ಸಾಮವೇದ ಒಂದು ಅಧ್ಯಯನ: ಲೇಖಕ ಶೇಷ ನವರತ್ನ ಅವರ ಕೃತಿ. ಭಾರತದಲ್ಲಿ ಶಾಸ್ತ್ರೀಯ ಸಂಗೀತದ ಬೇರು ಎಂದು ಸಾಮವೇದವನ್ನು ಪರಿಗಣಿಸಲಾಗುತ್ತದೆ. ನಾಲ್ಕು ಪ್ರಮುಖ ವೇದಗಳ ಪೈಕಿ ಸಾಮವೇದವು ಸಂಗೀತದ ಸ್ವರ-ಲಯ-ರಾಗಗಳ ಕುರಿತು ವಿವರಿಸುತ್ತಾದ್ದರಿಂದ ಇತರೆ ವೇದಗಳಿಗಿಂತ ಸಾಮವೇದವನ್ನು ಪ್ರತ್ಯೇಕ ಹಾಗೂ ವಿಶಿಷ್ಟ್ಯ ಎಂದು ಹೇಳಲಾಗುತ್ತದೆ. ಋಗ್ವೇದದ ಮಂತ್ರಗಳನ್ನು ಸ್ವರಬದ್ಧವಾಗಿ ಹಾಡುವಂತೆ ಮಾಡಿರುವುದೇ ಸಾಮವೇದ. ಪ್ರಕೃತಿಯಲ್ಲಿ ಲಯಬದ್ಧವಾದ ಒಂದು ಶಿಸ್ತು ಇದೆ. ಸ್ವರ ಇದೆ ಎಂದು ಹೆಚ್ಚಾಗಿ ತಿಳಿಸುವುದು ಸಾಮವೇದ. ಈ ವೇದದ ವೈಶಿಷ್ಟ್ಯ ಎಂದರೆ ನಾದ. ಅದನ್ನು ಹೇಗೆ ಉಚ್ಛರಿಸಿದರೂ ಭಗವಂತನಿಗೆ ಸೇರುತ್ತದೆ. ಸಂಗೀತದ ರಾಗಗಳು ಸಾಮವೇದದ ಜೀವಾಳ. ಈ ಕುರಿತು ವಿಸ್ತೃತ ಮಾಹಿತಿ ಒಳಗೊಂಡ ಕೃತಿ ಇದು.
ಶೇಷ ನವರತ್ನ ಅವರು 1950 ರ ಮೇ 5ರಂದು ಧಾರವಾಡದಲ್ಲಿ ಜನಿಸಿದರು. ಎಂ.ಎ. (ಇಂಗ್ಲಿಷ್) ಪದವೀಧರರು. ಸಾಹಿತ್ಯಕ ಮತ್ತು ತತ್ವಶಾಸ್ತ್ರೀಯ ಕೃತಿಗಳನ್ನು ರಚಿಸಿದ್ದಾರೆ. ಚಿಕ್ಕಜಾಜೂರು ಪಿಯು ಕಾಲೇಜು ಪ್ರಾಂಶುಪಾಲರಾಗಿ ನಿವೃತ್ತರು. ಧರ್ಮಗಳು, ಕರ್ಮ ಸಿದ್ದಾಂತ ಮತ್ತು ಪುನರ್ಜನ್ಮ ಮನಸೋಲ್ಲಾಸ, ನಿರ್ಣಯ ಸಿಂಧು, ಮಹಾಭಾರತದಲ್ಲಿ ಧರ್ಮ, ಬೇಂದ್ರೆ ಸಾಹಿತ್ಯದಲ್ಲಿ ಸ್ತ್ರೀ (ಸಾಹಿತ್ಯಕ-ತತ್ವಶಾಸ್ತ್ರೀಯ). ಹರೆಯದ ಹುಚ್ಚು, ಊರ್ಮಿಳಾ, ಮಲನಾಡ ಗಿಣಿ, ಮೀರಾಬಾಯಿ (ಕವನ ಸಂಕಲನ). ಕಬೀರ್, ಸೂರದಾಸ್ ಮುಂತಾದವರ ಕವಿತೆಗಳ ಅನುವಾದ. ಅವರಿಗೆ ವೇದಾಂತರತ್ನ, ಉಜ್ಜನಿ ಸದ್ಧರ್ಮ ಪೀಠ, ಆರ್ಯ ಸಮಾಜ ಮುಂತಾದ ಗೌರವಗಳು ಸಂದಿವೆ. 2013ರ ಡಿಸೆಂಬರ್ 15ರಂದು ನಿಧನರಾದರು. ...
READ MORE
Concept & Creation 
©2024 Book Brahma Private Limited.
