ಚಲನಚಿತ್ರ ಸಂಗೀತ ನಿರ್ದೇಶಕ ಆರ್. ಎನ್. ಜಯಗೋಪಾಲ ಅವರ ಆಯ್ದ ಕೆಲ ಚಿತ್ರಗೀತೆಗಳನ್ನು ಸಂಕಲಿಸಿದ ಕೃತಿಗೆ ‘ನಗುವೆ ನಯನ ಮಧುರ ಮೌನ’ ಶೀರ್ಷಿಕೆಯಡಿ ಆರ್. ಎನ್., ಜಯಗೋಪಾಲರ ವ್ಯಕ್ತಿತ್ವವನ್ನು ಲೇಖಕ ಎನ್. ಎಸ್. ಶ್ರೀಧರಮೂರ್ತಿ ಅವರು ಕಟ್ಟಿಕೊಟ್ಟಿದ್ದಾರೆ.
ಸಂಗೀತ ನಿರ್ದೇಶಕ ಹಂಸಲೇಖಾ ಅವರು ಕೃತಿಗೆ ಬರೆದ ಬೆನ್ನುಡಿಯಲ್ಲಿ “ಚಿತ್ರಗೀತೆಗಳನ್ನು ಆಧುನಿಕ ಜನಪದ ಎಂದು ಕರೆಯಬಹುದು. ಎಷ್ಟೋ ಸಲ ಹಾಡುಗಳು ಜನಪ್ರಿಯವಾದರೂ ಅದರ ನಿರ್ಮಾತೃಗಳಿಗೆ ಆ ಯಶಸ್ಸು ಸಿಕ್ಕುವುದೇ ಇಲ್ಲ. ಅದಕ್ಕೆ ಸೂಕ್ತ ದಾಖಲಾತಿಯ ಕೊರತೆಯೇ ಮುಖ್ಯ ಕಾರಣ. ಇಂತಹ ಸಂಕಲನಗಳು ಅದನ್ನು ಕೆಲಮಟ್ಟಿಗಾದರೂ ಸರಿದೂಗಿಸುತ್ತವೆ. ಜಯಗೋಪಾಲ್ ಅವರ ಪ್ರಮುಖ ಗೀತೆಗಳನ್ನು ಒಟ್ಟಾಗಿರಿಸಿರುವ ಈ ಸಂಕಲನ ತಾವು ಬಹುವಾಗಿ ಮೆಚ್ಚಿಕೊಂಡಿದ್ದ ಗೀತೆಗಳ ಕರ್ತೃ ಜಯಗೋಪಾಲ್ ಎಂಬ ಅರಿವನ್ನು ಬಹಳ ಜನಕ್ಕೆ ಉಂಟು ಮಾಡುವುದಲ್ಲದೆ, ಈ ಕುರಿತು ಅಧ್ಯಯನಕ್ಕೆ ಕೂಡ ನೆರವು ನೀಡುತ್ತದೆ. ಕನ್ನಡ ಚಿತ್ರಗೀತೆಗಳ ಕುರಿತು ಗಂಭೀರ ಅಧ್ಯಯನವನ್ನು ಕೈಗೊಂಡಿರುವರಲ್ಲಿ ಎನ್.ಎಸ್. ಶ್ರೀಧರಮೂರ್ತಿ ಮೊದಲಿಗರು ಎನಿಸುತ್ತದೆ ಎಂದು ಪ್ರಶಂಸಿಸಿದ್ದಾರೆ.
ಎನ್.ಎಸ್.ಶ್ರೀಧರಮೂರ್ತಿ ಮಂಗಳೂರು ವಿಶ್ವವಿದ್ಯಾಲಯದಿಂದ ಅರ್ಥಶಾಸ್ತ್ರದಲ್ಲಿ ಚಿನ್ನದ ಪದಕ ಮತ್ತು ರ್‍ಯಾಂಕ್ ನೊಂದಿಗೆ ಸ್ನಾತಕೋತ್ತರ ಪದವಿಯನ್ನು ಪಡೆದವರು. ಉಪನ್ಯಾಸಕರಾಗಿ ತಮ್ಮ ವೃತ್ತಿಜೀವನವನ್ನು ಆರಂಭಿಸಿದ ಇವರು 'ಮಲ್ಲಿಗೆ' ಮಾಸಪತ್ರಿಕೆಯ ಮೂಲಕ ಪತ್ರಿಕೋದ್ಯಮಕ್ಕೆ ಬಂದು ಕಳೆದ ಎರಡು ದಶಕದಿಂದ ಸಾಂಸ್ಕೃತಿಕ ಪತ್ರಿಕೋದ್ಯಮವನ್ನು ಉಳಿಸುವಲ್ಲಿ ವಿವಿಧ ಪತ್ರಿಕೆಗಳ ಮೂಲಕ ಶ್ರಮಿಸುತ್ತಿದ್ದಾರೆ. ಚಲನಚಿತ್ರ ಇತಿಹಾಸದ ಕುರಿತು ಆಳವಾದ ಅಧ್ಯಯನ ನಡೆಸಿದ್ದಾರೆ. ಇವರು ಸಾಹಿತ್ಯ ಮತ್ತು ಆಧ್ಯಾತ್ಮ ಕ್ಷೇತ್ರದಲ್ಲಿಯೂ ಕೆಲಸ ಮಾಡಿದ್ದಾರೆ. ‘ಸಿಂಹಾವಲೋಕನ, ನಗುವ ನಯನ ಮಧುರ ಮೌನ, ಮಂಜುಳಾ ಎಂಬ ಎಂದೆಂದೂ ಮರೆಯದ ಹಾಡು, ಸಾಹಿತ್ಯ ಸಂವಾದ, ಹಾಡು ಮುಗಿಯುವುದಿಲ್ಲ, ಸಿನಿಮಾ ಎನ್ನುವ ನಾಳೆ’ ಅವರ ಪ್ರಮುಖ ಕೃತಿಗಳು. ಕನ್ನಡ ಚಿತ್ರಗೀತೆಗಳ ಸಾಂಸ್ಕೃತಿಕ ...
READ MORE
Concept & Creation 
©2024 Book Brahma Private Limited.
