ಸಮಾಜದಲ್ಲಿ ಮೊಣಕಾಲ ಮೇಲೆ ಶಾಲುಹಾಕಿಕೊಂಡು ಎರಡು ಬೈಠಕ್‌ಗಳಲ್ಲಿ ಹಾಡಿದವರೆಲ್ಲ ಪಂಡಿತ ಎಂದಾದರೆ ದಯವಿಟ್ಟು ನನ್ನನ್ನು ಪಂಡಿತ ಎಂದು ಕರೆಯಬೇಡಿ' ನಾವೇಕೆ ಪಂಡಿತ ಎನ್ನಿಸಿಕೊಂಡು ಕೆಳಮಟ್ಟಕ್ಕಿಳಿಯಬೇಕು?' ಇದು ಪಂಡಿತ ಶಬ್ದದ ಅಪಮೌಲ್ಯ ಮತ್ತು ತಮ್ಮ ಸಂಗೀತ ವಿದ್ವತ್ತಿನ ಬಗ್ಗೆ ಅವರಿಗಿದ್ದ ಆತ್ಮವಿಶ್ವಾಸದ ಸೂಚಕ, ಸಂಗೀತ ಲೋಕದ ಖ್ಯಾತ ಗಾಯಕರಿಗೆ ಸಂಬಂಧಿಸಿದ ಇಂಥ 29 ಸವಿನೆನಪುಗಳ ಘಟನೆಗಳನ್ನು ಶಿರೀಷ ಜೋಶಿ ಸಂಗ್ರಹಿಸಿದ್ದಾರೆ.ಸಂಗೀತ ವಿದ್ವಾಂಸರ ಸ್ವಾಭಿಮಾನ, ಸಣ್ಣತನ, ದೊಡ್ಡತನ, ಅಹಂಗಳು ಇಲ್ಲಿವೆ. ಸವಾಯಿ ಗಂಧರ್ವ, ಕುಮಾರ ಗಂಧರ್ವ, ಮೋಗು ಬಾಯಿ ಕುರ್ಡಿಕರ್, ಲತಾ ಮಂಗೇಶ್ವರ್, ಉಸ್ತಾದ ಸಿಂದೇಖಾನ್, ಪಂ.ಬಾಳಕೃಷ್ಣ ಬುವಾ, ಪರವೀನ್ ಸುಲ್ತಾನಾ ಮತ್ತಿತರರ ಗಾನಸುಧೆಗೆ ಮರುಳಾದವರು ತಮ್ಮ ನೆಚ್ಚಿನ ಗಾಯಕರ ರಸನಿಮಿಷಗಳಿಗೆ ಇಲ್ಲಿ ಸಾಕ್ಷಿಯಾಗಬಹುದು.
ಕರ್ನಾಟಕ ಸರ್ಕಾರದ ಜಲ ಸಂಪನ್ಮೂಲ ಇಲಾಖೆ ಮತ್ತು ಲೋಕೋಪಯೋಗಿ ಇಲಾಖೆಯಲ್ಲಿ ಸೇವೆ ಸಲ್ಲಿಸುತ್ತಿರುವ ಶಿರೀಷ ಜೋಶಿ ಅವರು ಸಂಗೀತಕ್ಕೆ ಸಂಬಂಧಿಸಿದಂತೆ ಕನ್ನಡದಲ್ಲಿ ಬರೆಯುವ ಕೆಲವೇ ಲೇಖಕರಲ್ಲಿ ಒಬ್ಬರು. ಬೆಳಗಾವಿ ನಿವಾಸಿ ಆಗಿರುವ ಶಿರೀಷ ಅವರು ಸಾಹಿತ್ಯ, ಸಂಗೀತ, ನಾಟಕ ಕ್ಷೇತ್ರಗಳಲ್ಲಿ ತಮ್ಮನ್ನು ತೊಡಗಿಸಿಕೊಂಡಿದ್ದಾರೆ. ಸಂಗೀತದ ಪ್ರೀತಿ ಅವರಿಂದ ಹಲವು ಪುಸ್ತಕಗಳನ್ನು ಬರೆಸಿದೆ. ಕೃತಿಗಳು: ಕುಮಾರ ಗಂಧರ್ವ, ಬಸವರಾಜ ರಾಜಗುರು, ಕರ್ನಾಟಕದ ಗಂಧರ್ವರು, ಸಂಗೀತ ಲೋಕದ ರಸನಿಮಿಷಗಳು, ಕುಮಾರ ಸಂಗೀತ ...
READ MORE
Concept & Creation 
©2024 Book Brahma Private Limited.
