ಆಗಸ್ಟ್ 22ರಂದು, ಡಾ. ಯು.ಆರ್. ಅನಂತಮೂರ್ತಿಯವರ ಅಗಲಿಕೆಯ ನೆನಪಿನಲ್ಲಿ, ಅವರ ಬರಹಗಳ ಕುರಿತಾಗಿ ಸ್ಪರ್ಧೆಯನ್ನು ಏರ್ಪಡಿಸಲಾಗಿತ್ತು.ಇದಕ್ಕೆ ಬಂದಿರುವ ಸ್ಪಂದನೆಗಳನ್ನು ಕುರಿತು ತೀರ್ಪು ನೀಡುವಂತೆ ಪ್ರೊ.ಚ. ಸರ್ವಮಂಗಳ ( ಕವಿ ಹಾಗೂ ನಿವೃತ್ತ ಕನ್ನಡ ಪ್ರಾಧ್ಯಾಪಕರು ಮೈಸೂರು) ಹಾಗೂ ಅವರನ್ನು ಹಾಗೂ ನಿತೇಶ್ ಕುಂಟಾಡಿ( ಋತುಮಾನ ಬ್ಲಾಗ್ ನಿರ್ವಾಹಕರು, ಕ್ರಿಯಾಶೀಲ ಸಾಹಿತ್ಯಾಸಕ್ತ, ಪರಿಚಾರಕ ಬೆಂಗಳೂರು, ) ಅವರು ನೀಡಿರುವ ತೀರ್ಪಿನ ವಿಜೇತರ ಹೆಸರುಗಳನ್ನು ತಿಳಿಸಲಾಗಿದೆ. ಪ್ರಶಸ್ತಿ ಪಡೆದ ವಿಜೇತರು- ಮೊದಲ ಬಹುಮಾನ - ನವೀನ್ ಮಂಡಗದ್ದೆ, ಎರಡನೇ ಬಹುಮಾನ - ಸುಷ್ಮ ಕಶ್ಯಪ್ ಪಡೆದಿದ್ದಾರೆ.

ವಿಜೇತರಿಗೆ ಬಹುಮಾನವನ್ನು ಸದ್ಯದಲ್ಲೇ ಜರುಗುವ ನಟರಾಜ್ ಹುಳಿಯಾರ್ ಅವರ 'ಈವರೆಗಿನ ಬರಹ' ಕುರಿತು ಅವಲೋಕನ ಕಾರ್ಯಕ್ರಮದಲ್ಲಿ ವಿತರಿಸಲಾಗುವುದು.ಮತ್ತು ಕಾರ್ಯಕ್ರಮದ ದಿನಾಂಕವನ್ನು ಫ಼ೇಸ್ಬುಕ್ ನಲ್ಲಿಯೇ ತಿಳಿಸಲಾಗುವುದು ಎಂದು ತಮ್ಮ ಫೇಸ್ಬುಕ್ ಮುಖಪುಟದಲ್ಲಿ ಹೆಚ್.ಎಸ್. ರೇಣುಕಾರಾಧ್ಯ ತಿಳಿಸಿದ್ದಾರೆ.