ಕೇಂದ್ರ ಸಾಹಿತ್ಯ ಅಕಾಡೆಮಿ ಆಯೋಜಿಸಿರುವ ಅಖಿಲ ಭಾರತ ಯುವ ಬರಹಗಾರರ ಹಬ್ಬ (All India Young Writer's Festival)ದಲ್ಲಿ ನಡೆಯುವ ಸಣ್ಣ ಕತೆಗಳು ಗೋಷ್ಠಿಯಲ್ಲಿ ಕನ್ನಡದ ಕತೆಗಾರ ಆನಂದ ಕುಂಚನೂರ ಅವರು ಕರ್ನಾಟಕವನ್ನು ಪ್ರತಿನಿಧಿಸಿ ಮಾತನಾಡಲಿದ್ದಾರೆ.

ಅಸ್ಸಾಂನ ದಿಬ್ರುಗರ್ ವಿಶ್ವವಿದ್ಯಾಲಯದಲ್ಲಿ ಎರಡು ದಿನಗಳ ಕಾಲ ನಡೆಯುವ ಬರಹಗಾರ ಹಬ್ಬದಲ್ಲಿ ಕನ್ನಡದಲ್ಲಿ ಸಣ್ಣಕತೆಗಳು ವಿಷಯದ ಕುರಿತು ಮಾತನಾಡಲಿದ್ದಾರೆ. ಕರ್ನಾಟಕವನ್ನು ಪ್ರತಿನಿಧಿಸಿ ಆನಂದ್ ಕುಂಚನೂರು ಅವರು ಸಣ್ಣ ಕತೆಗಳು ಗೋಷ್ಠಿಯಲ್ಲಿ ಮಾತನಾಡಲಿದ್ದಾರೆ.

ಕಾರ್ಯಕ್ರಮದಲ್ಲಿ ಕೇಂದ್ರ ಸಾಹಿತ್ಯ ಅಕಾಡೆಮಿ ಕಾರ್ಯದರ್ಶಿ ಶ್ರೀನಿವಾಸರಾವ್, ನಮಿತಾ ಗೋಖಲೆ, ಕನ್ನಡ ಸಾಹಿತ್ಯ ಅಕಾಡೆಮಿಯ ಅಧ್ಯಕ್ಷರಾದ ಚಂದ್ರಶೇಖರ ಕಂಬಾರ ಮುಂತಾದವರು ಭಾಗವಹಿಸಲಿದ್ದಾರೆ. ದೇಶದ ವಿವಿಧ ಭಾಷೆಗಳ ಬರಹಗಾರರು, ಕವಿ-ಕವಯತ್ರಿಯರು ಭಾಗವಹಿಸಲಿದ್ದಾರೆ.