ಸೈಕಲಾಜಿಕಲ್ ಕಾಂಪ್ಲೆಕ್ಸ್ ಗಳು- ಕನ್ನಡದಲ್ಲಿ ಮನಃಶಾಸ್ತ್ರ ವಿಷಯವನ್ನು ಕುರಿತು ಅನೇಕ ಕೃತಿಗಳನ್ನು ಹೊರತಂದ ಎಂ.ಬಸಣ್ಣನವರ ಕೃತಿ. ಈ ಕೃತಿಯು ಸೈಕಾಲಜಿಕಲ್ ಕಾಂಪ್ಲೆಕ್ಸ್ ಗಳು, ಈಡಿಪಸ್ ಕಾಂಪ್ಲೆಕ್ಸ್, ಎಲೆಕ್ಟ್ರಾ ಕಾಂಪ್ಲೆಕ್ಸ್, ಕ್ಲೈಟೆಮ್ನೆಸ್ಟ್ರಾ ಕಾಂಪ್ಲೆಕ್ಸ್, ಅಡೊನಿಸ್ ಕಾಂಪ್ಲೆಕ್ಸ್, ಅಂತಿಗೊನೆ ಕಾಂಪ್ಲೆಕ್ಸ್, ಕೆಯ್ನ್ ಕಾಂಪ್ಲೆಕ್ಸ್, ಸಿಂಡರೆಲ್ಲಾ ಕಾಂಪ್ಲೆಕ್ಸ್, ಲಾಟ್ ಕಾಂಪ್ಲೆಕ್ಸ್, ಗ್ರಿಸೆಲ್ಡಾ ಕಾಂಪ್ಲೆಕ್ಸ್, ಮೀಡಿಯಾ ಕಾಂಪ್ಲೆಕ್ಸ್, ಜೊಕಾಸ್ಟಾ ಕಾಂಪ್ಲೆಕ್ಸ್ ಮತ್ತು ಫೀಡ್ರಾ ಕಾಂಪ್ಲೆಕ್ಸ್, ಐಕಾರಸ್ ಕಾಂಪ್ಲೆಕ್ಸ್, ಬವೇರಿಸಮ್, ಕ್ಲಿಯೊಪಾತ್ರ ಕಾಂಪ್ಲೆಕ್ಸ್, ಪೀಟರ್ ಪ್ಯಾನ್ ಕಾಂಪ್ಲೆಕ್ಸ್, ಲೊಲಿಟಾ ಕಾಂಪ್ಲೆಕ್ಸ್, ಮೆಡೊನ್ನಾ-ಹೋರ್ ಕಾಂಪ್ಲೆಕ್ಸ್, ಕೆಸಾಂಡ್ರಾ ಕಾಂಪ್ಲೆಕ್ಸ್, ಇತರ ಕಾಂಪ್ಲೆಕ್ಸ್ ಅನ್ನುವಂತಹ 21 ಅನುಕ್ರಮಗಳನ್ನು ಹೊಂದಿದೆ. ಕೃತಿಗೆ ಮುನ್ನುಡಿ ಬರೆದಿರುವ ಬಸವರಾಜ ಕಲ್ಗುಡಿ ಅವರು, ಕನ್ನಡದಲ್ಲಿ ಸುಲಲಿತವಾಗಿ ಮಾತನಾಡಬಲ್ಲ, ಹಾಗೂ ತಮ್ಮ ಮಾತು ಹಾಗೂ ಬರಹದ ಮೂಲಕ ಕರ್ನಾಟಕದ ತುಂಬ ಖ್ಯಾತಿಯನ್ನು ಪಡೆದ ಬಸವಣ್ಣನವರ ಈ ಕೃತಿ ಮನಃಶಾಸ್ತ್ರದ ವಿಷಯವನ್ನು ಸಾಹಿತ್ಯದೊಂದಿಗೆ ವಿವರಿಸುತ್ತದೆ. ಪಶ್ಚಿಮದ ಸಾಹಿತ್ಯವನ್ನು ಓದಿದ ಸಾಹಿತ್ಯಾಸಕ್ತರಿಗೆ ಈಡಿಪಸ್, ಎಲೆಕ್ಟ್ರಾ ಕಾಂಪ್ಲೆಕ್ಸ್ ಗಳು ಹೆಚ್ಚು ಪರಿಚಿತ. ಆದರೆ ಅಷ್ಟೊಂದು ಪ್ರಸಿದ್ಧವಲ್ಲದ ಇಪ್ಪತ್ತಕ್ಕೂ ಹೆಚ್ಚು ಕಾಂಪ್ಲೆಕ್ಸ್ ಗಳು ಜನರ ನಡುವೆ ಮನೋವಿಜ್ಞಾನದ ಒಂದು ವಲಯದಲ್ಲಿ ಬಳಕೆಯಲ್ಲಿ ಇರುವುದನ್ನೂ ಬಸವಣ್ಣನವರು ಈ ಕೃತಿಯಲ್ಲಿ ವಿವರಿಸಿದ್ದಾರೆ. ಪ್ರಮುಖ ಕೃತಿಗಳ ಅಧ್ಯಯನ ಹಾಗೂ ಪರಿಶೀಲನವು ಈ ಕೃತಿಯನ್ನು ಹೆಚ್ಚು ಪ್ರಸ್ತುತಗೊಳಿಸಿವೆ. ಕನ್ನಡಕ್ಕೆ ಸರಳ ತಿಳಿಯಾದ ಭಾಷೆಯಲ್ಲಿ ಸೂಕ್ಷ್ಮವಾದ ಮನೋವಿಶ್ಲೇಷಣೆಯ ವಿವರಗಳು ಬಸವಣ್ಣನವರ ಈ ಕೃತಿಯ ಮೂಲಕ ದಕ್ಕಿವೆ ಎಂದೇ ಹೇಳಬಹುದು.