‘ಸಂಗೀತ ವಾದ್ಯಗಳು’ ಎಲ್. ಜಿ. ಸುಮಿತ್ರ ಅವರ ಅನುವಾದ ಕೃತಿಯಾಗಿದೆ. ಜಾನಪದ ಹಾಗೂ ಶಾಸ್ತ್ರೀಯ ಸಂಗೀತ ವಾದ್ಯಗಳ ಉಗಮ ಮತ್ತು ಬೆಳವಣಿಗೆಯನ್ನು ಅವುಗಳ ಪ್ರಾರಂಭಿಕ ಮೂಲಗಳಿಂದ ಈ ಪುಸ್ತಕದಲ್ಲಿ ಪರಿಶೀಲಿಸಲಾಗಿದೆ. ವಿವಿಧ ರೀತಿಯ ವಾದ್ಯಗಳ ಸ್ವರೂಪ ಮತ್ತು ಅವುಗಳ ಸಂಗೀತ ಬಳಕೆಗಳ ಬಗ್ಗೆ ಈ ಪುಸ್ತಕ ಅಮೂಲ್ಯವಾದ ವಿಷಯ ಸಂಗ್ರಹಣೆಯಾಗಿದೆ. ಮಿಥ್ಯ, ಜಾನಪದ ಹಾಗೂ ಧರ್ಮಗಳ ದೃಷ್ಟಿಯಿಂದ ಇವುಗಳನ್ನು ಅಧ್ಯಯನ ಮಾಡಿರುವುದಷ್ಟೇ ಅಲ್ಲದೆ ಅಂತರ ಸಾಂಸ್ಕೃತಿಕ ಸಂಬಂಧ ಹಾಗೂ ಸಮಾಜದ ವಿಕಾಸಗಳ ದೃಷ್ಟಿಯಲ್ಲೂ ಇವುಗಳ ಮಹತ್ವವನ್ನು ತಿಳಿಯಪಡಿಸಲಾಗಿದೆ. ಸರಳವಾದ ಈ ಅಧ್ಯಯನ ಸಾಧಾರಣ ಓದುಗರಿಗೂ ಸಂಗೀತ ಶಾಸ್ತ್ರಜ್ವರಿಗೂ ಉಪಯುಕ್ತವಾಗಿದೆ.
ಎಲ್.ಜಿ. ಸುಮಿತ್ರ ಅವರು 1934 ಮಾರ್ಚ್ 14ರಂದು ಬೆಂಗಳೂರಿನಲ್ಲಿ ಜನಿಸಿದರು. ತಂದೆ ಗುಂಡಪ್ಪ, ತಾಯಿ ಶಾರದಮ್ಮ. ಉಪನ್ಯಾಸಕಿಯಾಗಿ ಕಾರ್ಯ ನಿರ್ವಹಿಸಿರುವ ಇವರು ಸಾಹಿತ್ಯ ಕೃಷಿಯಲ್ಲಿ ತೊಡಗಿಕೊಂಡವರು. ಕಾವ್ಯಕಾವೇರಿ, ಸ್ಪರ್ಶರೇಖೆ, ಕರ್ನಾಟಕ ವೃತ್ತಿಗಾಯಕರು, ಭಾರತದ ಸಂಗೀತ ವಾದ್ಯಗಳು ಇವರ ಪ್ರಮುಖ ಕೃತಿಗಳು. ಏಷ್ಯನ್ ಬ್ರಾಡ್ಕಾಸ್ಟಿಂಗ್ ಯೂನಿಯನ್ನ ಹೊಸ ಬಂಕ ಫೌಂಡೇಶನ್ ಪ್ರಶಸ್ತಿ. ಕರ್ನಾಟಕ ಸರ್ಕಾರದ ಬಹುಮಾನ 'ಕಾವ್ಯ ಕಾವೇರಿ'ಗೆ ದೊರೆತಿದೆ. ಅಲ್ಲದೆ ಜಾನಪದ ಲೋಕ ಹಾಗೂ ಜಾನಪದ ಮತ್ತು ಯಕ್ಷಗಾನ ಅಕಾಡೆಮಿಯ 'ಜಾನಪದ ತಜ್ಞೆ ಪ್ರಶಸ್ತಿ, ಎಂಟನೆಯ ಸಂಗೀತ ಸಮ್ಮೇಳನ ಪ್ರಶಸ್ತಿಗಳು ಇವರನ್ನರಿಸಿವೆ. ...
READ MOREConcept & Creation 
©2025 Book Brahma Private Limited.
