ಸಿನಿಮಾ ಕಥೆ ಬರೆಯಬೇಂಕೆಂಬ ಕನಸು,ಮಹದಾಸೆ ಅನೇಕರಿಗಿರುತ್ತದೆ. ಅಂಥವರಿಗಾಗಿಯೇ ಅನುಪ್ ಬಂಡಾರಿ ಸಿನಿಮಾ(ABC) ಸಂಸ್ಥೆಯು ಉತ್ತಮ ಅವಕಾಶವೊಂದನ್ನು ತೆರೆದಿರಿಸಿದೆ. ರಂಗಿತರಂಗ, ರಾಜರಥ, ವಿಕ್ರಾತ್ ರೋಣ ನಿರ್ದೇಶಕನ ಕೈಕೆಳಗೆ ಕೆಲಸ ಮಾಡುವ ಸದವಕಾಶ ಇದಾಗಿದೆ.

ಫನ್ ಆಕ್ಷನ್ ನ ಥೀಮ್ ಹೊಂದಿರುವ ಎರಡು ಪುಟದ ಕಥೆ ಬರೆಯುವಂತೆ ABC ಸಂಸ್ಥೆಯು ಪ್ರಕಟಣೆಯಲ್ಲಿ ತಿಳಿಸಿದೆ. ಕೀ ಸಿಚುವೇಶನ್ ನ್ನು ಸಹ ಕೊಟ್ಟಿದ್ದಾರೆ. ಅದರ ಆಧಾರದಲ್ಲಿ ಎರಡು ಪುಟಗಳ ಕಥೆ ಹೆಣೆದು ಅಕ್ಟೋಬರ್ 10ರ ಒಳಗೆ anupbhandaricinemas@gmail.com ಗೆ ಕಳಿಸುವಂತೆ ಅನುಪ್ ಬಂಡಾರಿ ಟ್ವೀಟ್ ಮೂಲಕ ತಿಳಿಸಿದ್ದಾರೆ.

ಕಥೆಯ ಎಳೆ ಇಂತಿದೆ "ಒಬ್ಬ ಹುಡುಗ ಮತ್ತು ಒಬ್ಬಳು ಹುಡುಗಿ ತಮ್ಮ ಸ್ನೇಹಿತನ ತಂದೆಯ ಅಂತಿಮ ಸಂಸ್ಕಾರದ ದಿನ ಭೇಟಿಯಾಗುತ್ತಾರೆ. ಪರಿಚಯ ಆಕರ್ಷಣೆಯೆಡೆಗೆ ತಿರುಗುವಷ್ಟರಲ್ಲಿ ಸ್ನೇಹಿತನ ತಂದೆಯ ಶವ ನಾಪತ್ತೆ ಆಗಿರುತ್ತದೆ".