ಸಾಹಿತ್ಯಿಕ ಚಟುವಟಿಕೆಗಳನ್ನು ಹಮ್ಮಿಕೊಂಡು, ಸಾಹಿತ್ಯಾಸಕ್ತರನ್ನು ಕ್ರಿಯಾಶೀಲರನ್ನಾಗಿಸುತ್ತಲೇ ಇರುವ ವಿಜಯಪುರದ ಕರ್ನಾಟಕ ಪುಸ್ತಕ ಪರಿಷತ್ತು ಈ ಬಾರಿ ಸಾಹಿತ್ಯಾಸಕ್ತರಿಗಾಗಿ ವಿಭಿನ್ನವಾದ ಅವಕಾಶವನ್ನು ಕಲ್ಪಿಸಿಕೊಟ್ಟಿದೆ. ಸಾಹಿತಿ, ಅನುಪಮ ಪ್ರಕಾಶನದ ಸ್ಥಾಪಕರಾದ ಡಾ. ಸಿದ್ದಣ್ಣ ಉತ್ನಾಳ್ ಹೆಸರಿನಲ್ಲಿ ಪುಸ್ತಕ ಪ್ರಶಸ್ತಿಗೆ ಕೃತಿಗಳನ್ನು ಆಹ್ವಾನಿಸಿದೆ.

ಸಾಹಿತ್ಯದ ಮೂರು ವಿಭಾಗದಲ್ಲಿ ಪುಸ್ತಕ ಪ್ರಶಸ್ತಿಗೆ ಕರೆ ನೀಡಿದ್ದು, ಪ್ರತಿ ವಿಭಾಗಕ್ಕೆ 10 ಸಾವಿರ ರೂಪಾಯಿ ಬಹುಮಾನವನ್ನೂ ವಿಜಯಪುರದ ಕರ್ನಾಟಕ ಪುಸ್ತಕ ಪರಿಷತ್ತು ನಿಗದಿಪಡಿಸಿದೆ. 2020ರಲ್ಲಿ ಪ್ರಕಟಗೊಂಡ ಯಾವುದೇ ಪ್ರಕಾರದ ಪುಸ್ತಕವನ್ನಾದರೂ (3 ಪ್ರತಿಗಳು) ಪುಸ್ತಕ ಪ್ರಶಸ್ತಿಗೆ ಕಳುಹಿಸಿಕೊಡಬಹುದು. ಆದರೆ ಕೃತಿಗಳನ್ನು ಕಳುಹಿಸುವ ಮುನ್ನ ಗಮನಿಸಬೇಕಿರುವ ಅಂಶವೆಂದರೆ ಸಂಪಾದಿತ ಕೃತಿ, ಪಿಎಚ್ ಡಿ ಪ್ರಬಂಧ ಇಲ್ಲವೇ ಸ್ಮರಣ ಸಂಚಿಕೆಗಳನ್ನು ಈ ಪ್ರಶಸ್ತಿಗಾಗಿ ಕಳುಹಿಸುವಂತಿಲ್ಲ.

ಕೃತಿಗಳು ತಲುಪಲು ಕೊನೆಯ ದಿನಾಂಕ; ಅಕ್ಟೋಬರ್ 25, 2021

ಪುಸ್ತಕಗಳನ್ನು ಕಳುಹಿಸಬೇಕಾದ ವಿಳಾಸ: ಶಂಕರ್ ಬೈಚಬಾಳ, ‘ವಚನ’, ರಾಜಾಜಿನಗರ, ಕೆ ಇ ಬಿ ಹಿಂದುಗಡೆ, ವಿಜಯಪುರ - 586109

ಮೊಬೈಲ್ - 9448751980, 9740560993