`ತಂತ್ರ ಪ್ರಪಂಚದಲ್ಲಿ ನ್ಯಾನೋ ಮಂತ್ರ’ ಕೃತಿ ನಾಲ್ಕು ವಿಶೇಷ ಲೇಖನಗಳ ಸಂಗ್ರಹ. ಮೊದಲನೆಯದು ನ್ಯಾನೊ ಪ್ರಪಂಚಕ್ಕೆ ಸಂಬಂಧಿಸಿದ್ದು. ಎರಡನೆಯ ಲೇಖನ `ರತ್ನಗಳು’ ಇಡೀ ರತ್ನ ಪ್ರಪಂಚದ ಅನೇಕ ಪರಿಚಿತ ಮತ್ತು ಅಪರಿಚಿತ ಪ್ರಪಂಚಕ್ಕೆ ಒಯ್ಯುತ್ತದೆ. ಸದ್ಯದಲ್ಲಿ ನಾವು ಹವಾಗುಣದ ಅತಿರೇಕವನ್ನು ಕಾಣುತ್ತಿದ್ದೇವೆ. ಮಾನವ ನಿಸರ್ಗಕ್ಕೆ ಮೂಗು ತೂರಿಸಿದ್ದಾನೆ. ಅದರ ಫಲವೇ ಹವಾಗುಣ ವೈಪರೀತ್ಯ-ಇದನ್ನು ಕುರಿತೇ ಬದಲಾಗುತ್ತಿರುವ ಹವಾಗುಣ ವಿಶ್ವ ಪರಂಪರಾ ತಾಣಗಳ ಮೇಲೆ ಹೇಗೆ ಪ್ರಭಾವ ಬೀರುತ್ತಿದೆ ಎಂಬುದರ ಒಳನೋಟ ಮೂರನೆಯ ಲೇಖನದಲ್ಲಿದೆ. ಸಾಮಾನ್ಯವಾಗಿ ಗುಹೆಗಳ ಬಗ್ಗೆ ಸಾರ್ವಜನಿಕರಿಗೆ ಹೆಚ್ಚೇನೂ ತಿಳಿದಿರುವುದಿಲ್ಲ. ಅದೇ ಒಂದು ಅದ್ಭುತ ಜಗತ್ತು; ಅದಕ್ಕೇ ಆದ ಒಂದು ವಿಶಿಷ್ಟ ಪರಿಸರವೂ ಇರುತ್ತದೆ. ಇದರ ವಿವರಗಳು ಕೊನೆಯ ಲೇಖನವಾದ `ಮೋಹಕ ಗುಹೆಗಳ ಮಾಯಾಲೋಕದಲ್ಲಿ’ ಅಚ್ಚುಕಟ್ಟಾಗಿ ಮೂಡಿಬಂದಿದೆ.
ಇಡೀ ಕೃತಿಗೆ `ತಂತ್ರ ಪ್ರಪಂಚದಲ್ಲಿ ನ್ಯಾನೊ ಮಂತ್ರ’ ಎಂಬ ಶೀರ್ಷಿಕೆ ನೀಡಿರುವುದು ಉದ್ದೇಶಪೂರ್ವಕವಾದ್ದೇ. ಏಕೆಂದರೆ ನ್ಯಾನೊ ಪ್ರಪಂಚ ಈಗಾಗಲೇ ತಂತ್ರಜ್ಞಾನ ಪ್ರಪಂಚವನ್ನು ಪ್ರವೇಶಿಸಿದೆ. ವೈದ್ಯಲೋಕದಲ್ಲಿ ಇದು ಭಾರಿ ಬದಲಾವಣೆ ತರುವ ಮುನ್ಸೂಚನೆ ಇದೆ.
ಭೂ ವಿಜ್ಞಾನಿ, ಸಂಶೋಧಕ, ಅಂಕಣಕಾರ, ವಿಜ್ಞಾನ ಲೇಖಕ ಟಿ.ಆರ್. ಅನಂತರಾಮು ಅವರು ಜನಿಸಿದ್ದು 1949 ಆಗಸ್ಟ್ 3ರಂದು ತುಮಕೂರು ಜಿಲ್ಲೆ ಶಿರಾ ತಾಲ್ಲೂಕಿನ ತಾಳಗುಂದದಲ್ಲಿ.ತಾಳಗುಂದ ರಾಮಣ್ಣ ಅನಂತರಾಮು ಅವರ ಪೂರ್ಣ ಹೆಸರು. ಸಿರಾದ ಸರ್ಕಾರಿ ಮಾಧ್ಯಮಿಕ ಶಾಲೆಯಲ್ಲಿ ಮಾಧ್ಯಮಿಕ ಶಿಕ್ಷಣ ಪೂರ್ಣಗೊಳಿಸಿದ ಅವರು ಸಿರಾದ ಮುನಿಸಿಪಲ್ ಹೈಸ್ಕೂಲಿನಲ್ಲಿ ಪ್ರೌಢಶಿಕ್ಷಣ ಪೂರ್ಣಗೊಳಿಸಿದ್ದಾರೆ. ಆನಂತರ ತುಮಕೂರಿನ ಸರ್ಕಾರಿ ಕಾಲೇಜಿನಲ್ಲಿ ಪದವಿ, ಮೈಸೂರು ವಿಶ್ವವಿದ್ಯಾಲಯದಲ್ಲಿ ಎಂ.ಎನ್ಸಿ(ಜಿಯಾಲಜಿ) ಪದವಿ ಪಡೆದಿದ್ದಾರೆ. ಭೂ ವಿಜ್ಞಾನ ವಿಷಯದಲ್ಲಿ ಪದವಿ ಪಡೆದ ನಂತನ ಬೆಂಗಳೂರಿನ ಸರ್ಕಾರಿ ವಿಜ್ಞಾನ ಕಾಲೇಜಿನಲ್ಲಿ ಪ್ರಾಧ್ಯಾಪಕರಾಗಿ, ರಾಜ್ಯದ ನಾನಾ ಕಾಲೇಜುಗಳಲ್ಲಿ ಅಧ್ಯಾಪಕರಾಗಿ ಕೆಲಸ ಮಾಡಿದ್ದಾರೆ. ...
READ MORE
Concept & Creation 
©2024 Book Brahma Private Limited.
