2020ನೇ ಸಾಲಿನ ಡಾ. ಪ್ರಹ್ಲಾದ ಅಗಸನಕಟ್ಟೆ ವಿದ್ಯಾರ್ಥಿ ಕಥಾ ಪ್ರಶಸ್ತಿಯು ಅಜಯ ವರ್ಮಾ ಅಲ್ಲೂರಿ ಅವರ 'ಅಲಮೇಲಮ್ಮ' ಅವರ ಕಥೆಗೆ ಸಂದಿದೆ. ಪ್ರಶಸ್ತಿಯು ಐದು ಸಾವಿರ ನಗದು ಹಾಗೂ ಪ್ರಶಸ್ತಿ ಪಲಕವನ್ನು ಒಳಗೊಂಡಿದೆ. ಪ್ರಶಸ್ತಿ ಪ್ರದಾನ ಸಮಾರಂಭವನ್ನು ಕೊರೊನಾ ನಂತರದ ಸುರಕ್ಷಿತ ದಿನಗಳಲ್ಲಿ ಅಥವಾ ಮುಂದಿನ ವರ್ಷದ ಹೊತ್ತಿಗೆ ನೆರವೇರಿಸಲಾಗುವುದು ಎಂದು ಹುಬ್ಬಳ್ಳಿಯ ಅಕ್ಷರ ಸಾಹಿತ್ಯ ವೇದಿಕೆ ಪ್ರಕಟಣೆಯಲ್ಲಿ ತಿಳಿಸಿದೆ.

ಅಂತಿಮ ಸುತ್ತಿನ ತೀರ್ಪುಗಾರರಾಗಿ ಹಿರಿಯ ಬರಹಗಾರರಾದ ಡಾ. ಬಸು ಬೇವಿನಗಿಡದ ಮತ್ತು ನಿರ್ಮಲಾ ಶೆಟ್ಟರ್‌ ಭಾಗವಹಿಸಿದ್ದರು.