆರ್. ಚಂದ್ರಶೇಖರ ಅವರ ಕೃತಿ-ಮಕ್ಕಳಿಗೆ ಕಲಿಸಿ ಜೀವನ ಕೌಶಲಗಳು. ಪಾಲಕರನ್ನು ಅನುಸರಿಸಿಯೇ ಮಕ್ಕಳು ಕಲಿಯುತ್ತಾರೆ. ಆಚಾರ-ವಿಚಾರ ಎಲ್ಲವೂ ಪಾಲಕರನ್ನು ಮಕ್ಕಳು ಅವಲಂಬಿಸಿರುತ್ತವೆ. ಆದ್ದರಿಂದ, ಪಾಲಕರ ನಡೆ-ನುಡಿ ಮೌಲ್ಯಾಧಾರಿತವಾಗಿರಬೇಕು. ಆ ಮೂಲಕ, ನೆಮ್ಮದಿಯ ಜೀವನ ನಡೆಸಬೇಕು. ಈ ನಡಾವಳಿಕೆಯೇ ಮನುಷ್ಯ ಜನ್ಮದ ಸಾರ್ಥಕತೆ ಎನ್ನುವಂತಿರಬೇಕು. ಇಂತಹ ಆಶಯಗಳೊಂದಿಗೆ ಮಕ್ಕಳಿಗೂ ಅದನ್ನೇ ಬೋಧಿಸಬೇಕು. ತಪ್ಪಿದರೆ, ನಿರ್ದಿಷ್ಟ ಮಾದರಿ ಇಲ್ಲದೇ, ಗೊಂದಲಕ್ಕೀಡಾಗಿ, ತಲೆಯಲ್ಲಿ ಬರೀ ಸಂಶಯಗಳನ್ನೇ ತುಂಬಿಕೊಂಡು, ಬದುಕಿನಲ್ಲಿ ಏನೂ ಸಾಧಿಸದೇ ದುಃಖವನ್ನು ಅನುಭವಿಸುತ್ತಾರೆ. ಆದ್ದರಿಂದ, ಉತ್ತಮ ಜೀವನ ಕೌಶಲಗಳನ್ನು ಪಾಲಕರು ಕಲಿಸಬೇಕು. ಆ ಕೌಶಲಗಳ ಮೂಲಕವೇ ಮಕ್ಕಳು ತಮ್ಮ ಬದುಕನ್ನು ಉತ್ತಮವಾಗಿಸಿಕೊಂಡು, ಅವರು ಮುಂದೆ ತಮ್ಮ ಮಕ್ಕಳಿಗೂ ಮಾದರಿಯಾಗುತ್ತರೆ. ಈ ಹಿನ್ನೆಲೆಯಲ್ಲಿ, ಚರ್ಚಿಸಿದ ಅಂಶಗಳು ಈ ಕೃತಿಯಲ್ಲಿವೆ.
ಡಾ. ಸಿ.ಆರ್. ಚಂದ್ರಶೇಖರ್ ಅಂತಾರಾಷ್ಟ್ರೀಯ ಖ್ಯಾತಿ ಪಡೆದಿರುವ ರಾಷ್ಟ್ರೀಯ ಮನೋರೋಗ ಮತ್ತು ನರವಿಜ್ಞಾನ ಸಂಸ್ಥೆಯಲ್ಲಿ ಉಪ ಆರೋಗ್ಯ ಅಧೀಕ್ಷಕರಾಗಿ ಸೇವೆ ಸಲ್ಲಿಸುತ್ತಿದ್ದಾರೆ. ಮನೋವಿಜ್ಞಾನ ಕ್ಷೇತ್ರದಲ್ಲಿ ಸಾಮಾಜಿಕ ಕಳಕಳಿಯುಳ್ಳ ಹಿರಿಯ ವೈದ್ಯರು ರೋಗಿಗಳ ಶುಶ್ರೂಷೆ, ಬೋಧನೆ ಮತ್ತು ತರಬೇತಿ ನೀಡುತ್ತಿರುವುದರ ಜೊತೆಗೆ ಕಳೆದ 30 ವರ್ಷಗಳಿಂದ ನಿರಂತರ ಸೇವೆ ಸಲ್ಲಿಸುತ್ತಿದ್ದಾರೆ. 150 ಕ್ಕೂ ಹೆಚ್ಚು ಮನೋವಿಜ್ಞಾನದ ಬಗ್ಗೆ ಕನ್ನಡದಲ್ಲಿ ರಚಿಸಿರುವ ಇವರ ಹಲವು ಪುಸ್ತಕಗಳು ತೆಲುಗು, ಉರ್ದು, ಗುಜರಾತಿ, ಹಿಂದಿ ಭಾಷೆಗಳಿಗೆ ಅನುವಾದಗೊಂಡಿವೆ. 1000 ಕ್ಕೂ ಹೆಚ್ಚು ಪ್ರೌಢ ಲೇಖನಗಳನ್ನು ಬರೆದಿದ್ದಾರೆ. ...
READ MORE
Concept & Creation 
©2024 Book Brahma Private Limited.
