ಲೇಖಕ ವೈ.ಜಿ.ಭಗವತಿ. ಅವರ ‘ಮಕ್ಕಳು ಓದಿದ ಟೀಚರ್ ಡೈರಿ’, ಮಕ್ಕಳ ಕಾದಂಬರಿಯಾಗಿದೆ. ಬಾಲಕಿಯ ಸಂವೇದನೆ ಇರುವ ಕಾದಂಬರಿ ಇದು. ಶಾಲಿನಿ ಟೀಚರ್ ಅವರಿಗೆ ಡೈರಿ ಬರೆಯುವ ಹವ್ಯಾಸ.ಅವರ ಶಾಲಾ ಮಕ್ಕಳ ಟೀಚರ್ ಡೈರಿ ಓದುವ ಮೂಲಕ ಈ ಕಾದಂಬರಿ ಪ್ರಾರಂಭವಾಗುತ್ತದೆ. ಬಾಲಕಿ ಶಾಲಿನಿಯ ಹಠ, ಛಲ, ಸಿಡುಕಿನ ಸ್ವಭಾವಗಳು ಸಹಜವಾಗಿ ಮೂಡಿಬಂದಿವೆ. ಹದಿನಾಲ್ಕು ಅಧ್ಯಾಯಗಳಲ್ಲಿ ಕಾದಂಬರಿಯ ಹರವು ಚಾಚಿಕೊಂಡಿದೆ. ರುಸ್ತುಂ ಮಾಸ್ರರರ ಪಾತ್ರ ಅನನ್ಯತೆಯಿಂದ ಕೂಡಿದೆ. ಮಾತುಬಾರದ ಫಕ್ಕೀರ ಸುಧಾರಿಸಿದ್ದು ಹೇಗೆ? ಅವನ ತಾಯಿ ಶಾಲಿನಿ ಟೀಚರ್ ಅವರನ್ನು ಪ್ರತಿ ಬಾರಿಯೂ ಅದೇಕೆ ದಿಟ್ಟಿಸಿ ನೋಡುತ್ತಿದ್ದಳು? ಶಾಲಿನಿ ಟೀಚರ್ ಅವರ ಬಾಳಿನ ವಿಚಿತ್ರ ತಿರುವುಗಳ ಕಥೆ ಕುತೂಹಲದಿಂದ ಕೂಡಿದೆ. ಸಂತೋಷ ಸಸಿಹಿತ್ಲು ಅವರ ಆಕರ್ಷಕ ಮುಖಪುಟ. ಡಾ.ಆನಂದ ಪಾಟೀಲ ಸರ್ ಬಿಡಿಸಿದ ಒಳ ಚಿತ್ರಗಳು ಮಕ್ಕಳ ಗಮನ ಸೆಳೆಯುತ್ತವೆ. ಮಕ್ಕಳಿಗೂ ದೊಡ್ಡವರಿಗೂ ಇಷ್ಟವಾಗುವ ಕೃತಿ ಇದು.
ಲೇಖಕ, ಮಕ್ಕಳ ಸಾಹಿತಿ ವೈ. ಜಿ. ಭಗವತಿ ಅವರು ಪ್ರಸ್ತುತ ಧಾರವಾಡ ಜಿಲ್ಲೆಯ ಕಲಘಟಗಿ ತಾಲೂಕಿನ ತಬಕದಹೊನ್ನಿಹಳ್ಳಿ ಸರಕಾರಿ ಮಾದರಿ ಪ್ರಾಥಮಿಕ ಶಾಲೆಯಲ್ಲಿ ಹಿರಿಯ ಮುಖ್ಯಾಧ್ಯಾಪಕರಾಗಿ ಸೇವೆ ಸಲ್ಲಿಸುತ್ತಿದ್ದಾರೆ. ಹರೆಯದಿಂದಲೋ ಸಣ್ಣ ಕಥೆ, ಮಕ್ಕಳ ಕಥೆ, ಕವನ, ಕಾದಂಬರಿ, ಲೇಖನ ರಚನೆಯಲ್ಲಿ ಆಸಕ್ತಿ ತಳೆದಿದ್ದಾರೆ. ‘ದೇಮಮ್ಮನ ಲೋಟ’(2016), `ಸುಂದ್ರಮ್ಮಜ್ಜಿಯ ಮೊಮ್ಮಗನಂತೆ’ (2019) ಅವರ ಪ್ರಕಟಿತ ಮಕ್ಕಳ ಕಥಾಸಂಕಲನ. ಅವರ ‘ಬದುಕಿನ ಸುತ್ತಮುತ್ತ’ (2018) ಲೇಖನಸಾಹಿತ್ಯ ಪ್ರಕಟವಾಗಿವೆ. ಅವರ ಮತ್ತೊಂದು ‘ಮತ್ತೆ ಹೊಸ ಗೆಳೆಯರು’ ಎಂಬ ಮಕ್ಕಳ ಕಾದಂಬರಿ ನೈರುತ್ಯ ಕನ್ನಡ ಮಾಸಪತ್ರಿಕೆಯಲ್ಲಿ ಧಾರವಾಹಿಯಾಗಿ ಕಳೆದ ಒಂದೂವರೆ ವರ್ಷದಿಂದ ...
READ MORE
Concept & Creation 
©2024 Book Brahma Private Limited.
