‘ನಗೆಗನ್ನಡಂ ಗೆಲ್ಗೆ’ ಆಧುನಿಕ ಕನ್ನಡ ಸಾಹಿತ್ಯದ ಹಾಸ್ಯ ಕೃತಿಯಲ್ಲಿ ಹೊರನಾಡ ಕನ್ನಡ ಬರಹಗಾರರ ಬರಹಗಳಿವೆ. ಕನ್ನಡ ಸಾಹಿತ್ಯ ರಂಗದ ಧ್ಯೇಯಗಳಲ್ಲಿ, ಅಮೆರಿಕಕ್ಕೆ ಬಂದು ನೆಲೆಸಿರುವ ಕನ್ನಡಿಗರಿಗೆ ಕನ್ನಡ ಸಾಹಿತ್ಯದ ಅರಿವು ಮರೆಯದಂತೆ ಆಗಾಗ ಅದರ ವಿವಿಧ ಮುಖಗಳನ್ನು ಅವರ ಮುಂದಿಡುವುದು ಮತ್ತು ಅವರ ಸಾಹಿತ್ಯಾಕಾಂಕ್ಷೆಗೆ ಮುದಕೊಟ್ಟು ಅವರ ಸಾಹಿತ್ಯ ಪಸರಿಸಿ ಬೆಳೆಯುವಂತೆ ಉತ್ತೇಜಿಸುವುದು ಮುಖ್ಯವಾದವು.
ಇದನ್ನು ಗಮನದಲ್ಲಿಟ್ಟುಕೊಂಡು ಈ ಕೃತಿಯನ್ನು ಎರಡು ಭಾಗವಾಗಿ ವಿಂಗಡಿಸಲಾಗಿದೆ., ಮೊದಲ ಭಾಗದಲ್ಲಿ ಕಳೆದ ಶತಮಾನದ ಕನ್ನಡ ಹಾಸ್ಯ ಸಾಹಿತ್ಯದ ಬೆಳವಣಿಗೆಯನ್ನು ಚಿತ್ರಿಸುತ್ತಾ ಕನ್ನಡದ ಹಿರಿಯ ಹಾಸ್ಯ ಸಾಹಿತಿಗಳ ಕೃತಿಗಳ ಪರಿಚಯ ಮಾಡಿಕೊಡುವುದು ಮತ್ತು ಎರಡನೇ ಭಾಗದಲ್ಲಿ ಅಮೆರಿಕದ ಕನ್ನಡಿಗರ ಹಾಸ್ಯ ಲೇಖನಗಳನ್ನು ಪ್ರಕಟಿಸುವುದರ ಮೂಲಕ ಅವರ ಸೃಜನಶೀಲ ಸಾಹಿತ್ಯ ಸಾಧನೆಯನ್ನು ಉತ್ತೇಜಿಸುವುದು. ಪುಸ್ತಕದ ಲೇಖನಗಳನ್ನೆಲ್ಲ ಸಾಧ್ಯವಾದಷ್ಟು ಕನ್ನಡಿಗರಿಂದಲೇ ಬರೆಸಲಾಗಿದೆ.
ಈ ಸಂಕಲನದಲ್ಲಿ ಒಟ್ಟು 28 ಲೇಖನಗಳಿದ್ದು ಅವುಗಳಲ್ಲಿ 22 ಲೇಖನಗಳನ್ನು ಅಮೆರಿಕಾದಲ್ಲಿರುವ ಕನ್ನಡಿಗರೇ ಬರೆದಿದ್ದಾರೆ. ಉಳಿದ ಲೇಖನಗಳನ್ನು ಭಾರತದ ಕನ್ನಡ ಬರಹಗಾರರಿಂದ ಬರೆಸಲಾಗಿದೆ.
ಎಚ್.ವೈ.ರಾಜಗೋಪಾಲ್ - 1960ರ ದಶಕದಲ್ಲೇ ಅಮೆರಿಕಕ್ಕೆ ತೆರಳಿದ ರಾಜಗೋಪಾಲ್ ಅವರು ಅಲ್ಲಿನ ಕನ್ನಡ ಸಮಾಜದೊಂದಿಗೆ ನಿಕಟ ಸಂಪರ್ಕ ಹೊಂದಿದ್ದಾರೆ. ಅಲ್ಲದೆ ಅನೇಕ ಭಾರತೀಯ ಸಂಸ್ಥೆಗಳ ಸ್ಥಾಪಕರೂ, ಕಾರ್ಯಮಂಡಲಿಯ ಸದಸ್ಯರೂ ಆಗಿ ಕೆಲಸ ಮಾಡಿದ್ದಾರೆ. ಕನ್ನಡ ಸಾಹಿತ್ಯಕ್ಕೇ ಮೀಸಲಾದ ಅಮೇರಿಕಾದ ಏಕೈಕ ರಾಷ್ಟ್ರೀಯ ಸಂಸ್ಥೆಯಾದ ಕನ್ನಡ ಸಾಹಿತ್ಯ ರಂಗದ ಸ್ಥಾಪಕ ಸದಸ್ಯರಲ್ಲೊಬ್ಬರು. ಹಲವಾರು ವರ್ಷ ಅದರ ಕಾರ್ಯಕಾರೀ ಸಮಿತಿಯ ಅಧ್ಯಕ್ಷರಾಗಿಯೂ ಆನಂತರ ಅದರ ಆಡಳಿತ ಮಂಡಲಿಯ ಅಧ್ಯಕ್ಷರಾಗಿಯೂ ಸೇವೆ ಸಲ್ಲಿಸಿದ್ದಾರೆ. ಇವರ ಲೇಖನಗಳು ಅಮೆರಿಕದ ಹಾಗೂ ಕರ್ನಾಟಕದ ಹಲವಾರು ಸಂಕಲನಗಳಲ್ಲಿ, ಅಂತರ್ಜಾಲ ತಾಣಗಳಲ್ಲಿ, ವೃತ್ತಪತ್ರಿಕೆಗಳಲ್ಲಿ ಪ್ರಕಾಶಗೊಂಡಿವೆ. ಅವರು ಸಹಸಂಪಾದಕರಾಗಿ ...
READ MORE
Concept & Creation 
©2024 Book Brahma Private Limited.
