ಹಾಣಾದಿ ಕಾದಂಬರಿಯ ವಿಷಯ ವಸ್ತು-ಸಂವೇದನೆ-ರಚನೆ ಕುರಿತು ಬಾಲಕೋಟೆಯ ನವನಗರ ಗಾರ್ಡೆನ್ನಿನಲ್ಲಿ ಸಂವಾದ ಕಾರ್ಯಕ್ರಮ ಜರುಗಿತು. ಹಲವಾರು ಯುವ ಹಾಗೂ ಹಿರಿಯ ಲೇಖಕರು ‘ಹಾಣಾದಿ’ ಕಾದಂಬರಿಯ ಕುರಿತು ತಮ್ಮ ಅಭಿಪ್ರಾಯ ಹಂಚಿಕೊಂಡರು. ನಂತರ ಕೃತಿ ಕರ್ತೃ ಕಪಿಲ ಪಿ. ಹುಮಾನಬಾದೆ ಅವರಿಗೆ ಪ್ರಶ್ನೆಗಳನ್ನು ಕೇಳುವ ಮೂಲಕ ಸಂವಾದಕ್ಕೆ ತುಸು ಬಿಸಿ ಏರ್ಪಟ್ಟಿತು. ಪುಸ್ತಕದ ಕುರಿತು ಗಂಭೀರ ಚರ್ಚೆ ನಡೆದವು. ಅನಿಲ್ ಗುನ್ನಾಪುರ, ಸಾಹಿತಿಗಳಾದ ಪ್ರಕಾಶ ಡಂಗಿ, ವಿನಯ್ ನಂದಿಹಾಳ್, ಬಿಜಾಪುರ ಹಿರಿಯ ವಿಮರ್ಶಕರು ಮನು ಪತ್ತಾರ್, ವರ್ಷ ಲಾಯಿಗುಂದಿ, ಗುರು ಗಾಣಿಗೇರ, ಮಹಾಂತೇಶ, ಸಾಬಣ್ಣ ಕೆಂಚನೂರ ಮತ್ತಿತರ ಸಾಹಿತ್ಯಾಸಕ್ತರು ‘ಹಾಣಾದಿ’ಯ ಕೆಲವು ಸಾಲುಗಳನ್ನು ಓದಿ, ಅಭಿಪ್ರಾಯ ವ್ಯಕ್ತಪಡಿಸಿದರು.