ಕನ್ನಡದ ಹೆಸರಾಂತ ಕತೆಗಾರ, ಕಾದಂಬರಿಕಾರ, ನಾಟಕ ನಿರ್ದೇಶಕ, ವಿಮರ್ಶಕ ಜಿ.ಕೆ. ಐತಾಳ ಎಂದು ಖ್ಯಾತರಾಗಿದ್ದ ಗೋಪಾಲಕೃಷ್ಣ ಐತಾಳರು ಇಂದು ಬೆಳಗಿನ ಜಾವ ಕೋಟೇಶ್ವರದ ಅವರ ಸ್ವಗೃಹದಲ್ಲಿ ನಿಧನರಾದರು. ಅವರಿಗೆ 68 ವರ್ಷ ವಯಸ್ಸಾಗಿತ್ತು.

ಕರ್ಣಾಟಕ ಬ್ಯಾಂಕಿನ ನಿವೃತ್ತ ಸೀನಿಯರ್ ಮ್ಯಾನೇಜರ್‌ ಆಗಿದ್ದರು. ಕನ್ನಡ ಸಾಹಿತ್ಯ ಕ್ಷೇತ್ರಕ್ಕೆ ನೀಡಿದ ಕೊಡುಗೆ ಅಪಾರ. ಆ.ನ.ಕೃ ಪ್ರತಿಷ್ಠಾನದ ಮೊದಲ ಕಾದಂಬರಿ ಪ್ರಶಸ್ತಿಯು ಇವರಿಗೆ ಸಂದಿತ್ತು. ಕಥೆ, ಕಾದಂಬರಿ, ನಾಟಕ, ವಿಮರ್ಶೆ ಹೀಗೆ ಕನ್ನಡ ಸಾಹಿತ್ಯದ ಹಲವು ಪ್ರಕಾರಗಳ ಕೃಷಿಯಲ್ಲಿ ತೊಡಗಿಕೊಂಡಿದ್ದರು. ಆರ್ಯಭಟ ಪ್ರಶಸ್ತಿ, ಸರ್‌.ಎಂ.ವಿಶ್ವೇಶ್ವರಯ್ಯ ಪ್ರಶಸ್ತಿ ಮುಂತಾದ ಹಲವಾರು ಪ್ರಶಸ್ತಿಗಳು ಇವರ ಮುಡಿಗೇರಿದ್ದವು.