ರಂಗಭೂಮಿ ಒಂದು ಜೀವಂತ ಕಲೆ. ಸಮಕಾಲೀನ ಸ್ಥಿತಿಗತಿಗಳಿಗೆ ಭಾವನಾತ್ಮಕವಾಗಿ ಮತ್ತು ವಿಚಾರಾತ್ಮಕವಾಗಿ ಸ್ಪಂದಿಸುತ್ತ ಹೊಸ ಹೊಸ ಪ್ರಯೋಗಗಳಿಗೆ ಪ್ರೇರೇಪಿಸುತ್ತ ನಿರಂತರವಾಗಿ ಸಕ್ರಿಯವಾಗುತ್ತ ಹೋಗುವ ಮಾಧ್ಯಮ. ಯಾಕೆಂದರೆ - ಶಾಸ್ತ್ರೀಯ ಸಂಗೀತ ಅಥವಾ ನೃತ್ಯದಂತೆ ಈ ಮಾಧ್ಯಮಕ್ಕೆ ಗುರು ಪರಂಪರೆಯಿಲ್ಲ. ಇದ್ದರೂ ಗುರುಗಳೆನ್ನಿಸಿಕೊಂಡವರು - ಕೊಳ್ಳುವವರು ಹತ್ತಾರು ಮಂದಿ. ಇಲ್ಲಿ ಪ್ರಯೋಗವೇ ಪರಂಪರೆಯಾಗಿದೆ. ಬದುಕಿನ ಪ್ರತಿಯೊಂದು ದಿನವೂ ಇಲ್ಲಿ ಪ್ರಯೋಗಾಭ್ಯಾಸ. ನವಕರ್ನಾಟಕ ಕೈಪಿಡಿ: ರಂಗಭೂಮಿ ಆರು ಪಾಶ್ಚಾತ್ಯ ರಂಗಪದ್ಧತಿಗಳು, ಅಖಾಡ, ಸಂಪ್ರದಾಯಿಕ, ಏಕಕಾಲಿಕ, ಬಹುಘಟಕ, ನಾಟಕೀಯ ಮತ್ತು ಯಥಾರ್ಥ ರಂಗಪದ್ಧತಿಗಳನ್ನು ವಿಶದಪಡಿಸಿದ್ದಾರೆ. ಜತೆಯಲ್ಲಿ ವಾಸ್ತವೋತ್ತರ ರಂಗಶೈಲಿಗಳನ್ನು ವಿವರಿಸಿದ್ದಾರೆ. ಹಾಗೆಯೇ-ಭಾರತೀಯ ಪರಂಪರೆಯನ್ನು ತಮ್ಮ ಹಿನ್ನೋಟದಿಂದ ಚಿತ್ರಿಸಿದ್ದಾರೆ. ಇತಿಹಾಸ ಮತ್ತು ಪ್ರಯೋಗ ಎರಡನ್ನೂ ಒಂದೇ ಧರಾತಳದಲ್ಲಿ ಒಟ್ಟಿಗೆ ವಿವೇಚಿಸಿ-ವಿವರಿಸಿ ಬರೆದಿರುವ ಈ ಕೃತಿ ಕನ್ನಡದಲ್ಲಿ ಮೊಟ್ಟಮೊದಲನೆಯದು ಎಂದರೆ ತಪ್ಪಿಲ್ಲ.
Concept & Creation 
©2024 Book Brahma Private Limited.
