ಸ್ಕೀಜೋಫ್ರೀನಿಯಾ ಎಂದರೆ ಜನಸಾಮಾನ್ಯರು ಸಹಜವಾಗಿ ಹುಚ್ಚು ಹಿಡಿದಿದೆ, ತಲೆಕೆಟ್ಟವರು ಎಂದು ಗುರುತಿಸುತ್ತಾರೆ. ಅದು ಅಪಾಯಕಾರಿ ಎಂದು ಪರಿಭಾವಿಸಿ ಒಮ್ಮೊಮ್ಮೆ ಹಿಂಸಿಸಲು ಹಿಂದು ಮುಂದು ನೋಡುವುದಿಲ್ಲ. ಮತ್ತದು ಬರಬಾರದ ಕಾಯಿಲೆ ಎಂಬ ಮಿಥ್ಯೆ ಮನದಲ್ಲಿ ಮೂಡುತ್ತದೆ. ಅದೆಲ್ಲ ಮೂಢನಂಬಿಕೆಗಳನ್ನು, ತಪ್ಪು ಕಲ್ಪನೆಗಳನ್ನು ತೊಳೆದು ಹಾಕುವ ಕೆಲಸವನ್ನು ಈ ಕೃತಿ ಮಾಡುತ್ತದೆ. ಸ್ಕಿಜೋಫ್ರೀನಿಯಾ ರೋಗಿಯನ್ನು ಮಾನಸಿಕ ಆಸ್ಪತ್ರೆಯಲ್ಲಿ ದಾಖಲು ಮಾಡಿಬಿಡಬೇಕು, ಜೀವನ ಪರ್ಯಂತ ಆಸ್ಪತ್ರೆಯ ನಾಲ್ಕು ಗೋಡೆಗಳ ನಡುವೆ ಅವನು ಬದುಕಬೇಕು, ಇದು ವಂಶವಾಹಿನಿಗಳ ದುಷ್ಪರಿಣಾಮ ಎಂಬ ನಂಬಿಕೆ ಒಂದು ಕಾಲದಲ್ಲಿ ಇತ್ತು. ಆದರೆ ಕಳೆದ ನಾಲ್ಕು ದಶಕಗಳಲ್ಲಿ ಮನೋವೈದ್ಯಕೀಯ ಕ್ಷೇತ್ರದಲ್ಲಿ ಉಂಟಾಗಿರುವ ಪ್ರಗತಿಯಿಂದಾಗಿ, ಸ್ಕಿಜೋಫ್ರೀನಿಯಾ ರೋಗಿಯನ್ನು ಆತನ ಮನೆಯಲ್ಲೇ ಉಳಿಸಿಕೊಂಡು, ಪರಿಣಾಮಕಾರಿ ಚಿಕಿತ್ಸೆ ನೀಡುವ ವಿಧಾನಗಳನ್ನು ಈ ಕೃತಿ ತಿಳಿಸಿ, ಮನದ ಆತಂಕವನ್ನು ದೂರ ಮಾಡುತ್ತದೆ.
ಡಾ. ಸಿ.ಆರ್. ಚಂದ್ರಶೇಖರ್ ಅಂತಾರಾಷ್ಟ್ರೀಯ ಖ್ಯಾತಿ ಪಡೆದಿರುವ ರಾಷ್ಟ್ರೀಯ ಮನೋರೋಗ ಮತ್ತು ನರವಿಜ್ಞಾನ ಸಂಸ್ಥೆಯಲ್ಲಿ ಉಪ ಆರೋಗ್ಯ ಅಧೀಕ್ಷಕರಾಗಿ ಸೇವೆ ಸಲ್ಲಿಸುತ್ತಿದ್ದಾರೆ. ಮನೋವಿಜ್ಞಾನ ಕ್ಷೇತ್ರದಲ್ಲಿ ಸಾಮಾಜಿಕ ಕಳಕಳಿಯುಳ್ಳ ಹಿರಿಯ ವೈದ್ಯರು ರೋಗಿಗಳ ಶುಶ್ರೂಷೆ, ಬೋಧನೆ ಮತ್ತು ತರಬೇತಿ ನೀಡುತ್ತಿರುವುದರ ಜೊತೆಗೆ ಕಳೆದ 30 ವರ್ಷಗಳಿಂದ ನಿರಂತರ ಸೇವೆ ಸಲ್ಲಿಸುತ್ತಿದ್ದಾರೆ. 150 ಕ್ಕೂ ಹೆಚ್ಚು ಮನೋವಿಜ್ಞಾನದ ಬಗ್ಗೆ ಕನ್ನಡದಲ್ಲಿ ರಚಿಸಿರುವ ಇವರ ಹಲವು ಪುಸ್ತಕಗಳು ತೆಲುಗು, ಉರ್ದು, ಗುಜರಾತಿ, ಹಿಂದಿ ಭಾಷೆಗಳಿಗೆ ಅನುವಾದಗೊಂಡಿವೆ. 1000 ಕ್ಕೂ ಹೆಚ್ಚು ಪ್ರೌಢ ಲೇಖನಗಳನ್ನು ಬರೆದಿದ್ದಾರೆ. ...
READ MORE
Concept & Creation 
©2024 Book Brahma Private Limited.