ಕಾಂಪ್ಲೆಕ್ಸ್ ಎನ್ನುವ ಪರಿಕಲ್ಪನೆಯು ಶುದ್ಧಮನೋವಿಜ್ಞಾನದಲ್ಲಿ ಬಳಕೆಯಲ್ಲಿ ಇಲ್ಲ ಎನ್ನುವ ಮಾತನ್ನು ಬಸವಣ್ಣನವರು ಹೇಳುತ್ತಾ-ಇದು ಮನೋವಿಜ್ಞಾನದ ಒಂದು ಶಾಖೆಯಾದ ಡೆಪ್ತ್ ಸೈಕಾಲಜಿ ಮತ್ತು ಮನೋವಿಶ್ಲೇಷಣೆಯ ಸೈಕೋ ಅನಾಲಿಸಿಸ್ ವಿಭಾಗದಲ್ಲಿ ಚರ್ಚಿತವಾಗಿರುದನ್ನು ಗುರುತಿಸುತ್ತಾರೆ. ಸಿಗ್ಮಂಡ್ ಫ್ರಾಯ್ಡ್, ಕಾರ್ಲ್ ಯೂಂಗ್ ಹಾಗೂ ಆಡ್ಲರ್ ಹಾಗೂ ಅವರ ಅನುಯಾಯಿಗಳಲ್ಲಿ ಹೆಚ್ಷು ಪರಿಕಲ್ಪನೆ ಇದು ಎಂದಿದ್ದಾರೆ.
ಎಂ.ಬಸವಣ್ಣ- ಹುಟ್ಟಿದ್ದು 1933, ಚಾಮರಾಜನಗರ ಜಿಲ್ಲೆಯ ಮಂಗಲ ಗ್ರಾಮದಲ್ಲಿ. ಮೈಸೂರು ವಿಶ್ವವಿದ್ಯಾನಿಲಯದಿಂದ ಪ್ರಾಯೋಗಿಕ ಮನಃಶಾಸ್ತ್ರದಲ್ಲಿ 1955ರಲ್ಲಿ ಎಂ.ಎ.ಪದವಿ. ಕ್ಲಿನಿಕಲ್ ಮನಃಶಾಸ್ತ್ರದಲ್ಲಿ ನಿಮ್ಯಾನ್ಸ್ ನಿಂದ 1958ರಲ್ಲಿ ಡಿಪ್ಲೊಮಾ. 1970ರಲ್ಲಿ ತಿರುಪತಿಯ ವೆಂಕಟೇಶ್ವರ ವಿಶ್ವವಿದ್ಯಾಲಯದಿಂದ ಡಾಕ್ಟರೇಟ್ ಪದವಿ. ಇದೇ ವಿಶ್ವವಿದ್ಯಾಲಯದಲ್ಲಿ ಅಧ್ಯಾಪಕರಾಗಿ ಸೇರಿ 1993ರಲ್ಲಿ ಪ್ರಾಧ್ಯಾಪಕರಾಗಿ ವಿಶ್ರಾಂತರಾದರು. ತಮ್ಮ ಸಂಶೋಧನಾ ಲೇಖನಗಳನ್ನು ಪ್ರತಿಷ್ಠಿತ ಪತ್ರಿಕೆಗಳಲ್ಲಿ ಪ್ರಕಟಿಸಿದರು. ಅಧ್ಯಾಪಕ ವೃತ್ತಿಯನ್ನು ಪ್ರೀತಿಸುವ ಬಸವಣ್ಣನವರು ವ್ಯಕ್ತಿತ್ವ ವಿಕಾಸದ ಬಗ್ಗೆ ವಿಶೇಷ ಆಸಕ್ತಿಯನ್ನು ವಹಿಸಿ, ದೇಶದ ಉದ್ದಗಲಕ್ಕೂ ಉಪನ್ಯಾಸಗಳನ್ನು ಕಮ್ಮಟಗಳನ್ನು ನಡೆಸಿದ್ದಾರೆ. ಗುಲ್ಬರ್ಗಾ, ಕರ್ನಾಟಕ ಮತ್ತು ಬೆಂಗಳೂರು ವಿಶ್ವವಿದ್ಯಾಲಯಗಳಲ್ಲಿ ಸಂದರ್ಶಕ ಪ್ರಾಧ್ಯಾಪಕರಾಗಿ ಕಾರ್ಯ ನಿರ್ವಹಿಸಿದ್ದಾರೆ. ...
READ MORE
Concept & Creation 
©2024 Book Brahma Private Limited.
