ಸಂಧ್ಯಾ ಶರ್ಮ ವೈ.ಕೆ ಅವರು ಹೆಸರಾಂತ ನೃತ್ಯಗಾರರ ಬದುಕನ್ನು ಚಿತ್ರಿಸಿರುವ ಕೃತಿ ‘ನೃತ್ಯಲೋಕ’. ಈ ಕೃತಿಯಲ್ಲಿ ನೃತ್ಯ ಇತಿಹಾಸ ತಜ್ಞೆ ಕರುಣಾ ವಿಜಯೇಂದ್ರ ಅವರು ಮುನ್ನುಡಿಯ ಮಾತುಗಳನ್ನು ಬರೆದಿದ್ದಾರೆ. ಅವರು ಹೇಳುವಂತೆ ಈ ಕೃತಿಯಲ್ಲಿ ಒಂದೊಂದು ಪುಟವೂ, ಒಂದೊಂದು ಪದಪುಂಜದಲ್ಲಿಯೂ ಕಳೆದ ಐದು-ಆರು ದಶಕಗಳಲ್ಲಿ ಬೆಳೆದುಬಂದ ಕಲಾವಿದ/ಕಲಾವಿದೆಯರ ರೋಚಕ ಕಥೆಗಳ ಆಗರವೇ ಇದೆ. ಒಂದೊಂದು ಸಾಲೂ ಕಲಾವಿದರು ಬೆಳೆದುಬಂದಿರುವ ದಾರಿಯನ್ನು ಸಮರ್ಪಕವಾಗಿ ಹಿಡಿದಿಟ್ಟಿರುವ ಸ್ವಾರಸ್ಯಕರ ಘಟನೆಗಳಿಂದ ತುಂಬಿ ಹೋಗಿದೆ ಎಂಬುದಾಗಿ ಹೇಳಿದ್ದಾರೆ.
ಕಳೆದ 52 ವರ್ಷಗಳಿಂದ ಕನ್ನಡ ಸಾರಸ್ವತಲೋಕದಲ್ಲಿ ಜನಪ್ರಿಯ ಲೇಖಕಿಯಾಗಿ ಖ್ಯಾತಿ ಪಡೆದಿರುವ ವೈ.ಕೆ.ಸಂಧ್ಯಾ ಶರ್ಮ ಅವರು ವೈ.ಕೆ. ಕೇಶವಮೂರ್ತಿ ಮತ್ತು ವೈ.ಕೆ. ಅಂಬಾಬಾಯಿಯವರ ಪುತ್ರಿಯಾಗಿ ಬೆಂಗಳೂರಿನಲ್ಲಿ ಜನಿಸಿದರು. ಪ್ರೌಢಶಾಲೆಯಲ್ಲಿದ್ದಾಗಲೇ ಬರವಣಿಗೆ ಆರಂಭಿಸಿದ ಇವರು, ಬೆಂಗಳೂರಿನ ಕರ್ನಾಟಕ ವಾರ್ತಾ ಇಲಾಖೆಯಲ್ಲಿ ಹಿರಿಯ ಅಧಿಕಾರಿಯಾಗಿ ಸೇವೆ ಸಲ್ಲಿಸಿದ್ದರು. ಪ್ರಸ್ತುತ ಫ್ರೀಲಾನ್ಸ್ ಜರ್ನಲಿಸ್ಟ್ ಆಗಿ ವಿವಿಧ ಪತ್ರಿಕೆಗಳಲ್ಲಿ ನೃತ್ಯ-ನಾಟಕಗಳ ಕಲಾ ವಿಮರ್ಶಕಿಯಾಗಿ, ಅಂಕಣ ಬರಹಗಾರ್ತಿಯಾಗಿ ಕಾರ್ಯನಿರತರಾಗಿದ್ದಾರೆ. ಪ್ರಜಾಮತ ವಾರಪತ್ರಿಕೆ (1975-76) , ಪ್ರಜಾಪ್ರಭುತ್ವ ವಾರಪತ್ರಿಕೆಗಳಲ್ಲಿ (1977-1980) ಮತ್ತು ಇಂಚರ (1980-82) ಮಾಸಪತ್ರಿಕೆಯಲ್ಲಿ ಸಹಾಯಕ ಸಂಪಾದಕಿಯಾಗಿ ಸೇವೆ ಸಲ್ಲಿಸಿರುವ ಅನುಭವ ಇವರಿಗಿದೆ. ಪ್ರಸ್ತುತ ಅಂತರ್ಜಾಲದ ‘’ ...
READ MORE
Concept & Creation 
©2024 Book Brahma Private Limited.
.jpg)
