ಲೇಖಕಿ ಸಂಯುಕ್ತಾ ಪುಲಿಗಲ್ ಅವರ ’ ನ್ಯಾಂಡೊ ಪರಾಡೊ ಪರ್ವತದಲ್ಲಿ ಪವಾಡ’ ಕೃತಿಯು ಅನುಭವ ಕಥನವಾಗಿದೆ. ಇದೊಂದು ಅನುವಾದಿತ ಕೃತಿಯಾಗಿದ್ದು, ನ್ಯಾಂಡೊ ಪೆರಾಡೊ ಆಂಡಿಸ್ ಹಿಮಪರ್ವತಶ್ರೇಣಿಯಲ್ಲಿ ಕಳೆದ 72 ದಿನಗಳ ರೋಚಕ ಕಥಾನಕವಾಗಿದೆ. ಅತ್ಯಂತ ಸರಳವಾದ ನಿರೂಪಣೆಯೊಂದಿಗೆ ಈ ಕಥಾನಕವು ಬದುಕಿನಾಳದ ಸತ್ಯಗಳನ್ನು ಶೋಧಿಸುವ ಸಾಧನವಾಗಿ ಕಂಡುಬರುತ್ತದೆ. ತನ್ನಿಂದ ತನ್ನದೆಲ್ಲವನ್ನೂ ಕಸಿದುಕೊಂಡ ಬದುಕನ್ನು ಹಿಂದೊಮ್ಮೆ ದ್ವೇಷಿಸಿದ್ದ ವ್ಯಕ್ತಿಯೊಬ್ಬ ಇಂದು ಅದೇ ಬದುಕಿನತ್ತ ಅಗಾಧ ಪ್ರೇಮವನ್ನು ಬೆಳೆಸಿಕೊಂಡದ್ದು, ಪ್ರೀತಿ-ಪ್ರೇಮಗಳಿಂದಲೇ ಬದುಕನ್ನು ಆಪ್ತವಾಗಿಸಿಕೊಂಡದ್ದರ ಕಥೆಯು ನನ್ನ ಬದುಕಿನ ಹುಡುಕಾಟಕ್ಕೆ ಹತ್ತಿರವೆನಿಸಿತ್ತು ಎನ್ನುತ್ತಾರೆ ಲೇಖಕಿ.
ಅತ್ಯಂತ ಪ್ರಾಮಾಣಿಕವಾಗಿ ನಡೆದ ಘಟನೆಯ ವಿವರಗಳನ್ನು ನೀಡುತ್ತಲೇ, ನ್ಯಾಂಡೊ ಪರಾಡೊ ಅವರು ಬದುಕಿನ ಪಾಠಗಳನ್ನು, ಆ ಪಾಠಗಳಿಂದ ಅವರು ಅನುಭವಿಸಿ ಅರಿತ ಅಧ್ಯಾತ್ಮಿಕ ಹೊಳಹುಗಳನ್ನು ಸರಳವಾಗಿ ನಮಗೆ ತಿಳಿಸುತ್ತಾ ಹೋಗುತ್ತಾರೆ. ಭಯ, ಆತಂಕ, ದುಃಖಗಳಿಂದ ಪ್ರಾರಂಭವಾಗುವ ಕಥೆ ಬೆಳೆಯುತ್ತಾ ಹೋದಂತೆ ಸುಖ, ಶಾಂತಿ, ನೆಮ್ಮದಿ, ಪ್ರೀತಿಗಳ ಕೇಂದ್ರವಾಗಿ ಮಾರ್ಪಡುತ್ತಾ ಜೊತೆಗೆ ನಮ್ಮನ್ನೂ ರೂಪಾಂತರಗೊಳಿಸುತ್ತದೆ.
ಸಂಯುಕ್ತಾ ಪುಲಿಗಲ್ ಬೆಂಗಳೂರಿನ ನಿವಾಸಿ. ಐಟಿ ಉದ್ಯೋಗಿ. ಕನ್ನಡ ಮತ್ತು ಇಂಗ್ಲಿಷ್ ಸ್ನಾತಕೋತ್ತರ ಪದವಿಗಳನ್ನು ಪಡೆದಿದ್ದಾರೆ. ಓದು - ಬರಹಗಳಲ್ಲಿ ಅಪಾರವಾದ ಆಸಕ್ತಿಯನ್ನು ತಳೆದಿರುವ ಅವರು ‘ಪರ್ವತದಲ್ಲಿ ಪವಾಡ’ ಮತ್ತು ‘ರೆಬೆಲ್ ಸುಲ್ತಾನರು’ ಎಂಬ ಅನುವಾದಿತ ಕೃತಿಗಳನ್ನು ಹಾಗೂ ’ಲ್ಯಾಪ್ ಟಾಪ್ ಪರದೆಯಾಚೆಗೆ’ ಎಂಬ ಅಂಕಣ ಬರಹಗಳ ಪುಸ್ತಕವನ್ನು ಹೊರತಂದಿದ್ದಾರೆ. ಹಲವು ನಿಯತಕಾಲಿಕೆಗಳಲ್ಲಿ ವಿವಿಧ ವಿಷಯಗಳ ಕುರಿತಾದ ಲೇಖನಗಳನ್ನು ಪ್ರಕಟಿಸಿದ್ದಾರೆ. ...
READ MORE
Concept & Creation 
©2024 Book Brahma Private Limited.
