ಎರಡು ವಿಶಿಷ್ಟ ಜಗತ್ತುಗಳ ಸುತ್ತಾ ಹೆಣೆದ ಕಥಾನಕ ಲೇಖಕಿ ಕ್ಷಮಾ ವಿ. ಭಾನುಪ್ರಕಾಶ್ ಅವರ ‘ವಿಜ್ಞಾನ ಲೋಕದ ಜ್ಞಾನಕುಸುಮಗಳು’ ಕೃತಿ. ವಿಜ್ಞಾನ ಹಾಗೂ ಮಹಿಳೆಯರ ಜಗತ್ತನ್ನು ಈ ಕೃತಿಯು ಕಟ್ಟಿಕೊಡುತ್ತದೆ. ವಿಜ್ಞಾನವು ಎಲ್ಲೆಲ್ಲೂ ಅಡಕವಾಗಿದ್ದು, ಅದನ್ನು ಹುಡುಕಿ ತೆಗೆದು ಒಗಟು ಬಿಡಿಸಿ ಅರ್ಥೈಸಿಕೊಂಡು, ಜಗತ್ತಿಗೆ ಸಮೀಕರಿಸಿ ಹೊಸ ಹೊಳಹುಗಳನ್ನು ವಿನೂತನ ಅನ್ವೇಷಣೆಗಳ ಮೂಲಕ ಹೊರಹಾಕುವ ಅಚ್ಚರಿಯ ಕೆಲಸ ಮಾಡುವ ಮಾಂತ್ರಿಕರಿಗೆ ವಿಜ್ಞಾನಿಗಳೆಂದು ಹೆಸರು. ಮತ್ತೊಂದು ಜಗತ್ತು ಮಹಿಳೆಯರದ್ದು. ಈ ಪುಸ್ತಕ ಸಿದ್ಧಪಡಿಸುವ ಹಾದಿಯಲ್ಲಿ ಅನೇಕ ದೇಶಗಳ ಅನೇಕ ಕಾಲಘಟ್ಟಗಳ ಸಾಧಕಿಯರ ಜೀವನದಲ್ಲೊಂದು ಪುಟ್ಟ ಇಣುಕು ಹಾಕುತ್ತಾ ಮುಂದಿನ ಸಾಧಕಿಯ ಬಗ್ಗೆ ತಿಳಿಯುವ ಪ್ರಯತ್ನ ಮಾಡುತ್ತಾ ಸಾಗಿ ಬಂದಿದೆ. ಕಾಲಘಟ್ಟದ ಆಧಾರದ ಮೇಲೆಯೋ, ಅವರು ಸೇವೆ ಸಲ್ಲಿಸಿದ ಶಾಖೆಯ ಆಧಾರದ ಮೇಲೆಯೋ ಈ ಯಾದಿಯಲ್ಲಿ ನಿರ್ದಿಷ್ಟ ಕ್ರಮವನ್ನೇನೂ ಅನುಸರಿಸಿಲ್ಲ.ಇದು ಜಗತ್ತಿನ ಟಾಪ್‌ ೫೦ ವಿಜ್ಞಾನಿಗಳ ಪಟ್ಟಿ ಎಂಬ ಆಯ್ಕೆಯ ಮಾನದಂಡವನ್ನೂ ಇಲ್ಲಿ ಬಳಸಲಾಗಿಲ್ಲ. ಒಬ್ಬರ ಸಾಧನೆಯನ್ನು ಮತ್ತೊಬ್ಬರಿಗೆ ಹೋಲಿಸಿ ಇವರದ್ದಕ್ಕಿಂತಾ ಇವರದ್ದು ಶ್ರೇಷ್ಠ ಎನ್ನುವುದು ತರವಲ್ಲ. ಇದೇನಿದ್ದರೂ ಈ ಸಾಧಕಿಯರ ಅನುಭವಗಳನ್ನು, ಬದುಕನ್ನು, ಸಾಧನೆಯನ್ನು ಅರಿಯಲು, ಅದರಿಂದ ಸ್ಫೂರ್ತಿ ಪಡೆಯಲು ಕೈಗೊಂಡ ಒಂದು ಪಯಣ. ಇಲ್ಲಿ ಪ್ರತಿಯೊಬ್ಬರ ಸಾಧನೆಯನ್ನೂ, ಅನುಭವವನ್ನೂ ವ್ಯಕ್ತಿನಿಷ್ಠವಾಗಿ, ವಸ್ತುನಿಷ್ಠವಾಗಿ ಗಮನಿಸಿ ಮುಂದೆ ಸಾಗಬೇಕಷ್ಟೇ ಎನ್ನುವ ಕೃತಿ ಇದಾಗಿದೆ.
ಕಲಾವಿದೆ, ಲೇಖಕಿ ಕ್ಷಮಾ ವಿ ಭಾನುಪ್ರಕಾಶ್ ಅವರು ಗಾಯಕಿಯೂ ಹೌದು. ಕೃತಿಗಳು: ಒರಿಗಾಮಿಯಲ್ಲರಳಿದ ಸಾಧಕ, ವಿಜ್ಞಾನ ಲೋಕದ ಜ್ಞಾನಕುಸುಮಗಳು (50 ಸಾಧಕಿಯರು) ...
READ MORE
Concept & Creation 
©2024 Book Brahma Private Limited.
