ಪ್ರತೀಕ್ಷೆ ನಾನು ಹಾಡುವ ಹಾಡು ನಾನು ಹಾಡುವ ಹಾಡು ನಿಮ್ಮ ಮನ ಮೆಚ್ಚಿದರೆ ನೂರು ಧನ ಅದುವೆನಗೆ ಬೇರೇನೂ ಬೇಡ ನನಗೆ ಬದುಕಿನಲಿ ಅನುಕ್ಷಣವೂ ಹಾಲಂತೆ ಉಕ್ಕುತಿವೆ ಹಾಡುಗಳು ನನ್ನೆದೆಯ ಆಳದಲ್ಲಿ ನೋವಿನಲ್ಲೂ ಹಾಡು ನಲಿವಿನಲ್ಲೂ ಹಾಡು ಎಲ್ಲವೂ ಇಲ್ಲಿ ಸಮ, ಬಾಳಿನಲ್ಲಿ ಹೇಗೆ ಪುಟಿವುದೋ ಅರಿಯೆ ಹೃದಯದಾಳದಿ ಹಾಡು ಎಲ್ಲವೂ ಅವನದೇ ಆಟವಿಲ್ಲಿ ನಾನು ನನ್ನದು ಎಂಬ ಜಂಭ ಬೇಕಿಲ್ಲೆನಗೆ ನಾನು ಬರೀ ಆಡುತಿಹ ಗೊಂಬೆ ಇಲ್ಲಿ ಹತ್ತುಸಾವಿರ ಹಾಡು ಹಾಡಲೆಂಬಾಸೆಯಿದೆ ಮುಂದಿರುವ ಬಾಳ ಹೆದ್ದಾರಿಯಲ್ಲಿ ಗುರಿಯ ತಲುಪುವವರೆಗೆ ಸ್ಫೂರ್ತಿಯನು ತುಂಬುತಿರು ಬೇಡುವೆನು ದೇವನನು ಭಕ್ತಿಯಲ್ಲಿ (ಕೃತಿಯ ಒಳಗಿಂದ)
ಮಕ್ಕಳ ಸಾಹಿತಿ ಎಂದು ಹೆಸರಾಗಿರುವ ಡಾ.ಸಿ.ಎಂ.ಗೋವಿಂದರೆಡ್ಡಿಯವರು ಮಕ್ಕಳ ಸಾಹಿತ್ಯದ ಜೊತೆಗೆ ಇತರೆ ಸಾಹಿತ್ಯದಲ್ಲೂ ಕೃತಿಗಳನ್ನು ರಚಿಸಿದ್ದಾರೆ. ಇವರು ೧೯೫೮ರ ಆಗಸ್ಟ್ ೧೧ರಂದು ಕೋಲಾರ ಜಿಲ್ಲೆ ಮಾಲೂರು ತಾಲ್ಲೂಕಿನ ಚನ್ನಿಗರಾಯಪರ ಗ್ರಾಮದ ಮುನಿಸ್ವಾಮಿರೆಡ್ಡಿ ಮತ್ತು ಸುಬ್ಬಮ್ಮ ದಂಪತಿಗಳ ಮಗನಾಗಿ ಜನಿಸಿದರು. ತಾಳಕುಂಟೆ, ಲಕ್ಕೂರು ಮತ್ತು ಮಾಲೂರಿನಲ್ಲಿ ಕ್ರಮವಾಗಿ ಪ್ರಾಥಮಿಕ, ಮಾಧ್ಯಮಿಕ ಮತ್ತು ಪ್ರೌಢಶಿಕ್ಷಣವನ್ನು ಪಡೆದು, ಮೈಸೂರು ವಿಶ್ವವಿದ್ಯಾಲಯದಿಂದ ಪದವಿ ಮತ್ತು ಸ್ನಾತಕೋತ್ತರ ಪದವಿಗಳನ್ನು ಪಡೆದುಕೊಂಡದ್ದಲ್ಲದೆ ‘ಕೋಲಾರಜಿಲ್ಲೆಯ ಜಾತ್ರೆಗಳು’ ಎಂಬ ವಿಷಯದಲ್ಲಿ ಪಿಎಚ್.ಡಿ. ಮಹಾಪ್ರಬಂಧವನ್ನು ರಚಿಸಿ ಡಾಕ್ಟರೇಟ್ ಪದವಿಯನ್ನೂ ಪಡೆದರು. ಇವರು ಸಾರ್ವಜನಿಕ ಶಿಕ್ಷಣ ಇಲಾಖೆಯಲ್ಲಿ ಪ್ರಾಥಮಿಕ ಶಾಲಾಶಿಕ್ಷಕರಾಗಿ, ಪ್ರೌಢಶಾಲಾ ...
READ MORE
Concept & Creation 
©2024 Book Brahma Private Limited.
