ಖ್ಯಾತ ಪರಿಸರವಾದಿ ನಾಗೇಶ ಹೆಗಡೆ ಅವರ ಕೃತಿ-ಸೈನ್ಸ್ ಸಫಾರಿ. ವಿಜ್ಞಾನಲೋಕದ ಅವಲೋಕನ ಈ ಕೃತಿಯಲ್ಲಿದೆ. ಶನಿಗ್ರಹದ ಬಳೆಗಳ ಮಧ್ಯೆ ನುಗ್ಗಿ ಕಸ್ಸಿನೀ ಗಗನನೌಕೆಯ ರೋಚಕ ವಿವರಗಳು, ನ್ಯೂಕ್ಲಿಯರ್ ನರಕದಲ್ಲಿ ಈಜ ಹೋಗಿ ಆತ್ಮಹತ್ಯೆ ಮಾಡಿಕೊಂಡ ರೋಬಾಟ್ ಗಳು, ಪಾತಾಳಕ್ಕೆ ರಂದ್ರ ಕೊರೆದು ಗಂಗೆಯನ್ನು ಉಕ್ಕಿಸ ಹೊರಟ ದುರಾಶ್ರಿತರ ಕಗ್ಗನಸುಗಳು, ಮಿನಿಸ್ಟರ್ ಮುಖಕ್ಕೇ ಕೀಟನಾಶಕ ಎರಚಲು ಹೊರಟ ಹತಾಶ ಕೃಷಿಕರ ದುಸ್ಸಾಹಸಗಳು, ಕಕ್ಷೆಯಲ್ಲಿ ಹೊಸ ರಾಷ್ಟ್ರ ನಿರ್ಮಿಸಿ ಕ್ಷುದ್ರ ಗ್ರಹಗಳ ಯಜಮಾನಿಕೆಗೆ ಸಜ್ಜಾದ ಗಣಿಧಣಿಗಳು, ಭಣಗುಡುವ ಗುಡ್ಡಕಂದರಗಳಲ್ಲಿ ನೀರಿಂಗಿಸಹೊರಟ ಬರಿಗೈ ಭಗೀರಥರ ದುಸ್ಸಾಹಸಗಳು ಹೀಗೆ ವಿಜ್ಞಾನದ ವಿವಿಧ ಕೌತುಕಗಳು-ವಿಸ್ಮಯಗಳ ಬರಹಗಳು ಸಂಕಲನಗೊಂಡಿವೆ.
ಕನ್ನಡದ ಪ್ರಮುಖ ಲೇಖಕರಲ್ಲೊಬ್ಬರಾದ ನಾಗೇಶ ಹೆಗಡೆ ಅವರ ಹುಟ್ಟೂರು ಉತ್ತರ ಕನ್ನಡ ಜಿಲ್ಲೆಯ ಸಿದ್ಧಾಪುರ ತಾಲೂಕಿನ ಬಕ್ಕಮನೆ. ಮಾಧ್ಯಮಿಕ ಶಿಕ್ಷಣವನ್ನು ಯಡಳ್ಳಿಯ ವಿದ್ಯೋದಯ ಹೈಸ್ಕೂಲಿನಲ್ಲಿ ಪೂರೈಸಿದ ಅವರು ಶಿರಸಿಯ ಮೋಟಿನಸರ ಸ್ಮಾರಕ ಕಲಾ ಮತ್ತು ವಿಜ್ಞಾನ ಕಾಲೇಜಿನಲ್ಲಿ ಭೂವಿಜ್ಞಾನದಲ್ಲಿ ಬಿಎಸ್‍ಸಿ ಮುಗಿಸಿದರು. ಖರಗಪುರ ಐಐಟಿಯಲ್ಲಿ ಆನ್ವಯಿಕ ಭೂವಿಜ್ಞಾನದಲ್ಲಿ ಎಂಎಸ್‍ಸಿ (ಟೆಕ್) ಮಾಡಿದರು. ದೆಹಲಿಯ ಜವಾಹರಲಾಲ ನೆಹರು ವಿಶ್ವವಿದ್ಯಾಲಯದಲ್ಲಿ ಪರಿಸರ ವಿಜ್ಞಾನದಲ್ಲಿ ಎಂ.ಫಿಲ್ ಮಾಡಿದರು. ಶಿಕ್ಷಕ, ಪರಿಸರವಾದಿ ಹಾಗೂ ಪತ್ರಕರ್ತರಾಗಿ ವಿಭಿನ್ನ ಪಾತ್ರಗಳನ್ನು ವಹಿಸುತ್ತಿರುವ ನಾಗೇಶ ಹೆಗಡೆ ಸುಧಾ ವಾರಪತ್ರಿಕೆಯ ಸಹಾಯಕ ಸಂಪಾದಕರಾಗಿದ್ದರು. ಕನ್ನಡದಲ್ಲಿ ವಿಜ್ಞಾನ-ತಂತ್ರಜ್ಞಾನದ ಲೇಖನಗಳನ್ನು ಬರೆದಿರುವ ...
READ MORE
Concept & Creation 
©2024 Book Brahma Private Limited.
