ಮರುಭೂಮಿಯಲ್ಲಿ ಚಿನ್ನ (ತೈಲ) ಬೆಳೆಯುತ್ತಿರುವ ನಾಡು ಸೌದಿಅರೇಬಿಯಾ. 6ನೆಯ ಶತಮಾನದಿಂದ ಮುಸ್ಲಿಂರ ಪವಿತ್ರ ಸ್ಥಳವಾದ ಮಕ್ಕಾ ಮದಿನಾಗಳು ಜಗತ್ತಿನ ಇಸ್ಲಾಂ ಬಾಂಧವರನ್ನು ಭಕ್ತಿ ಭಾವನೆಗಳಿಂದ ಆಕರ್ಷಿಸಿಕೊಂಡಿದ್ದವು. 19ನೆಯ ಶತಮಾನದ ಪೂರ್ವಾರ್ಧದಲ್ಲಿ (1932) ಅಮೇರಿಕನ್ ಸಲಹೆಗಾರರ, ಭೂಗರ್ಭಶಾಸ್ತ್ರಜ್ಞರ ಅಭಿಪ್ರಾಯದೊಂದಿಗೆ ಭೂಮಿಯ ಒಡಲಾಳದಿಂದ ತೈಲ ತೆಗೆಯುವ ಒಪ್ಪಂದ ಮಾಡಿಕೊಂಡು ಡಾಲರ್‌ಗಳ ಸುರಿಮಳೆಯೇ ಹರಿಯುವಂತೆ ಮಾಡಿಕೊಂಡರು. ಇಂದು ಸೌದಿ ಅರೇಬಿಯಾ ಜಗತ್ತಿನ ಅತೀ ಶ್ರೀಮಂತ ರಾಷ್ಟ್ರಗಳಲ್ಲಿ ಪ್ರಮುಖ ಹೆಸರು ಪಡೆದುಕೊಂಡಿದೆ. ಲತಾ ಗುತ್ತಿಯವರು ಸೌದಿ ಅರೇಬಿಯಾದಲ್ಲಿ ಸುಮಾರು 15 ವರ್ಷಗಳ ಕಾಲ ಉಳಿದುಕೊಂಡು ಅಲ್ಲಿಯ ಅನುಭವವನ್ನು ನಾ ಕಂಡಂತೆ ಅರೇಬಿಯಾ ಎಂಬ ಪ್ರವಾಸ ಕಥನವನ್ನು ಬರೆದಿದ್ದಾರೆ. ಈ ಪ್ರವಾಸ ಕಥನವನ್ನು ಗುಲಬರ್ಗಾ ವಿಶ್ವವಿದ್ಯಾಲಯದ ಪದವಿ ತರಗತಿಗೆ ಪಠ್ಯಪುಸ್ತಕವನ್ನಾಗಿ ಆಯ್ಕೆ ಮಾಡಿಕೊಂಡಿತ್ತು.
ಮೂಲತಃ ಬೆಳಗಾವಿಯವರಾದ ಡಾ. ಲತಾ ಗುತ್ತಿ ಅವರು ತಮ್ಮ ಪ್ರವಾಸ ಕಥನ ಹಾಗೂ ಕವಿತೆಗಳ ಮೂಲಕ ಚಿರಪರಿಚಿತರಿದ್ದಾರೆ. ಲತಾ ಅವರು ಜನಿಸಿದ್ದು 1953ರ ಆಗಸ್ಟ್ 12ರಂದು. ಬೆಂಗಳೂರು ಕಂಪ್ಯೂಟರ್ ಟೆಕ್ನಾಲಜಿಯ ನಿರ್ದೇಶಕರಾಗಿ ಸೇವೆ ಸಲ್ಲಿಸುತ್ತಿದ್ದಾರೆ. ತಂದೆ ನಾಗನಗೌಡ, ತಾಯಿ -ಶಾಂತಾದೇವಿ ಪಾಟೀಲ. ಕರ್ನಾಟಕ ವಿಶ್ವವಿದ್ಯಾಲಯದಿಂದ ಎಂ.ಎ. ಪಿಎಚ್.ಡಿ. ಪದವಿ ಪಡೆದಿರುವ ಅವರು ಮೈಸೂರು ವಿಶ್ವವಿದ್ಯಾಲಯಿಂದ ಇಂಗ್ಲಿಷಿನಲ್ಲಿ ಎಂ.ಎ. ಪದವಿ ಪಡೆದಿದ್ದಾರೆ. ಯುರೋನಾಡಿನಲ್ಲಿ (1993), ನಾ ಕಂಡಂತೆ ಅರೇಬಿಯಾ (1995), ಅಂಡಮಾನಿನ ಎಳೆಯನು ಹಿಡಿದು (2013), ಚಿರಾಪುಂಜಿಯವರೆಗೆ (2017) ಅವರ ಪ್ರವಾಸ ಕಥನಗಳಾದರೆ ಹೆಜ್ಜೆ (2004), ಕರಿನೀರು (2015) ಕಾದಂಬರಿಗಳು. “ಪ್ರವಾಸ ಸಾಹಿತ್ಯ ...
READ MORE
Concept & Creation 
©2024 Book Brahma Private Limited.
