`ಶಾಲೆಗಳಲ್ಲಿ ಸಮಾಜ ವಿಜ್ಞಾನದ ಬೋಧನೆ' ಅಲೆಕ್ಸ್ ಎಂ ಚಾರ್ಜ್ ಹಾಗೂ ಅಮನ್ ದುದಾನ್ ಅವರ ಮೂಲ ಕೃತಿಯಾಗಿದೆ. ಸಹನಾ ಹೆಗಡೆ ಹಾಗೂ ರೋಸಿ ಡಿ’ಸೋಜಾ ಅವರು ಕೃತಿಯನ್ನು ಕನ್ನಡಕ್ಕೆ ಅನುವಾದಿಸಿದ್ದಾರೆ. 2005ರಲ್ಲಿ ಭಾರತದ ರಾಷ್ಟ್ರೀಯ ಶೈಕ್ಷಣಿಕ ಸಂಶೋಧನೆ ಮತ್ತು ತರಬೇತಿ ಮಂಡಲಿ ಭಾರತೀಯ ಶಾಲೆಗಳಲ್ಲಿ ಸಾಮಾಜಿಕ ವಿಜ್ಞಾನವನ್ನು ಕಲಿಸುವ ಹೊಸ ವಿಧಾನದ ಪಠ್ಯಪುಸ್ತಕವನ್ನು ಪರಿಚಯಿಸಿದ ಸಂದರ್ಭದಲ್ಲಿ ಈ ಬೋಧನಾ ವಿಧಾನದ ಹಿಂದಿರುವ ವಿವೇಚನೆಯನ್ನು ಪರಿಶೀಲಿಸಲು ಮತ್ತು ವಿವರಿಸಲು ಇಂಗ್ಲಿಷ್ನಲ್ಲಿ ರಚಿಸಿದ್ದಾಗಿದೆ. ಈ ಪುಸ್ತಕವನ್ನು ಶಿಕ್ಷಣ ಕ್ಷೇತ್ರದ ಪ್ರಮುಖ ಭಾಗೀದಾರರಾದ ಪೋಷಕರು, ಶಿಕ್ಷಕರು, ವಿದ್ಯಾರ್ಥಿಗಳು ಮತ್ತು ಶಿಕ್ಷಣ ತಜ್ಞರ ಕಾಳಜಿಗಳನ್ನು ಉದ್ದೇಶಿಸಿ ಚರ್ಚಿಸುವ ರೀತಿಯಲ್ಲಿ ಕ್ರಮವಾಗಿ ವಿಂಗಡಿಸಿ ಸಂಯೋಜಿಸಲಾಗಿದೆ.
ರೋಸಿ ಡಿ'ಸೋಜಾ ಕನ್ನಡ ಭಾಷೆಯಲ್ಲಿ ವಿಮರ್ಶಾತ್ಮಕವಾಗಿ ಮೆಚ್ಚುಗೆ ಪಡೆದ ಕವಿ ಮತ್ತು ಅನುವಾದಕಿ. ಮಂಗಳೂರು ವಿಶ್ವವಿದ್ಯಾಲಯದಿಂದ ಇಂಗ್ಲಿಷ್ ಸಾಹಿತ್ಯದಲ್ಲಿ ಸ್ನಾತಕೋತ್ತರ ಪಡೆದಿರುವ ಇವರು, ಈ ಹಿಂದೆ ಪದವಿ ಕಾಲೇಜುಗಳಲ್ಲಿ ಇಂಗ್ಲಿಷ್ ಸಾಹಿತ್ಯದ ಅಧ್ಯಾಪಕಿಯಾಗಿ ಮತ್ತು ಪ್ರಾಥಮಿಕ ಶಿಕ್ಷಣ ಅಭಿವೃದ್ಧಿಯಲ್ಲಿ ತೊಡಗಿಕೊಂಡಿರುವ ರಾಷ್ಟ್ರೀಯ ಮತ್ತು ಅಂತರಾಷ್ಟ್ರೀಯ ಸರಕಾರೇತರ ಸಂಸ್ಥೆಗಳಲ್ಲಿ ಸಂಪನ್ಮೂಲ ವ್ಯಕ್ತಿಯಾಗಿ ಕಾರ್ಯನಿರ್ವಹಿಸಿದ್ದಾರೆ. ಮಣ್ಣ ಬಿಸುಪು ಇವರ ಕವನ ಸಂಕಲನ, ಅರಿವಿನ ಆಡುಂಬೋಲ, ಸ್ವರ್ಗಕ್ಕೆ ಮೂರೇ ಮೈಲಿ! ಇವರ ಅನುವಾದಿತ ಕೃತಿಗಳು. ಇದೀಗ ʻನೇಗಿಲ ಗೆರೆಗಳುʼ ಕೃತಿಯ ಅನುವಾದಕರು. ...
READ MOREConcept & Creation 
©2025 Book Brahma Private Limited.
