ಛಂದ ಪುಸ್ತಕದ 15ನೆಯ ವರ್ಷದ ಕಾರ್ಯಕ್ರಮ  ಇಂಡಿಯನ್ ಇನ್ಟಿಟ್ಯೂಟ್ ಆಫ್ ವರ್ಡ್ ಕಲ್ಚರ್‌ನ  ವಾಡಿಯಾ ಸಭಾಂಗಣದಲ್ಲಿ ನಡೆಯಿತು. “ಪ್ರಾಮಾಣಿಕವಾಗಿ ಉತ್ತಮ ಕೃತಿಗಳನ್ನೇ ಕೊಡುತ್ತಾ ಬಂದರೆ ಕನ್ನಡ ಓದುಗರು ಖಂಡಿತಾ ನಮ್ಮನ್ನು ಬೆಂಬಲಿಸುತ್ತಾರೆ ಎನ್ನುವ ಸತ್ಯ ಧೈರ್ಯವನ್ನು ನೀಡುತ್ತದೆ” ಎಂದರು ಲೇಖಕ ವಸುಧೇಂದ್ರ. ರಂಗಭೂಮಿ ಕಲಾವಿದ ಬಿ. ಸುರೇಶ್, ಸಾಹಿಗಳಾದ ಜಯಂತ್ ಕಾಯ್ಕಿಣಿ, ರಾಜೇಂದ್ರ ಚೆನ್ನಿ, ಛಾಯಾ ಭಟ್‌, ದೀಪಾ ಗಣೇಶ್, ಶುಭಶ್ರೀ ಶ್ರೀವತ್ಸ, ಸಂಯುಕ್ತ ಪುಲಿಗಲ್, ನಾಗರಾಜ್ ವಸ್ತಾರೆ, ಎಸ್. ದಿವಾಕರ್‌, ಪದ್ಮನಾಭ ಭಟ್ ಶೇವ್ಕಾರ, ಲಕ್ಮಣ ಬಾದಾಮಿ, ಶಶಿ ತರೀಕೆರೆ ಮತ್ತಿತರರು ಹಾಜರಿದ್ದರು.