ಹೆಲನ್ ಕೆಲರ್ ಅವರು ಇಂಗ್ಲಿಷ್ ನಲ್ಲಿ ಬರೆದ ತಮ್ಮ ಆತ್ಮಕಥೆಯನ್ನು ಲೇಖಕಿ ಶ್ರುತಿ ಬಿ.ಎಸ್. ಅವರು ಕನ್ನಡಕ್ಕೆ ಅನುವಾದಿಸಿದ್ದಾರೆ. ಈ ಪುಸ್ತಕದಲ್ಲಿ ಮೂರು ಭಾಗಗಳಿವೆ. ಮೊದಲನೆಯ ಭಾಗ ಹೆಲೆನ್ ಕೆಲರ್ ಬರೆದ ತನ್ನ ಬದುಕಿನ ಕಥೆ, ಎರಡನೆಯ ಭಾಗ ಆಕೆಯ ಪತ್ರಗಳು. ಇವೆರಡೂ ಭಾಗಗಳು ಆಕೆಯ ಬದುಕನ್ನು ನಮ್ಮ ಮುಂದೆ ತೆರೆದಿಡುತ್ತದೆ. ಆಕೆಯ ಶಿಕ್ಷಣದ ಕುರಿತು ಆಕೆಯೇ ಸ್ವತಃ ಎಲ್ಲವನ್ನೂ ವಿವರಿಸಲಾಗುವುದಿಲ್ಲ, ಆದರೆ ಅದೂ ಕೂಡ ಆಕೆಯ ಬದುಕಿನ ಪ್ರಮುಖ ಭಾಗವೇ ಆಗಿದ್ದು, ಮಿಸ್. ಸಲ್ಲಿವನ್ ಅವರ ಪತ್ರಗಳು ಹಾಗೂ ವರದಿಗಳ ಮೂಲಕ ಮೂರನೆಯ ಭಾಗದಲ್ಲಿ ಅವುಗಳನ್ನು ಚರ್ಚಿಸಲಾಗಿದೆ. ಜೊತೆಗೆ ಆಕೆಯ ವ್ಯಕ್ತಿತ್ವ ಹಾಗೂ ಸಾಧನೆಗಳ, ಮಿಸ್. ಸಲ್ಲಿವನ್ ಅವರ ಕಾರ್ಯಗಳ ಕುರಿತು ಕೂಡ ಮೂರನೆಯ ಭಾಗದಲ್ಲಿ ವಿವರಿಸಲಾಗಿದೆ.
ಮೂರನೆಯ ಭಾಗದಲ್ಲಿ ಅಧಿಕೃತ ದಾಖಲೆಗಳ ಹಾಗೂ ಮಿಸ್. ಸಲ್ಲಿವನ್ ಅವರ ಮಾರ್ಗದರ್ಶನದ ಮೇರೆಗೆ ವಿಷಯಗಳನ್ನು ನೀಡಲಾಗಿದೆ. ಮುಖ್ಯವಾಗಿ ಮಿಸಸ್. ಲಾರೆನ್ಸ್ ಹಟ್ಟನ್ ಅವರು ತಮ್ಮ ಸಂಗ್ರಹದಲ್ಲಿದ್ದ ಅನೇಕ ಪತ್ರಗಳನ್ನು ಹಂಚಿಕೊAಡಿದ್ದಾರೆ. ವೋಲ್ಟಾ ಬ್ಯೂರೋ ನಿರ್ವಾಹಕ ಮಿ. ಜಾನ್ ಹಿಟ್ಸ್ ಹಾಗೂ ಮಿಸಸ್. ಸೋಫಿಯಾ ಸಿ. ಹಾಪ್ಕಿನ್ಸ್ ಅವರಿಗೆ ಮಿಸ್. ಸಲ್ಲಿವನ್ ಅನೇಕ ಪತ್ರಗಳನ್ನು ಬರೆದಿದ್ದು, ಹೆಲೆನ್ ಗೆ ನೀಡಿದ ಶಿಕ್ಷಣದ ಮೇಲೆ ಬೆಳಕು ಚೆಲ್ಲುವಂತಿದೆ. ‘ಓವರ್ ದ ಟೀ ಕಪ್ಸ್’ನಲ್ಲಿ ಪ್ರಕಟವಾಗಿದ್ದ, ಹೆಲೆನ್ ಡಾ. ಹೋಲ್ಮ್ಸ್ ಅವರಿಗೆ ಬರೆದ ಪತ್ರವನ್ನು ಮಿ. ಹಾಟನ್, ಮಿ. ಮಿಫ್ಲಿನ್ ಹಾಗೂ ಕಂಪನಿ ನೀಡಿದ್ದನ್ನು ಇಲ್ಲಿ ದಾಖಲಿಸಲಾಗಿದೆ.
ಲೇಖಕಿ ಶ್ರುತಿ ಅವರು ಮೂಲತಃ ಶಿವಮೊಗ್ಗ ಜಿಲ್ಲೆಯ ಹೊಸನಗರ ತಾಲೂಕಿನ ಬಾಣಿಗ ಗ್ರಾಮದವರು. ಮೂಲ ಹೆಸರು ಶ್ರುತಿ ರಾವ್. 2008ನೇ ಇಸವಿಯಲ್ಲಿ ಶಿವಮೊಗ್ಗದ ಮಹಿಳಾ ಪಾಲಿಟೆಕ್ನಿಕ್ ಕಾಲೇಜಿನಲ್ಲಿ ಓದುತ್ತಿದ್ದು, ಅನಾರೋಗ್ಯದ (‘ಆಸ್ಟಿಯೋ ಸರ್ಕೋಮಾ) ಪರಿಣಾಮ ಓದು ನಿಲ್ಲಿಸಿ, ಚಿಕಿತ್ಸೆ ನಂತರ ಮತ್ತೇ ಕರ್ನಾಟಕ ರಾಜ್ಯ ಮುಕ್ತ ವಿಶ್ವವಿದ್ಯಾನಿಲಯದಿಂದ ಬಿ.ಎ. ಪದವಿ ಪಡೆದು, ಮನೋಶಾಸ್ತ್ರದಲ್ಲಿ ಎಂ.ಎಸ್ಸಿ. ಪದವಿಯೂ ಪೂರ್ಣಗೊಳಿಸಿದ್ದಾರೆ. ಜೊತೆಗೆ, ಕಂಪ್ಯೂಟರ್ ವಿಜ್ಞಾನದಲ್ಲಿ ಡಿಪ್ಲೊಮಾ ಪಡೆದರು. ಅವರ ಅನಾರೋಗ್ಯವು ‘ಬದುಕ ದಿಕ್ಕು ಆಸ್ಟಿಯೋ ಸರ್ಕೋಮಾ’ ಎಂಬ ಆತ್ಮಕಥನವನ್ನು ಬರೆಯಲು ಪ್ರೇರೇಪಿಸಿತು. ಈ ಕೃತಿಗೆ ಕರ್ನಾಟಕ ಸಾಹಿತ್ಯ ಅಕಾಡೆಮಿ ಪ್ರಶಸ್ತಿ ಲಭಿಸಿತು. ಇದೇ ಕೃತಿ “Osteosarcoma ...
READ MORE
Concept & Creation 
©2024 Book Brahma Private Limited.
