ಕೃತಿ : ಅಪರೂಪದ ಪುರಾಣ ಕಥೆಗಳು
ಲೇಖಕರು : ಆಶಾ ರಘು
ಪ್ರಕಾಶನ : ಉಪಾಸನ ಬುಕ್ಸ್
ಪುಸ್ತಕದ ಬೆಲೆ : 170/-

ರಾಮಾಯಣ, ಮಹಾಭಾರತ ಹಾಗೂ ಕಥಾಸರಿತ್ಸಾಗರದ ಚಿಕ್ಕ ಕೈಪಿಡಿ 'ಅಪರೂಪದ ಪುರಾಣ ಕಥೆಗಳು'. ಎನ್ನುತ್ತಾರೆ ಲೇಖಕ ಮಹೇಶ ಅರಬಳ್ಳಿ. ಅವರು ಲೇಖಕಿ ಆಶಾ ರಘು ಅವರು ಬರೆದ 'ಅಪರೂಪದ ಪುರಾಣ ಕಥೆಗಳು' ಕೃತಿಗೆ  ಬರೆದ ಬೆನ್ನುಡಿ ಹೀಗಿದೆ.

ಇದೊಂದು ವಿಭಿನ್ನವಾದ ಕಥಾಗುಚ್ಛ, ಪುರಾಣದ ಅಪರೂಪ ವ್ಯಕ್ತಿಗಳ ಆಸಕ್ತಿಕರ ವಿಷಯಗಳು ಈ ಕಥೆಗಳಲ್ಲಿ ಅಡಗಿವೆ. ಮತ್ತೆ ಮತ್ತೆ ಓದಬಹುದಾದ ಪುಸ್ತಕ. ಇದನ್ನು ರಾಮಾಯಣ, ಮಹಾಭಾರತ ಹಾಗೂ ಕಥಾಸರಿತ್ಸಾಗರದ ಚಿಕ್ಕ ಕೈಪಿಡಿ ಎನ್ನಬಹುದು. ಇದರಲ್ಲಿ 48 ಪುಟ್ಟ ಕಥೆಗಳಿವೆ. ಈ ಕಥೆಗಳ ಶೀರ್ಷಿಕೆಗಳು ಓದುಗರಲ್ಲಿ ಆಸಕ್ತಿ ಮೂಡಿಸುತ್ತವೆ. ಇವೆಲ್ಲಾ ಪುರಾಣ ಆಧಾರಿತ ಕಥೆಗಳಾದ್ದರಿಂದ ವಿಷಯಗಳ ಅಧಿಕೃತತೆ ಕಾಪಾಡಿಕೊಳ್ಳುವುದು ಬಹುಮುಖ್ಯವಾಗುತ್ತದೆ. ಈ ನಿಟ್ಟಿನಲ್ಲಿ ಲೇಖಕರು ಸಮರ್ಪಕವಾದ ಪೂರ್ವತಯಾರಿ ಮಾಡಿದ್ದಾರೆಂಬುದು ಅವರ ಕಥಾನಿರೂಪಣೆಯಲ್ಲಿ ವ್ಯಕ್ತವಾಗಿದೆ.